Apocalipsis 21:26 - La'aqtaqa Ñim Lo'onatac 'Enauacna 2013

²⁶ Qaq nache ndotega yemaye da la'amaqchec qataq da llo'oxoyec nam ỹotta'a't shiỹaxauapi.

Nuevo Testamento Toba Sur

²⁶ Qaq nachi ndotega yimayi da l'amaqchic qataq da lli'oxoyic nam ÿotta'a't shiÿaxauapi.

Nuevo Testamento Toba Sombrero Negro

²⁶ Qama'le qoyanema qomle da'me let'adaic leuoyaĝa'j joga'me jiyaĝadipi jo'ne jalcote, nataq'aen da'me li'yoĝodic.

Apocalipsis 21:26 Referans Kwoze

Apocalipsis 21:24

Qaq nam ỹotta'a't shiỹaxauapi maye huetalec ana 'alhua, na le'eraxa se'eso nỹecpi nache huetaigui namayepi. Qaq nam nta'alpi maye huetalec ana 'alhua nache ndotega qataq ỹami' da lsallaxa.

Salmos 72:10

Qataq na nta'alpi maye lma' ye Tarsis qataq nam netalec ana ỹaqauga 'alhuapiole, qataq na nta'alpi maye lma' ye Sabá qataq ye Sebá, ndotega qome camaye na lachetaqtaxanaxatpi.

Isaías 49:23

Na nta'alpi qalaq ỹauo'o qome da 'am llalec, qaq ana lhuapi qalaq 'arsoquiaxanaxanapi. Qataq 'am ỹa'atto'oto qome naua l-llecte, qataq ichegoxouec na 'alhua naua 'arapia'ate. Qaq huaña qome nache aỹem 'auauattoota da nachaỹem Nataxala', qaq nam aỹem ỹa'amaqteetac saishet qome da hueto'ot ca lcoxo.

Isaías 60:11

Na 'anasompi qalaq nache 'eetai' qome da nauattaigui, nache saishet da napogui ye na'a'q qataq ye pe, cha'aye 'am qandotapegueua'a qome da lsallaxa nam ỹotta'a't shiỹaxauapi, qataq 'am naua'a qome nam nta'alpi nnaictague' na ltauapi.

Isaías 60:16

Qaq nam ỹotta'a't shiỹaxauapi 'am ỹanem qome na ỹataqta no'on nallec, qataq na lta'alpi 'am ndotega qome da lsallaxa, qaq huaña qome nache 'auauattoota da aỹem, nachaỹem Nataxala', Aỹem 'arca'alaxaqui, Aỹem maye aỹem la'añaxanec so Jacob, nachaỹem 'arca'alaxaqui.