Apocalipsis 21:24 - La'aqtaqa Ñim Lo'onatac 'Enauacna 2013

²⁴ Qaq nam ỹotta'a't shiỹaxauapi maye huetalec ana 'alhua, na le'eraxa se'eso nỹecpi nache huetaigui namayepi. Qaq nam nta'alpi maye huetalec ana 'alhua nache ndotega qataq ỹami' da lsallaxa.

Nuevo Testamento Toba Sur

²⁴ Qaq nam ÿotta'a't shiÿaxauapi mayi qanca'alaxateec nachi nachattaigui na l'edaxa yi'iyi la ciudad. Qaq nam nta'alpi mayi huetalec ana 'alhua nachi ndotega da l'amaqchic qataq da lli'oxoyic yimayi.

Nuevo Testamento Toba Sombrero Negro

²⁴ Qama'le jogaa'me jiyaĝadipi jo'ne uetedalegue jena'me aleua nach'e ena'ama da'me yeuotedapiye qomle ga'me yoqochiñe jo'ne lauaqayaĝac jodi'me noic. Qama'le jogaa'me nejaliaĝanaqa jo'ne yelodelegue jena'me aleua nach'e ena'ama da'me yanema qomle da'me leuoyaĝac.

Apocalipsis 21:24 Referans Kwoze

Apocalipsis 22:2

Qaq nam laiñi so nqa'aic maye laiñiguishec se'eso nỹecpi, nache nacchiguingui se'eso 'etaxat. Qaq naua loiguiye se'eso tala huo'o ana qo'oipaq maye huo'o ana ala ye 'oonolec ca'agoxoic, qaq damaye 'eeta' doce da huo'o ana ala ye 'oonolec vi'i. Qaq ana ala ỹan da nca'alaxa chochaq tatec, qaq ana laue qalaq natannaxanaqte da nataren na lalolaxapi 'enauac na shiỹaxauapi maye huetalec ana 'alhua.

Apocalipsis 21:26

Qaq nache ndotega yemaye da la'amaqchec qataq da llo'oxoyec nam ỹotta'a't shiỹaxauapi.

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.

Isaías 66:18

Cha'aye aỹem ỹataqta saỹateeta nam ỹo'ottacpi qataq nam lhuennataxacpi. Qalaxaye mashe ivita yem laloqo' da llaỹona't nam ỹotta'a't shiỹaxauapi qataq nam ỹotta'a't naua la'aqtaqa, qaq namayepi anac qome nache ỹauaachigui da ỹo'oxoyec.

Isaías 60:16

Qaq nam ỹotta'a't shiỹaxauapi 'am ỹanem qome na ỹataqta no'on nallec, qataq na lta'alpi 'am ndotega qome da lsallaxa, qaq huaña qome nache 'auauattoota da aỹem, nachaỹem Nataxala', Aỹem 'arca'alaxaqui, Aỹem maye aỹem la'añaxanec so Jacob, nachaỹem 'arca'alaxaqui.

Isaías 55:5

Qaq 'Am nagui, 'aỹaxana qome na shiỹaxauapi maye sa 'auauatton, qaq nam shiỹaxauapi maye saishet da 'am ỹauatton co'ollaxa qalaq 'am nqalgoqta'a qome, cha'aye Aỹem 'Arataxala' qataq Aỹem Qui'itta natamnaxala' na Israel le'ecpi, huo'o naq 'enec ñaqa'en 'am.

Isaías 52:15

qaq nache 'eetec nataqa'en qome da qalota na ỹotta'a't shiỹaxauapi nam huo'o da la'aalaxa, qaq na nta'alpi qom ila'a nache 'eco' qaicaua naua la'aqtaqa, cha'aye ỹauaachigui qataq ỹaỹaten qome dam sa ỹauanega da hua'aqchigui.

Romanos 15:16

qataq aỹem lca'aguishec da so'onataxanot So Jesucristo da yaqto' setauan nam saishet da judiopi. Qaq aỹem sheeta'am ca ntaxaỹaxanaxanec da sa'axatem namayepi da no'on na'axaỹaxac maye chegoqo'ot Ñim Lo'onatac 'Enauacna, qataq seroua'a Ñimaye da 'eeta'am aca nachetaqtaxanaqte maye ỹaỹamaxareeta Ñimaye, cha'aye So Saqcha'a Na'añaxac Qui'itta iỹotauga da yaqto' lalamaqte.

Salmos 22:27

Qaq tachigui lauel qome Ñim Nataxala' nache ỹe'eguelaxa Ñimaye 'enauac na ỹotta'a't shiỹaxauapi maye neta'alo naua loga'te ana 'alhua. Qataq 'enauac na llalaqpi na ỹotta'a't shiỹaxauapi da ỹa'aldoto qome naua l-llecte Ñimaye.

Romanos 15:26

Aya'aye anom lapoñiguishe nam 'amqaanataxanaxaicpi maye hueta'a ye 'alhua Macedonia qataq nam netaña ye Acaya da ỹauotaique da ltaunaxanaqte da itauan cam qarqaỹañicpi maye huo'o da lhuenaxanaxa maye netaña ye Jerusalén.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Isaías 2:2

Que'eca pa'atec na'a'q, nache añi qasoxonaxa añim netalec añi atamnaxaqui maye lalamaqte Ñim Nataxala', añimaye ỹataqta qaỹoqotcheguemec qome, napacalec aca camachaqaca lỹa qasoxonaxa. Nache 'enauac qome na ỹotta'a't shiỹaxauapi da taỹa añimaye.

Isaías 60:13

Ñim Nataxala', 'enapega ye Jerusalén, 'eeta': «'Am qanda'a qome, ana huo'o da lyac ciprespi, piinopi qataq ana 'abeetopi ye Líbano, da yaqto' ỹo'ot da lyac añi atamnaxaqui maye ỹalamaqte, qataq ỹo'ot da llo'oxoyec yem ỹapiaqa'.

Isaías 55:10

Qataq 'eeta'am da 'eetec na auot qataq na 'aỹa da naañi chegaqasheguema na piguem, nache saishet da ỹe'eguelaq, nacherata da ỹapapiaxat ana 'alhua, nache ñaxachigui ana ala qataq ñaxatsheguem naqa'en, da yaqto' huo'o aca lañiguishe cam danaxaatac qataq huo'o ca aloq camaye.

Isaías 2:5

¡Qolaq, qami' Jacob llalaqpi, qolaqtaigui qome da lcoỹaraxanaxac Ñim Nataxala'!

Deuteronómio 32:43

¡Qaq qami' ỹotta'a't shiỹaxauapi qauanaqui qome da qaualliquiiua'a da ntonaxac na nhuo' le'ecpi maye lalamaxat Ñim Nataxala'! ¡Ñimaye ipalaique lvi' da l-leuaxa na lamaxashecpi, nache Ñim Nataxala' qom mashe ỹauo'o lvi' souaxat na mpa'aguenaxauapi, nache ỹapalaxat qome na nasouaxashetpi yi'iye 'alhua qataq na lalamaxatpi nhuo' le'ecpi!

Isaías 49:23

Na nta'alpi qalaq ỹauo'o qome da 'am llalec, qaq ana lhuapi qalaq 'arsoquiaxanaxanapi. Qataq 'am ỹa'atto'oto qome naua l-llecte, qataq ichegoxouec na 'alhua naua 'arapia'ate. Qaq huaña qome nache aỹem 'auauattoota da nachaỹem Nataxala', qaq nam aỹem ỹa'amaqteetac saishet qome da hueto'ot ca lcoxo.