Apocalipsis 21:22 - La'aqtaqa Ñim Lo'onatac 'Enauacna 2013

²² Qalaxaye saishet da huo'o aca sela'a no'onaxanaxaqui se'eso nỹecpi, cha'aye Ñim Lo'onatac 'Enauacna maye Nataxala' maye qaica ca ỹaqalanapec, Ñimaye nacheñi ñi 'eeta'am da no'onaxanaxaqui, nataqa'en Ñim Qagueta Llalec.

Nuevo Testamento Toba Sur

²² Qalaxayi sa ishit da huo'o aca sela'a n'onaxanaxaqui se'eso la ciudad, cha'ayi ñi qadataxala' Dios mayi qaica ca ÿaqalanapec, ñimayi nachiñi ñi 'ico' n'onaxanaxaqui, nataq'en som qagueta llale.

Nuevo Testamento Toba Sombrero Negro

²² Qalaĝaja ja jauana ga'me tamenaĝaiqui ta'le uetaue jodi'me noic, qa'a nach'eñe joñe'me Jaliaĝanec Dios jo'ne qaya'te yaqalaatac, nach'eñe 'me ena'am ta'le tamenaĝaiqui, choqoñe'me 'Naĝanaĝate Lec'oĝot.

Apocalipsis 21:22 Referans Kwoze

Juan 4:23

Ñim Lo'onatac 'Enauacna saqcha'a, ỹoqo'oye cam ỹo'oxoren Ñimaye qalaq iuen da chegoqchigui da ltaunaxanaxac So Saqcha'a La'añaxac Ñimaye. Yaqto' da ỹo'oxoren qalaq ipacchigui da lataxac maye ỹaỹamaxareeta Ñimaye. Mashe nayeetai' ca laloqo' da nam ỹo'oxoren Ñim Lo'onatac 'Enauacna maye Nta'a, ipagaqchiichigui dam ỹataqta lataxac da qaỹo'oxoren Ñimaye, chegoqchigui da ltaunaxanaxac som saqcha'a la'añaxac, cha'aye Ñim Nta'a huotaique da, nache 'eetec da qaỹo'oxoren. Qaq yi'iye laloqo' mashe ivita.

2 Crónicas 2:6

Qaq ỹoqo'oye ¿negue'tom ca ishet da no'oxoosheguem aca atamnaxaqui da lma' Ñimaye ye nam piguem, qataq 'enauac dam la'amaqchec, sa ivi' ye lcachiguiñi Ñimaye? ¿Qaq negue'to' aỹem da ño'oxoosheguem aca atamnaxaqui da lma' Ñimaye, qalaxaye na'aictoxo' da nacherata da savigaxat ca ichenaxanaxat da sho'oxoren Ñimaye?

1 Reyes 8:27

Qalaxaye ¿peta'a 'eesa da Ñim Lo'onatac 'Enauacna, ishet da netalec ana 'alhua? Ye nam pa'asheguem na piguem maye ỹataqta qalochiguiñi, qalaq saishet da nalo'oguet, ¿qaq ca 'eeteco' da ishet da hueta'a ne'ena nỹec maye ño'oxoosheguem?

Apocalipsis 1:8

Ñim Nataxala' maye qaica ca 'ena'am da la'añaxac, Ñim nache 'eetai' da huo'o qataq Ñim do'onataxaatac nagui qataq Ñim mashe nayeetai', 'eeta' da la'aqtac: [«Aỹem maye Nachaỹem la'atchiguiñi, qataq Nachaỹem pa'atec.»]

Apocalipsis 16:7

Nataqa'en sa'axaỹa so nvilỹaxac chemaqteua'a aso nca'atoxonaxalate, 'eeta': «Aja', 'am Ỹataxala' maye 'Aro'onatac 'Enauacna, qataq qaica ca 'auqalanapec, ne'ena 'arhuaxanaxanaxacpi ỹataqta ỹaỹamaqchiguiñi qataq 'eesa.»

Apocalipsis 5:6

Ime, nache sela'a So Qagueta Llalec hueta'a ye saqaỹapeque aso so'onaxaqui. Qaq Somaye ỹataqta yo'oqta so lliguiñi so ỹeelonec co'ollaq qaipelecot na lqosot da qoỹaneuo da qaỹavigaxat. Qaq Somaye nachattañi, qaq soua shiguiỹa'c maye nca'altraue'c qataq soua veinticuatro nqueroxonqa coleesopa Somaye. Qaq somaye siete naua lcouel qataq siete naua la'ai'te. Qaq nachenaua naua siete saq cha'alo la'añaxaco Ñim Lo'onatac 'Enauacna maye qaỹamaxalec 'enauac ana 'alhua.

Colosenses 2:9

So Cristo ỹataqta imauec da lataxac da 'eeta'am Ñim Lo'onatac 'Enauacna,

Juan 4:21

Nache So Jesús 'enapeco': –'Am 'alo, Aỹem 'aua'amaqten nagui, ten anacta ca na'a'q da qami' saishet da iuen da qanqo'oñiisheguemec añi qaỹoqotcheguemec 'alhua, huo'otaq da qanqo'oñiỹa ye Jerusalén, da qavio'oxoyiñi Ñim Lo'onatac 'Enauacna.

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Apocalipsis 15:3

Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.

Apocalipsis 11:17

'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec; 'am maye 'anca'altauec, qataq nache 'eetai' da 'am huo'o. Qana'achec, cha'aye 'auachaxan da lta'araic 'ara'añaxac, qataq mashe 'auo'onataxan da 'alo'ogue 'enauac ana 'alhua.

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»

Colosenses 1:19

Cha'aye Ñim Lo'onatac 'Enauacna nshetaique da So Cristo ỹataqta imatta't 'enauac da lataxac saqcha'a Ñimaye.

Juan 10:30

Aỹem, qataq Ñim Ita'a, 'oonolec da qarataxac.

2 Crónicas 6:18

Qalaxaye 'Am Atamnaxala', ¿peta'a 'ausheto' da 'aualectaigui na shiỹaxauapi maye netalec ana 'alhua? Ye na piguem maye ỹataqta qalochiguiñi qalaq saishet da 'am nalo'oguet da 'am nllañi, ¿qaq ca 'eeteco' da 'am nala'aguet da qonetaigui ana'ana atamnaxaqui maye sauotaique da 'arma'?

Apocalipsis 19:15

Qaq na alap Somaye chegaqaigui so ỹeelonec ỹataqta ỹaxaraic, naigui da la'aqtaxanaxac maye huo'o da la'añaxac; qaq nacheso se'eso ỹeelonec da chegoqchigui da nauec na ỹotta'a't shiỹaxauapi. Qataq da yaqto' ilo'ogue namayepi irolec da la'añaxac. Qaq Somaye nlom na lli'i ana uva da ỹo'ot na lataxa, qaq damaye naigui da lta'araic layeloxo Ñim Lo'onatac 'Enauacna maye qaica ca ỹaqalanapec.

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Mateo 24:2

Nache So Jesús 'enapeco': «¿Qauloita'a nagui 'enauac ne'ena nỹecpi maye ỹataqta lta'araicpi? Aỹem ỹataqta 'eesa de'era qami' sa'axatema nagui da 'enauac ne'ena qailaxachigui qome. ¡Saishet qome da huo'o ca 'oonolec da nachattañi namayepi!»

Apocalipsis 7:15

Qaq ỹoqo'oye nagui namayepi datataua'a añi nso'onaxaqui Ñim Lo'onatac 'Enauacna, qataq ima'ape naua na'axa'te qataq naua pesa'ache, da do'onataxaatacot Ñimaye da huetaua'a añi lo'onaxanaxaqui. Qaq Ñim Lo'onatac 'Enauacna hueta'aguet namayepi, qataq npaxattalec.

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Juan 13:32

Qaq da ne'ena Shiỹaxaua Llalec da ỹachaxan da llo'oxoyec Ñim Lo'onatac 'Enauacna, nache Ñimaye nataqa'en ỹachaxan qome da llo'oxoyec namaye, qaq mashe saqaỹaloq da ỹachaxan damaye.