Apocalipsis 21:17 - La'aqtaqa Ñim Lo'onatac 'Enauacna 2013

¹⁷ Ime, qataq naloqten so lcopaqtaxat. Qaq somaye ivi' sesenta y cuatro metro ye locta. Qaq yi'iye ivi', nacheye ye laloqñiguishec som laloqnaxanaxat na shiỹaxauapi maye iueetac so namaxashec piguem le'ec.

Nuevo Testamento Toba Sur

¹⁷ Ime, qataq naloqten so lcopaqtaxat. Qaq somayi ivi' sesenta y cuatro metros yi locta na pa'ashiguem. Qaq yi'iyi ivi', nachiyi yi laloqñiguishic som laloqnaxanaxat na shiÿaxauapi mayi daloqnaxaatega so namaxashic.

Nuevo Testamento Toba Sombrero Negro

¹⁷ Da'me yem qama'le naloqoten joga'me lequepaĝanaĝat, jo'ne nalo'taguet na'me sesenta y cinco metros da'me p'ajeguem, qa'a nach'eda da'me laloqotenaĝanaĝaiqui joñe'me piyem le'ec jo'ne ena'am da'me 'uo nale ga'me laloqotenaĝanaĝa'j joga'me jiyaĝadipi.

Apocalipsis 21:17 Referans Kwoze

Apocalipsis 13:18

Qaq de'era iuen ca naỹaanec da yaqto' ishet da qaỹaỹaten: da huo'o ca huo'o na ỹaỹaten, nache iuen da npogoxoinapegue' da anata cam naigui ye lcata so le'enaxat so shiguiỹac leguemaxaic, cha'aye yi'iye lcata se'eso leraxat lalamaxat ca shiỹaxaua. Qaq ye lcata se'eso ne'enaxat ivi' seiscientos sesenta y seis.

Apocalipsis 7:4

Ime, qaq aỹem sa'axaỹa da qanasaqtauec na le'enaqa'ate soua doce llalqa so Israel soomaye nachesoua soua Judá, Rubén, Gad, Aser, Neftalí, Manasés, Simeón, Leví, Isacar, Zabulón, José, qataq so Benjamín. Qaq ñi 'oonolec se'esoua doce ñalqa, nache qaỹa'an so doce mil nam chegoxoguet soomaye, yaqto' da ima'a't, nache ivi' ciento cuarenta y cuatro mil.

Deuteronómio 3:11

Qaq se'eso nta'a Og, somaye nacheso so pa'atec som logoraicpi, so lmala' lcat qalaq ivi' cuatro metros ye lalogaxa, qaq ye lcategue qalaq ivi' dos metros. Qaq se'eso mala' ñaq 'eetalec nagui da qaimeteetac huetaña ye Rabá maye lma' so amoniitapi.

Apocalipsis 21:9

Ime, nache anac so 'oonolec soua siete namaxa'she piguem lashe' maye lasoqta'alo soua siete ỹomaxaqui' maye nlaqchiguilo soua pa'atre'c chaqaiqa napaxaco, nache aỹem 'enapega, 'eeta': «'Aỹala, 'anquigueuo yaqto' 'am sachaxana añim nauonaxaua maye huotaique da lhua Ñim Qagueta Llalec.»

Apocalipsis 14:3

Qaq som ciento cuarenta y cuatro mil shiỹaxauapi maye nachattaua'a aso so'onaxaqui qataq soua cuatro shiguiỹa'c maye nca'altraue'c qataq soua veinticuatro nqueroxonqa soomaye ỹo'ootac so dalaxaic no'onec maye saishet da huo'o ca na'a'q nache qaỹa'aqtega. Se'eso no'onec qaica ca ishet da ỹaỹaten na leraxat, nachaqsota som shiỹaxauapi maye qanca'alaxatec, chegoqtoigui na laỹepi shiỹaxauapi maye huetalec ana 'alhua.

Apocalipsis 21:16

Qaq se'eso nỹecpi, somaye cuatro naua laỹel. Qaq ye lalogaxa nache 'eeta'am ye lcachiguiñi. Nache se'eso namaxashec naloqten se'eso nỹecpi daloqnaxana so laloqnaxanaxat maye chegaqaigui na oro. Qaq ivi' dos mil doscientos kilómetros ye locta, qataq ye lcachiguiñi, qataq ye lalogaxa na pa'asheguem.