Apocalipsis 21:16 - La'aqtaqa Ñim Lo'onatac 'Enauacna 2013

¹⁶ Qaq se'eso nỹecpi, somaye cuatro naua laỹel. Qaq ye lalogaxa nache 'eeta'am ye lcachiguiñi. Nache se'eso namaxashec naloqten se'eso nỹecpi daloqnaxana so laloqnaxanaxat maye chegaqaigui na oro. Qaq ivi' dos mil doscientos kilómetros ye locta, qataq ye lcachiguiñi, qataq ye lalogaxa na pa'asheguem.

Nuevo Testamento Toba Sur

¹⁶ Qaq se'eso la ciudad, somayi cuatro naua laÿil, qaq yi lalogaxa nachi 'eeta'am yi lcachiguiñi. Nachi se'eso namaxashic nachi naloqten se'eso la ciudad, idolec som laloqnaxanaxat. Qaq ivi' dos mil doscientos kilómetros yi locta, qataq yi lcachiguiñi, qataq yi lalogaxa na pa'ashiguem.

Nuevo Testamento Toba Sombrero Negro

¹⁶ Chane'eja di'me noic male qonaloqoten, qama'le yemeda naa'me cuatro jo'ne lael da'me nalo'ta'ajalo, qama'le jena'me jalote ena'am jena'me laqauaeñi. Ca'li joñe'me piyem le'ec daloqotenaĝanaĝana jaga'me mach'e laloqotenaĝanaqate jo'ne ena'am ta'le coqota jo'ne oro, qama'le jena'me jalote joga'me noic nalo'taguet da'me dos mil cuatrocientos kilómetros, qama'le nach'e ena'am jena'me liñi da'me qayaje'mec, nataq'aen jena'me liñi joga'me laqauaeñi.

Apocalipsis 21:16 Referans Kwoze

Ezequiel 48:35

Qaq cam mpaqtaxanaxat da ima'a't qome nache ivi' nueve mil metros ye lalogaxa, qaq dam le'enaxat qome que'eca huaqta'a't nỹecpi qalaq, 'eeta': «Ñim Nataxala' hueta'a ne'ena.»

Ezequiel 42:20

Qaq ime, nache se'eso shiỹaxaua naloqte'n soua cuatro laỹel. Qaq 'enauac ye hueta'a asa'aso atamnaxaqui huo'o so lpaqtaxat coleesop asomaye, qaq somaye ivi' doscientos cincuenta metros ñi 'oonolec soua laỹel, qaq nacheso so ỹaqauga naqa'en som qui'itta, qataq so nshepaxan.

Apocalipsis 21:15

Qaq som namaxashec piguem le'ec maye aỹem da'aqtaxaatapeguem, somaye nasoqta'a so laloqnaxanaxat maye chegaqaigui na oro, da yaqto' naloqten se'eso nỹecpi qataq naua laso'omi qataq som lcopaqtaxat.

Apocalipsis 21:17

Ime, qataq naloqten so lcopaqtaxat. Qaq somaye ivi' sesenta y cuatro metro ye locta. Qaq yi'iye ivi', nacheye ye laloqñiguishec som laloqnaxanaxat na shiỹaxauapi maye iueetac so namaxashec piguem le'ec.

Ezequiel 41:4

Qaq ime, nache so shiỹaxaua naloqten na pa'auo so ndaqa', nache somaye ivi' diez metros ñi 'oonolec naua cuatro laỹel. Qaq huaña nache se'eso shiỹaxaua aỹem 'enapega, 'eeta': «Ne'ena nachena na ndaqa' maye saqaishetapec.»