Apocalipsis 21:11 - La'aqtaqa Ñim Lo'onatac 'Enauacna 2013

¹¹ Qaq Ñim Lo'onatac 'Enauacna, nacheñi ñi icoỹattalec somaye. Qaq ne'ena le'eraxa 'eeta'am ana 'otaqte maye ỹataqta no'on, 'eeta'am na coma' le'enaxat diamante qataq ỹataqta chauec 'eeta'am na 'etaxat da ỹataqta qui'itta.

Nuevo Testamento Toba Sur

¹¹ Qaq se'eso la ciudad nachi huetaigui na l'edaxa ñi Dios. Qaq ne'ena l'edaxa 'eeta'am na ÿataqta no'on coma' l'enaxat jaspe mayi ÿataqta qashilec qataq chauec.

Nuevo Testamento Toba Sombrero Negro

¹¹ Qama'le di'me noic en 'yoqotelegue q'aen da'me laqaselegaĝac joñe'me Dios, jo'ne ena'am ta'le qa' jo'ne onaĝaic lenaĝat diamante, da'me yataqata yaqaselec nataq'aen chichiñe.

Apocalipsis 21:11 Referans Kwoze

Apocalipsis 22:5

Huaña, nache saishet da huo'o ca pe. Qaq nam netaña yemaye saishet da iuen aca lcoỹaraxanaxaqui qataq añi nala', cha'aye Ñim Lo'onatac 'Enauacna maye Nataxala' icoỹattalec. Qaq namayepi nache chochaq tatec da lo'onataxanaxac.

Apocalipsis 4:6

Qaq yi'iye naloteuga asa'aso so'onaxaqui nataqa'en huo'o so ỹataqta chauec, 'eeta'am na 'etaxat da qui'itta qataq nataqa'en, 'eeta'am aso auaxai ye lcachiguiñi. Qaq na laiñi soua so'onaxaqui', nache hueta'alo soua cuatro shiguiỹa'c maye nca'altraue'c. Qaq soomaye imauec na lo'oc da huo'o ana la'aitepi dam datata'ague qataq na l-laq.

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

Ezequiel 1:22

Qaq na nalotcheguemec naua lqaigo, soomaye, nache huo'o so 'eeta'am da lapoxot, somaye ỹataqta qashelecteguiñi, 'eeta'am na ỹataqta 'onaxaic chauec.

Apocalipsis 4:3

Somaye ỹataqta qashelectapiguiñi, 'eeta'am da lqashelgaxa na coma' le'enaxat diamante, huo'otaq na coma' le'enaxat rubí. Qaq aso so'onaxaqui coleesop so 'eeta'am na quemoxonalo. Qaq da lqashelgaxa somaye qalaq 'eeta'am na coma' le'enaxat esmeralda.

Ezequiel 48:35

Qaq cam mpaqtaxanaxat da ima'a't qome nache ivi' nueve mil metros ye lalogaxa, qaq dam le'enaxat qome que'eca huaqta'a't nỹecpi qalaq, 'eeta': «Ñim Nataxala' hueta'a ne'ena.»

Ezequiel 1:26

Qaq na pa'asheguem se'eso 'eeta'am ca lapoxot, qalaq sela'a aso 'eeta'am aca so'onaxaqui maye chegaqaigui na coma' zafiro, qaq na pa'asheguem asa'aso 'eeta'am aca so'onaxaqui, qalaq huo'o so hueta'a 'eeta'am na shiỹaxaua.

Isaías 4:5

Qaq huaña nache Ñim Nataxala' ỹauo'o qome ca sa nsattec lo'oc ye na'a'q, qataq ca norec da 'ettaigui ye pe da imattalec naqa'en ye Sión, qataq ca lapoota'a't shiỹaxauapi maye hueta'a yemaye. Qaq 'enauac camayepi huetalec qome da llo'oxoyec Ñim Nataxala',

Da na'aqtaguec so Job 28:17

Saishet da qanaloqnaxaneguet da lashiichiỹaxac na oro huo'otaq ca chauec coma', qataq saishet da nmeneguet qanqa'en na 'otaxat ndotec oro.

Apocalipsis 15:8

Nache asa'aso no'onaxanaxaqui ỹataqta nlaqchigui na lmala'q maye chegaqaigui dam la'amaqchec qataq da la'añaxac Ñim Lo'onatac 'Enauacna. Huaña, nache saishet da huo'o ca qaỹashenem da pa'aigui aso no'onaxanaxaqui qom saxanaxa da nvi' se'esoua siete napaxaco maye ỹacheta'ape soua siete namaxa'she piguem lashe'.

Ezequiel 43:2

nache sauaateguet da llo'oxoyec Ñim Natamnaxala' na Israel le'ecpi chegoqtegue da nala' lliguisheguem. Qaq da l-lamaxa ỹataqta alam, 'eeta'am da l-lamaxa ca tala da ỹa'auat, qaq ana 'alhua nache nlaqaalec na le'eraxa.

Ezequiel 28:16

Qaq souaxat na qalota 'armenecpi, nache 'avira'a da qaica ca 'aureetac, nache 'am nlaxagui na 'arasouaxashetpi. Qaq huaña nache 'am so'orauec, qataq 'am ñeqateeguesop añim nqasoxonaxa Ñim Lo'onatac 'Enauacna, qaq som huo'oi naua laua't maye 'am mpaxattalec co'ollaxa 'am nqateeguesop ana huaqaañipi.