Apocalipsis 21:1 - La'aqtaqa Ñim Lo'onatac 'Enauacna 2013

¹ Ime, nache sela'a so piguem dalaxaic qataq aso 'alhua dalaxai, cha'aye so hua'auchiguiñi piguem qataq aso hua'auchiguiñi 'alhua mashe imeuo. Qataq aso auaxai nataqa'en mashe imeuo.

Nuevo Testamento Toba Sur

¹ Ime, nachi sela'a so piguem dalaxaic qataq aso 'alhua dalaxai, cha'ayi so hua'auchiguiñi piguem qataq aso hua'auchiguiñi 'alhua mashi imeuo. Qataq aso auaxai nataq'en mashi imeuo.

Nuevo Testamento Toba Sombrero Negro

¹ Yem qama'le jauana ga'me piyem jo'ne dalaĝaic, nataq'aen ga'me aleua jo'ne dalaĝaic, qa'a di'me 'uaechiñe piyem nataq'aen di'me 'uaechiñe aleua ja yitaĝa ta'le uo'oe, qama'le nach'e ena'am jaga'me qa'em lat'edai male qaga.

Apocalipsis 21:1 Referans Kwoze

2 Pedro 3:13

Qalaxaye qomi' seuataqta'aguet ca dalaxaic piguem qataq aca dalaxai 'alhua maye qomi' ỹachaxanapecoto Ñim Lo'onatac 'Enauacna, cam hueta'a qome 'enauac na shiỹaxauapi maye no'on da lataxac qataq soxoraicpi.

Isaías 66:22

Qaq 'eeta'am da 'eetec cam dalaxaic piguem qataq cam dalaxaic 'alhua maye so'ot qome, da nache 'eetai' qome da saimeuo, qaq nache 'eetec nataqa'en qome da nache 'eetai' da saimeuo cam 'am chegoxoguetpi qataq da 'are'enaxat. Qaq 'era da la'aqtac Ñim Nataxala'.

Apocalipsis 21:5

Nache Ñim Lo'onatac 'Enauacna maye nso'ootangui aso nso'onaxaqui da nta'a 'eeta' da la'aqtac: «¡Aỹem ñaralaxat 'enauacna!» Nataqa'en 'eeta': «'Iyiñi qome ne'enapi, cha'aye ne'ena na'aqtacpi ỹataqta 'eesa qataq ishet da qaipi'iỹa'a.»

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Isaías 27:1

Qaq que'eca na'a'q Ñim Nataxala' iuaxan qome so Leviatán, som na'araxanaq maye ỹataqta huegaqaic, som na'araxanaq maye ỹataqta saqanapot, irolec ca lainec maye qaramta, lta'araic qataq 'añaxaic, qataq ỹalauat qome so shiguiỹac le'enaxat dragón maye huetangui aso auaxai.

Daniel 7:3

Qaq nque'elaxatta da chegoqchiyingui aso auaxai, soua cuatro shiguiỹac maye ỹataqta lta'al, qataq ỹotta'a't da lataxa'c.

Apocalipsis 13:1

Ime, nache sauaachigui da nnoxoosheguem so shiguiỹac leguemaxaic chegaqangui aso auaxai, somaye diez soua lcouel qataq siete soua lqaigo. Qaq añi 'oonole lcoue ỹaatañi ana naro'o na nta'a, qaq ñi 'oonolec naua lqaigo, nanettalec na ne'enaxatpi maye ỹataqta npa'agueneto Ñim Lo'onatac 'Enauacna.

Isaías 57:20

Qalaxaye na qauemaicpi 'eeta'am aso auaxai da ỹasheerelec na lta'araic la'at, nache na 'etaxat saishet da namaañi, nache ana lapaxa ilagaxattac na nshaxa qataq na lshepaxanaxa.

Isaías 51:11

Qaq 'era da 'eetec nataqa'en qome nam lca'alaqtacpi Ñim Nataxala', ỹa'alaqtagui da ntonaxac qom inoxoneua'a ye Sión, da lasheguiỹaxac qalaq nache 'eetai' qome da machiguiñi, cha'aye ỹanata da lamaicỹaxac qataq da na'achecỹaxac, qaq imeuo qome da nqui'ic qataq nnoinaxac.

Romanos 8:21

da qaisoueeguesop de'era nlaqtaguec. Huo'o da naquitaxac da ỹalectaua'a da llo'oxoyec nam llalaqpi Ñim Lo'onatac 'Enauacna qom qaisouec.

Apocalipsis 6:14

Qaq na piguem qalaq nquicta'a't da sa qaila'a, 'eeta'am da 'eetec da qainana't aca neraxanaxalate, qataq 'enauac anam qaỹoqotcheguemec 'alhuapi qataq anam ỹaqauga 'alhuapi qalaq nqochen ca'ai na hueta'api.