Apocalipsis 20:9 - La'aqtaqa Ñim Lo'onatac 'Enauacna 2013

⁹ Nache somayepi ỹataqta imauec ana 'alhua da coleeteguelec, qataq qaicoleesop nam lalamaxatpi Ñim Lo'onatac 'Enauacna qataq ye nỹecpi maye lauotaxat Ñimaye, qalaxaye anac so norec chegoqo'ot na piguem, nache ỹavigaxat 'enauac somayepi.

Nuevo Testamento Toba Sur

⁹ Huaña, somayipi, nachi ÿataqta imattalec ana 'alhua. Nachi qaicoleesop som lma' nam lalamaxatpi ñi Dios qataq so la ciudad mayi lauotaxat ñimayi. Qalaxayi ñi Dios namaq so nodec, chigoqo'ot na piguem. Nachi ÿavigaxat 'enauac somayipi.

Nuevo Testamento Toba Sombrero Negro

⁹ Qama'le jena'me jiyaĝadipi e'n nalalegue yema jena'me aleua, qama'le quedajop joga'me lomachaqa't ga'me Dios lec'oqo'tepi, nach'ega ga'me noic jo'ne loqopitaĝat joñe'me. Qalaĝaja male ua'a da'me 'naqañe jo'me dole' jo'ne chiyoĝogue di'me piyem, qama'le yaviyaĝat ena'uac.

Apocalipsis 20:9 Referans Kwoze

Ezequiel 38:16

nache 'auloquiaxan ye ỹalamaxat nhuo' Israel le'ecpi. 'Am Gog 'amattalec qome ye 'alhua qoneta'am ca napo. Qaq que'ecaua pa'atrec na'axa'te, nache 'am ñanacot qome da 'auloquiaxan yem hueta'a ye ña'alhua, yaqto' 'am chegoqchigui ñaqa'en da na laỹepi ỹotta'a't shiỹaxauapi ỹaỹaten qome, da sachaxana namayepi da qui'itta ỹataxac.

Ezequiel 39:6

Aỹem, ñamaxa qome ca norec ye Magog, qataq yem ỹe'emaqtac maye netalec ye 'alhuapi maye hueto'ot na loigue aso auaxai. Qaq huaña qome nache ỹaỹaten da Aỹem nachaỹem Nataxala'.

Ezequiel 38:22

'Am Gog, qataq na 'analleppi, qataq na qalota alleppi maye 'antaueetague', sauo'o qome ca qanhuaxanaguiiqui, qami' seroleguete ca napiina, qataq qaicorec qome na ntago'q, qataq so'ot qome da naañi ca lta'araic auot, qataq aca lache, qataq ca norec, qataq ca quiquiaxaraic.

Ezequiel 38:9

Qaq qom 'anvita yemaye, nache qoneta'am ca napo da ipegueelec 'enauac yi'iye 'alhua, qataq 'aunoxotaua'a qome yemaye qoneta'am ca la'at lta'araic, 'arỹateuo ca qalota 'analleppi, qataq ca qalota nhuo' le'ecpi.»

2 Ts 1:8

Anaga da ỹauo'o ca nhuaxanaguec na saq qocha'a da na'aqtaxanaxac qataq sa ỹa'amaqten.

Salmos 106:18

Qataq 'eroigui so norec nache ỹavigaxat 'enauac somayepi, nache na le'eraxa somaye nmatchiguiñi se'eso 'etaxaloxoicpi.

Salmos 97:3

Na norec qalaq hua'auta'ague da taỹa'ague Ñimaye, nache ỹavigaxat na mpa'aguenaxauapi maye coleesop Ñimaye.

Apocalipsis 13:13

Nataqa'en somaye ỹo'ot nam saq qaỹauanapega da ỹauachigui naqa'en na shiỹaxauapi, qataq ivira'a da chegoqo'ot naqa'en na piguem na norec da talec ana 'alhua.

Apocalipsis 11:5

Qaq da huo'otaq huo'o ca nshetaique da ỹauo'o ca 'ena'aque, nache caamaye iquetetre'c na norec, nache ỹavigaxat 'enauac na ipa'agueetacpi iviraxata'a da ỹalauat.

Lucas 17:29

Qalaxaye co'ollaq ca'ai so Lot ye Sodoma, nache anac so norec qataq so quiquiaxaraic chegoqo'ot na piguem, nache ỹalauat 'enauac somayepi.

Lucas 9:54

Nache soua lapaxaguenataqa Santiago qataq so Juan co'ollaq ilora'a de'era, nache 'eetegalo So Jesús 'eeta': «'Am Qarataxala', ¡'onaxaic da qomi' 'auasheetema da seỹaxanaqaique ca norec da chegoqo'ot na piguem, da yaqto' nmatchiguiñi 'enauac yemayepi da ỹavigaxat!»

Isaías 37:36

Nache so lamaxashec Ñim Nataxala' jec, nache ỹalauat so ciento ochenta y cinco mil alleppi, huaña naqa'en yem lanataqa' so Asiria le'ecpi, qaq so lỹa na'a'q co'ollaq nlouec so laỹepi nache ilalec som leuaxaicpi huetaiya'.

Números 16:35

Qalaxaye so lanataqa' Ñim Nataxala' nataqa'en chegoqteua'a so norec, nache ỹavigaxat, nache nmichiguiñi naqa'en 'enauac se'eso doscientos cincuenta shiỹaxauapi, maye ỹavigaxattac co'ollaxa so lchenaxanaxat.

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Hebreos 13:13

Qaq ỹoqo'oye nataqa'en qomi' iuen da qarỹatec So Jesús da ñeuanaqaua'a de'era ne'enaguec maye qaỹo'otec co'ollaq qaiuaxaneguet so npe'enaxaqui.

Habacuc 1:6

Cha'aye nachaañi ñaqa'en qome na caldea le'ecpi, nam nhuo' le'ecpi maye qaica ca iren qataq imata da queuoteguelec nam 'alhuapi, da yaqto' deuotaxanec nam 'alhuapi da ỹauo'o lalamaxat.

Miqueas 2:13

Qaq Ñim Lo'onatac 'Enauacna ỹo'otegue qome ca llec, qaq namayepi nache ca'atteueegue qome Ñimaye, nache tachiviigui naqa'en ca lasom ca huaqta'a't nỹecpi. Qaq ñim nta'a maye Nataxala', hua'auta'ague qome da taỹa'ague namayepi.

Isaías 30:33

Qaq cha'aye mashe qaỹoqteguelo soua vi'iye da qaiqataxaatai' da taỹa'a qanqa'en ye Asiria qataq ñim nta'a yemaye, yem ỹataqta qaỹoqchiguingui qataq qalochiguiñi nma' maye huetangui ye 'ettangui norec maye qalota na lalonaxat qo'oipaqpi. Ñim Nataxala' qom iquetetec la la'at nache 'eeta'am ca la'auaxac na quiquiaxaraic da 'eroigui nache ỹavigaxat yemaye.

2 Reyes 6:15

Qaq so lamaxashec so Eliseo, co'ollaq ñesheguem so nte'etom so lỹa na'a'q, nache co'ollaq pa'auec, nache ila'a so alleppi maye netalec so caipi, qataq so netangui aso nnaigonapi maye alaataxaquipi da coleesop so huaqta'a't nỹecpi. Nache somaye 'enapego' so Eliseo, 'eeta': Qaq nagui, 'am ỹataxala', ¿hua'ago' ca shenaqtec?

Génesis 19:24

nache Ñim Nataxala', anac naqa'en so norec, chegoqtot na piguem, qataq so 'eco' quiquiaxaraic da 'eeta'am na auot, da talec ye Sodoma qataq Gomorra,

Lucas 21:20

Qaq qom qauloỹa'a na Jerusalén da na alleppi maye alaataxaicpi saqaỹapeque naqa'en namaye, nache qami' qauaỹaañi da saqaỹaloq da qailaxachigui.

Lucas 19:43

Qalaxaye huo'o qome ca na'a'q, qaq qami' qaviyiỹalo caua na'axa'te maye ỹataqta qauema, qom ca qanpa'aguenaxauai nauaxaỹaxaasheguem ca lpaqtaxanaxat da qami' iconnaxaasopa. Ime, qaq qami' coleesopa, ỹataqta sa ỹauo'o ca qardaqa'ai da qami' iloquiaxa'n.

Deuteronómio 23:14

Cha'aye Ñim Nataxala' maye Qanatamnaxala'ai, Ñimaye hueta'a ca qaranataqa'ai da yaqto' qami' npaxattaleguete, qataq qami' ỹanema da qoroxonqui ca qampa'aguenaxauaipi. Ỹoqo'oye que'eca qaranataqa'ai, camaye ỹataqta qui'itta qome qanqa'eñi, yaqto' Ñimaye saishet da ilalec ca saỹaỹamaxañi da qami' ỹalleta'alo, ten qom qami' ca'aisalo.

Salmos 87:2

Ñim Nataxala' ỹataqta ỹauotec na ñegueuopi ye Sión, da lauoche napacalec na lma'pi so Jacob.

Da na'aqtaguec so Job 38:18

¿Peta'a 'auaỹaten ye lcachiguiñi na 'alhua? ¡Ñaq aỹem 'aua'aqtaxanem qom ỹoqta 'eesa da 'auaỹaten da llec 'enauac namayepi!