Apocalipsis 20:8 - La'aqtaqa Ñim Lo'onatac 'Enauacna 2013

⁸ Nache nnoxoosheguem da yaqto' ỹatenachet na shiỹaxauapi maye hueta'a ye Gog qataq Magog maye naigui 'enauac na ỹotta'a't shiỹaxauapi ana 'alhua. Nache so pa'aguenataxanaxaic laỹona't na nalleppi ne'ena ỹotta'a't shiỹaxauapi da yaqto' nalat naqa'en; qaq namayepi saishet da qaivi' da qanaloqten, 'eeta'am da 'eetec da saishet da ishet da qanaloqten na lsoche na delec maye hueto'ot na loigue aso auaxai.

Nuevo Testamento Toba Sur

⁸ Nachi nnoxooshiguem da qaltaq ÿatenachit 'enauac nam ÿotta'a't shiÿaxauapi mayi huetalec ana 'alhua. Nachi nqo'ona da ÿatenachit ñi Gog qataq Magog. Nachi laÿona't na nallippi naamayi, da yaqto' deloqui. Qaq namayipi qalota, 'eeta'am na lsochi na coma' mayi hueto'ot na loigue aso auaxai.

Nuevo Testamento Toba Sombrero Negro

⁸ qama'le nenoĝojeguem qaedi yitaĝa yoqovi'n joga'me jiyaĝadipi jo'ne uetedalegue jena'me aleua, chayovida'a naa'me lael jo'ne cuatro, ga'me jiyaĝadipi let'adaic jo'ne lenaĝat da'me Gog nataq'aen joga'me Magog. Qama'le yemata'a't ena'uac qaedi yauote ga'me nalada't. Yataqachiñe jalcote joga'me jiyaĝadipi, ena'am jena'me pogaĝanaĝa 'me ueta'ña na'me loogue jana'me qa'em lat'edai.

Apocalipsis 20:8 Referans Kwoze

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Ezequiel 38:1

Ñim Nataxala' aỹem 'enapega, nache 'eeta':

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

Apocalipsis 20:3

Nache ỹasaxaña cam laponqa' na leuaxaicpi, qataq ỹapogoña. Ime, nache ivingui aso lvinaqte so lasom qataq itoqoolec aso la'anaxanaqte, da yaqto' so shiguiỹac leguemaxaic saishet da qaltaq nnoxoosheguem da ỹatenachet na ỹotta'a't shiỹaxauapi, choche ivitta'a da inoxoore'c caua mil vi'iye. Qaq qom mashe inoxoore'c que'ecaua vi'iye, nache somaye cara'ac da qaisouec.

Hebreos 11:12

Qaq ỹoqo'oye so Abraham, na'aictaxa da mashe yaqta'a da ivita ca laloqo' da nachaalataxac, qaq nache 'ena'am ivira'a da qalota so llalaqpi, 'eeta'am ana huaqaañipi maye neto'ot na pa'asheguem, qataq 'ena'am na delec maye hueto'ot na loigue aso auaxai. ¡Qaica ca ishet da naloqten!

Jeremías 33:22

Qaq nam chegoxoguetpi som ỹamaxashec David, qataq nam ỹamaxashecpi maye chegoxoguet so Leví, so'ot da ỹataqta qalota qome namayepi, 'eeta'am ana huaqaañi maye hueto'ot na piguem, qataq 'eeta'am na delec maye hueto'ot na loigue aso auaxai, da qaica ca ishet da naloqten.»

Isaías 10:22

Qami' Israel le'ecpi, na'aictaxa da qami' qalote' qome da qoñiita'am na lsoche na 'alhua maye huetangui aso auaxai, qalaxaye saq 'amaqtache qome caua ñe'eguela'q. Qaq dam nasataxac da qami' qanlaxaayeñi, damaye ỹo'ot qome da ỹaatec naqa'en dam nalochiguiñi lataxac.

1 Samuel 13:5

Qaq so filisteopi qalaq laỹona't co'ollaxa da delogui' so Israel le'ecpi. Nache ivi' treinta mil aso nnaigonapi maye nalaataxaqui, qataq seis mil so nalleppi maye netalec so caipi qataq ỹataqta qalota so petañepi, 'eeta'am na lsoche na 'alhua maye huangui aso auaxai. Nache somayepi nqo'ona ye Micmas, nache ỹanaña yemaye so lanataqa' maye pa'aỹa'ague da nala' lliguisheguem ye Bet Avén.

Jueces 7:12

Qaq so madianiitapi, qataq so amaleciitapi, qataq so shiỹaxauapi maye chegaqa'ague da pa'aỹa'ague da nala' lliguisheguem ỹataqta laguelec co'ollaxa se'eso ca'amegue, 'eeta'am aca qalota shiiquioxoipi. Qataq aso lalo cameellopi qalaq ỹataqta qalota, 'eeta'am na coma' lsoche maye huaña na loigue aso auaxai.

1 Reyes 4:20

Qaq so Judá le'ecpi qataq so Israel le'ecpi ỹataqta qalota co'ollaxa, 'eeta'am na coma' lsoche maye hueto'ot na loigue aso auaxai. Qaq 'enauac da deque'etac, nỹomtac qataq ỹataqta machiguiñi.

Ezequiel 7:2

«Aỹem Nataxala', shenapega 'enauac na na'alhua na Israel le'ecpi, sheeta': Mashe nayeetai' ye 'oga't, mashe nayeetai' ye loga't imauec ana 'alhua.

Ezequiel 38:2

«'Am shiỹaxaua, 'auamata'ague da pa'aigue ye 'alhua Magog, nache 'aua'axata'a dam 'eetec qome ye Gog, maye lataxala' ye Mesec qataq ye Tubal.

Ezequiel 39:1

Qaq 'am shiỹaxaua, 'auachegoxotchigui da ỹe'enaxat da 'aua'axat da 'eetec qome ye Gog, nache qoneta': Da la'aqtac Ñim Nataxala', 'eeta': 'Am Gog maye 'am 'amaqtaqaic lataxala' ye Mesec qataq ye Tubal, Aỹem 'am ñechoxota da 'am ñepa'aguenaxaua.

Ezequiel 39:6

Aỹem, ñamaxa qome ca norec ye Magog, qataq yem ỹe'emaqtac maye netalec ye 'alhuapi maye hueto'ot na loigue aso auaxai. Qaq huaña qome nache ỹaỹaten da Aỹem nachaỹem Nataxala'.

Apocalipsis 7:1

Qaq can ime de'era, nache sela'alo soua cuatro namaxa'she piguem lashe', nachattrañi. Qaq ñi 'oonolec soomaye hueta'alo naua cuatro lleco na la'at. Soomaye nlletrañi naua la'a'che, da yaqto' saishet da ỹasheerelec ana 'alhua, qataq aso auaxai, qataq ana 'epaqpi. Se'esoua cuatro namaxa'she piguem lashe' ỹaconegueta da la'añaxa'c da yaqto' huo'o ca 'ena'ac ana 'alhua qataq aso auaxai. Nataqa'en sela'a so lỹa namaxashec piguem le'ec chegaqa'ague da yo'oxoñi somaye nasoqta'a aso la'anaxanaqte Ñim Lo'onatac 'Enauacna maye chochaq tatec da lca'alaxa. Qaq asa'aso na'anaxanaqte nachaso aso qaỹa'anaxana da qaỹa'an 'enauac na lalamaxatpi Ñim Lo'onatac 'Enauacna, da yaqto' npaxattalec. Nache se'eso namaxashec piguem le'ec ỹataqta na'axannec da la'aqtac da 'enapegalo soua lỹa't cuatro namaxa'she, 'eeta': «¡Saishet da huo'o ca qoñiỹa'ac ana 'alhua qataq aso auaxai qataq ana 'epaqpi, cheta'ague qom semataq da sauoqo'o ca la'anaxat na latap nam do'onataxaatacotpi Ñim Lo'onatac 'Enauacna!»

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

2 Crónicas 18:21

Nache somaye 'enapec: Qomye ñeqo'ona da so'onataxana na la'aqtaxanaxacpi so la'aqtaxanaxanecpi ñimaye, da ỹa'axat ñaqa'en da natenataxanaxac. Nache Ñim Nataxala', 'enapego' somaye, 'eeta': 'Aue, 'anqo'ona, nache 'auo'ot damaye, cha'aye 'auañoxot qome.