Apocalipsis 20:5 - La'aqtaqa Ñim Lo'onatac 'Enauacna 2013

^5-6 Somayepi nacheso som la'auaxanec da nca'alec; cha'aye somayepi ỹaconeguet da lta'araic nqouagaxa qataq ỹalegoigui nam ỹataqta lalamaxatpi Ñim Lo'onatac 'Enauacna. Huaña, nache saishet da qaỹoqtaique Ñimaye qataq Som Lca'aguishec Ñimaye, qataq lo'onataxanaxaua, choche ivittraue'c caua mil vi'iye. Qaq na laỹepi leuaxaicpi saishet da ỹe'eguelaxalec da nca'alec, choche ivitta'a da ivilde'c caua mil vi'iye.

Nuevo Testamento Toba Sur

⁵ Qaq 'eso som hua'auchiguiñi da qanca'alaxateeguesop na leuaxaicpi. Qaq som laÿipi leuaxaicpi, qalaq sa ishit da qaltaq qanca'alaxateec to' qom ivildeec caua mil vi'iyi.

Nuevo Testamento Toba Sombrero Negro

⁵ Qama'le nach'ena 'me 'uaechiñe da'me uo'oe jogaa'me jo'ne qo'niyelaĝachidijeguem. Qalaĝaja jodia'me napa'l laqaya' ja yitaĝa ta'le nec'aledijeguem chayovida'a qom yenoĝodegue jogaa'me mil 'uoidi.

Apocalipsis 20:5 Referans Kwoze

Filipenses 3:11

Nache huo'o da ihuataxanaxac da salectoigui qome na leuaxaicpi qom qaltaq qanca'alaxatec.

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

Lucas 14:14

yaqto' ishet da ỹataqta 'auamachiguiñi. Cha'aye namayepi saishet da 'am isheetena'aguet. Qalaxaye 'am qome huo'o ca 'ansheetenaguec qom ivita da qaltaq qanca'alaxatec nam shiỹaxauapi maye ỹo'ottac nam ỹaỹamaxareeta Ñim Lo'onatac 'Enauacna.

Apocalipsis 11:11

Qalaxaye da inoxoore'c que'ecaua tres na'axa'te qataq ca laiñi ca lỹa na'a'q, nache Ñim Lo'onatac 'Enauacna qaltaq nca'alaxatre'c, nache caamaye qaltaq nachaayiñi; nache 'enauac na shiỹaxauapi maye ỹauaachiguilo ỹataqta lta'araic da lcolanaxa.

Romanos 11:15

Cha'aye Ñimaye da huo'otaq imaqa'aguet nam judiopi, nache ỹaconeguet nam laỹepi shiỹaxauapi maye huetalec ana 'alhua, nache ¡chaq 'eetec qome que'eca na'a'q na judiopi qom ỹoltaq ỹaconeguet! ¡Damaye qome ỹataqta 'eeta'am ca leuaxaicpi da ỹaconeguet ca nca'alaxa maye chochaq tatec!

1 Ts 4:16

Cha'aye Ñim Lo'onatac 'Enauacna qom 'enapega so lataxala' na lamaxashecpi piguem le'ecpi, nache sa'axasoxoỹa aca nasheere da ỹa'axat So Qarataxala' da huenoteeguesop na piguem, nache na da'amqaanataxan co'ollaq saxanaxa da ileu, nachena na la'auaxanec da nca'alec.