Apocalipsis 20:3 - La'aqtaqa Ñim Lo'onatac 'Enauacna 2013

³ Nache ỹasaxaña cam laponqa' na leuaxaicpi, qataq ỹapogoña. Ime, nache ivingui aso lvinaqte so lasom qataq itoqoolec aso la'anaxanaqte, da yaqto' so shiguiỹac leguemaxaic saishet da qaltaq nnoxoosheguem da ỹatenachet na ỹotta'a't shiỹaxauapi, choche ivitta'a da inoxoore'c caua mil vi'iye. Qaq qom mashe inoxoore'c que'ecaua vi'iye, nache somaye cara'ac da qaisouec.

Nuevo Testamento Toba Sur

³ Nachi ÿasaxaña cam laponqa' na leuaxaicpi. Nachi ÿapou'a, qataq itoqoolec aso l'anaxanaqte, da yaqto' sa ishit da qaltaq ÿatenachit na ÿotta'a't shiÿaxauapi, to' qom mashi inoxoodeec ca mil vi'iyi. Qaq qom mashi inoxoodeec que'ecaua vi'iyi, nachi somayi cada'ac da qaisouec.

Nuevo Testamento Toba Sombrero Negro

³ Choqoda'me yajaĝañgui jaga'me limaĝañi lat'edai, qama'le yapadene'uo nataq'aen ya'uo jaga'me 'nanaĝanaqate jo'ne yetouoĝolegue ga'me najom lapadenaĝat, qaedi ja yitaĝa ta'le yoqovi'n joga'me jiyaĝadipi jo'ne uetedalegue jena'me aleua, chayovida'a qom yenoĝodegue joga'me mil 'uoidi. Qomle male yenoĝodegue naa'me naajo' 'uoidi, qama'le cada'ac da'me yitaĝa qoyejoye.

Apocalipsis 20:3 Referans Kwoze

Apocalipsis 20:1

Qaq can ime de'era, nache sela'aguet so namaxashec piguem le'ec chegoqtot na piguem, Qaq somaye lasoqta'a so lta'araic ncoñetaxanaxat lcat qataq aso lvinaqte so llegueuo so laponqa' na leuaxaicpi.

Apocalipsis 17:8

Se'eso shiguiỹac leguemaxaic maye 'auauaachigui, nacheso so 'oonolec maye nca'altauec co'ollaxa, qalaxaye nagui mashe saqca. Qaq somaye qaltaq nnoxoosheguem qome da chegaqaña cam laponqa' na leuaxaicpi, qalaxaye nachaqrata da yaqto' ima da qailaxachigui. Qaq na shiỹaxauapi maye huetalec ana 'alhua nam saishet da qoỹettaua'a acam lmalate nam qanca'alaxatecpi chegoqchiguiña co'ollaq saxanaxa da qaỹo'ot ana 'alhua, namayepi ỹataqta huo'o da la'aalaxa qom ỹauaachigui se'eso shiguiỹac leguemaxaic maye nca'altauec co'ollaxa, qalaxaye mashe saqca, qalaxaye qaltaq ỹe'eguelaxalec da nca'alec.

Daniel 6:17

Qaq so Daniel co'ollaq mashe huetangui aso nshere, nache qandouo so coma', nache qaỹapogongui so alap aso nshere, nache so nta'a itoqoolec somaye aso la'anaxanaqte, qataq aso la'anaxanaqte som 'amaqtaqaicpi ltauapi dam lo'onataxanaxac, yaqto' nataqa'en dam huaigui so Daniel, ipacchigui qanqa'en so mashe lapaqtañi nqataxac.

Apocalipsis 12:9

Nachaqrata da qaỹamaqauec se'eso shiguiỹac leguemaxaic maye nacheso som na'araxanaq maye la'atchiguiñi: som le'enaxat da pa'aguenataxanaxaic. Somaye qataq so lamaxashecpi qaỹamaqauec da yaqto' talec ana 'alhua, nache somaye nalemaqte' da ỹatenachet 'enauac na huetalec ana 'alhua.

Mateo 27:66

Nache somayepi jec da nqo'oneuga aso huachiqui, nache icoñerañi so coma' maye lapoxot so ñegueuo asomaye da yaqto' saishet da deraỹapigui'. Nataqa'en qano'onaxatrañi soua huataxanaq lashe', da yaqto' nauaatralec asomaye.

2 Corintios 11:3

Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

2 Pedro 3:8

Qataq da lỹa, qami' ỹaqaỹarolqa, saishet da qaucoviỹa'ai da Ñim Nataxala' ye 'oonolec na'a'q qalaq 'eeta'ama naqa'en caua mil vi'iye, qataq caua mil vi'iye, qalaq 'eeta'ama naqa'en ca 'oonolec na'a'q.

Salmos 90:4

Cha'aye caua mil vi'iye qalaq 'am, 'eeta'am 'anqa'en so na'a'q maye ỹoxogue shecait. Qataq 'eeta'am 'anqa'en ye 'oonolec pe.

Apocalipsis 17:2

Qaq na nta'alpi maye ilotague' nam huetalec ana 'alhua, nquishestague' añimaye qataq huaxaiguet da yaqto' ỹo'oxoren nam qanatameetacotpi maye saq 'en, qaq nache 'eetec nataqa'en na laỹepi shiỹaxauapi maye huetalec ana 'alhua.»

Apocalipsis 13:14

Qaq se'eso shiguiỹac leguemaxaic ỹatenachet na shiỹaxauapi da chegoqchigui naqa'en nam ỹo'otpi maye saq qaỹauanapega da do'onataxaatega da na'añaxac maye ỹachegoxoto'ot so hua'auchiguiñi shiguiỹac leguemaxaic. Ime, nache ỹamaxalec da ỹo'ot ca le'enaqtac maye lqui'i so hua'auchiguiñi shiguiỹac leguemaxaic, som huo'o co'ollaxa so lta'araic lque'emaxa, que'emaxam so ỹeelonec, qalaxaye saishet da ilem.

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Marcos 4:15

Qaq aso nañiguishe alapi maye tatelec so nqa'aic, naigui nam na'axaỹaxana dam no'on na'axaỹaxac, qalaxaye da anac so pa'aguenataxanaxaic, nache ỹo'otec da icoua'ai 'enauac nam hua'aqchiguipi.

Lucas 8:31

Nache se'eso saqcha'a na'añaxacpi, nachoxoreetacot So Jesús da yaqto' saishet da ỹamaxaña cam qaica ca loga't nhuaxanaqa' nam saqcha'a na'añaxac leguemaxaicpi.