Apocalipsis 20:15 - La'aqtaqa Ñim Lo'onatac 'Enauacna 2013

¹⁵ Qaq nacheye nataqa'en ye qaỹasaxangui 'enauac nam saishet da nanettalec ca le'enaxat aso naneraxalate nam chochaq tatec da nachaalataxac.

Nuevo Testamento Toba Sur

¹⁵ Nachi somayi qaÿasaxangui nam sa ishit da qoÿittau'a aso nanedaxalate nam qanca'alaxateecpi.

Nuevo Testamento Toba Sombrero Negro

¹⁵ Chane'eja dia'me napa'lpi nach'e ena'am da'me qoyajaĝadiñgui ga'me dole', ena'uaque dia'me jo'ne qaya'te lenaĝa't ta'le uedalegue da'me qoyedidiñe jaga'me nede jo'ne nedaĝalate jena'me qonec'alaĝatedegue.

Apocalipsis 20:15 Referans Kwoze

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Mateo 13:50

Nache na qauemaicpi qaỹasaxaña ca nhuaxanaqa' na 'etaxaloxoicpi. Huaña, nache nỹeetac qataq ỹataqta inaga't naua lhue, souaxat da nqui'ic.»

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

Mateo 13:42

Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Salmos 69:28

'Auapalaxat na le'enaxatpi maye nanettalec aca lmalate da nca'alaxa, saishet da 'aualecnoigui aca le'enaxat lmalate na no'on da lataxac.

Lucas 10:20

Qalaxaye saishet da qantoñiitapeguec da mashe qami' ỹalaxagueta na saqcha'a na'añaxac leguemaxaicpi, nachaqrata qome da qantoñiitapeguec da mashe qoỹettauo da qare'enaxache da piguem.

Apocalipsis 3:5

Qaq nam saishet da iqallem na lqalaiguesat qataq saishet da ỹaxanec da lpi'iỹaxac Aỹem, nache sanaxanaxanguilo caua alogo lapagaxaiqa, qataq saishet da sapalaxat ca le'enaxat maye nanettalec aca nere maye naneraxalate na qanca'alaxatec. Qataq sa'axatem Ñim Ita'a qataq na lamaxashecpi maye do'onataxaatacot Ñimaye.

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.

Apocalipsis 20:14

Ime, nache so nleuaxa qataq da lo'onataxanaxac somaye qaỹasaxayingui so lta'araic norec. Qaq nam tangui se'eso lta'araic norec, nache chochaq tatec da sa nauane' Ñim Lo'onatac 'Enauacna.