Apocalipsis 20:11 - La'aqtaqa Ñim Lo'onatac 'Enauacna 2013

¹¹ Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Nuevo Testamento Toba Sur

¹¹ Nachi sela'a aso late'edai so'onaxaqui lapagaxai qataq som nso'ootangui asomayi. Huaña, nachi ana 'alhua qataq na piguem ÿataqta nlagaxatapec, ÿataqta sa ishit da huo'o ca chapegue' namayipi.

Nuevo Testamento Toba Sombrero Negro

¹¹ Nataq'aen jauana jaga'me je'onaĝaiqui lat'edai jo'ne pagaĝai choqoñe'me jo'ne netañgui. Mane'e ca'li naloĝola't joñe'me, qama'le jena'me aleua choqodi'me piyem male nelagaĝa'tape, qama'le nalo'ta't da'me yapalaĝat, ja yitaĝa ta'le qoyauanalo.

Apocalipsis 20:11 Referans Kwoze

Apocalipsis 21:1

Ime, nache sela'a so piguem dalaxaic qataq aso 'alhua dalaxai, cha'aye so hua'auchiguiñi piguem qataq aso hua'auchiguiñi 'alhua mashe imeuo. Qataq aso auaxai nataqa'en mashe imeuo.

2 Pedro 3:7

Qalaxaye nataqa'en ỹachegoxotchigui se'eso la'añaxac da Ñim Lo'onatac 'Enauacna ỹan da la'aqtac, da qom ivita que'eca laloqo', nache na piguem qataq ana 'alhua maye huo'oi nagui, naamaye ilaxachiguilo, irolec ca norec. Naamaye qaỹavigaxa't qom ivita que'eca na'a'q da Ñim Lo'onatac 'Enauacna nmit 'enauacna, nache ilaxachigui 'enauac nam ỹo'ottac na qauem.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Daniel 2:35

Qaq huaña nache so lcat, nqatelliguishec 'alhua, bronce, plata qataq so oro, 'enauac somayepi da dolachigui nache nda'a't lsoche, 'eeta'am da ivita ye napaxaỹaxa da qaichegoq na trigo, nache na la'at ỹaỹoxonaqchet na lvi, nache qaica ca no'onaxatañi. Qalaxaye som coma' maye ilaxachigui co'ollaxa se'eso ne'enaqtac, somaye nañigui da late'erai qasoxonaxa, nache ỹataqta imattalec ana 'alhua.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Mateo 24:35

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Apocalipsis 16:20

Qataq 'enauac ana ỹaqa'ata 'alhuapi qataq ana qaỹoqotcheguemec 'alhuapi qalaq deqat.

Apocalipsis 6:14

Qaq na piguem qalaq nquicta'a't da sa qaila'a, 'eeta'am da 'eetec da qainana't aca neraxanaxalate, qataq 'enauac anam qaỹoqotcheguemec 'alhuapi qataq anam ỹaqauga 'alhuapi qalaq nqochen ca'ai na hueta'api.

Apocalipsis 20:2

Qaq se'eso namaxashec, somaye loxonec so shiguiỹac maye 'eeta'am na na'araxanaq som la'atchiguiñi, maye ỹo'ot co'ollaxa da qauem somaye le'enaxat nataqa'en da pa'aguenataxanaxaic, nache icoñerai' mil vi'iye.

Apocalipsis 12:8

Qalaxaye saishet da ỹañoxot da dauegaxan, nache saishet da qaỹashenem da queta da neto'ot na piguem.

Salmos 97:2

Na napalñi lo'oc coleesop Ñimaye, qataq da nalochiguiñi qataq da no'on lataxac, nachera da na'attalec da lo'onataxanaxac Ñimaye.

Salmos 89:14

Qaq naua nalochiguiñi lataxac qataq ỹaỹamaqchiyiñi lataxaco, nachenaua na na'attaleguete da 'aro'onataxanaxac da 'am nta'a, qaq da 'arauotaxanaqtaic qataq da 'eesa lataxac hua'auta'ague da 'icỹaxac.

Salmos 47:8

Ñim Lo'onatac 'Enauacna ilotague' 'enauac na ỹotta'a't shiỹaxauapi, Ñim Lo'onatac 'Enauacna nso'ootangui añi qui'itta nso'onaxaqui.

Apocalipsis 4:2

Qaq nache saqaỹaloq da souaigui da la'añaxac So Saqcha'a Na'añaxac Qui'itta, nache sela'a aso 'eeta'am ana nso'onaxaqui na nta'a, neto'ot na piguem. Qaq asa'aso so'onaxaqui huo'o so nso'ootangui.

Da na'aqtaguec so Job 9:6

Ñimaye ishet da ca'ai naqa'en ca na'attaña ana 'alhua, qataq ishet da cholaxan naqa'en ca ỹa'añaxattañi anamaye.

Apocalipsis 19:11

Ime, nache sela'a na piguem da nauatoigui, nache sela'a so caaỹo lapagaxaic. Qaq som netalec le'enaxat «Ipacchiguilo naua la'aqtaqa» qataq «'Eesa», cha'aye somaye ỹataqta ỹaỹamaqchiguiñi da lo'onataxanaxac da nta'a huo'otaq da taỹa ca alaataxac.

Génesis 18:25

¡'Am saishet da 'auo'ot de'era da 'aualauat cam qaica ca ỹasouaxat, da cañe' 'anqa'en cam huo'o ca lasouaxashet, da 'eco' 'eeta'a't caua dos da huo'o ca lasouaxashe't! ¡Saishet qome da 'auo'ot de'era! cha'aye 'Am maye 'am 'amaqtaqaic da 'anmit 'enauac ana 'alhua, ¿qaq peta'a saishet da 'auo'ot cam nalochiguiñi lataxac?»

Salmos 102:26

Qaq namayepi taỹa'a da imeuo, 'am qalaxaye nache qonetai', 'enauac namayepi taỹa'a da lto 'eeta'am ca nogoxot, qataq 'eeta'am ca nogoxot da 'anaralaxat da lto.

Isaías 6:1

Qaq huetoigui so vi'i maye huaigui da ileu so nta'a Uzías, da aỹem sela'a Ñim Nataxala' da nso'ootangui aso ỹataqta qaỹoqotcheguemec nso'onaxaqui, qaq naua laỹel so lapo' qalaq imattaigui aso atamnaxaqui.

Daniel 7:10

qaq nache chegoqtegueua'a somaye so la'auaxac na norec. Qataq do'onataxaatacot somaye som qalota maye sa qaivi' da naloqten. Qaq so qanayecot so ntaxaỹaxac nache qaỹauachigui aso nerepi.

Mateo 11:22

Qaq ỹoqo'oye qami' shenapegalo da que'eca pa'atec na'a'q qom qaỹauo'o ca nhuaxanaguecna, nache qami' ỹataqta ỹactec ca qanhuaxanaguiiqui, saq 'ena'am nam netaña ye Tiro qataq ye Sidón.

Apocalipsis 21:5

Nache Ñim Lo'onatac 'Enauacna maye nso'ootangui aso nso'onaxaqui da nta'a 'eeta' da la'aqtac: «¡Aỹem ñaralaxat 'enauacna!» Nataqa'en 'eeta': «'Iyiñi qome ne'enapi, cha'aye ne'ena na'aqtacpi ỹataqta 'eesa qataq ishet da qaipi'iỹa'a.»