Apocalipsis 2:9 - La'aqtaqa Ñim Lo'onatac 'Enauacna 2013

⁹ Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

Nuevo Testamento Toba Sur

⁹ Aÿim saÿaten 'enauac nam 'au'ottacpi qataq 'enauac na 'anque'ejnaxaguesat qataq dam 'adachoxoyic, nai'ctaxa da ÿataqta 'am sallaxanec. Qataq saÿaten da ÿataqta qauema naua ltaxaÿaxaco da 'am detaxaÿa nam 'eetega da judiopi, qalaxayi sa ishit da 'en. Chaqdata da namayipi i'amaqteetac so Satanás.

Nuevo Testamento Toba Sombrero Negro

⁹ Joote jayaten da'me adachoĝodequi nach'e ena'am jayaten da'me qaya'te adeuoyaĝaqui, mate mane'e ena'am ta'le yataqata ami neuoyaĝadi, qama'le nach'e ena'am jayaten da'me eeta da'me ami dachinataĝalo'te jogaa'me jo'ne eetapela'ajalo lec'oqo'tepi joñe'me Dios. Qalaĝaja nach'egaua jo'ne ja p'etaqadayaqa, dite da'me chiyoqodayi da'me lemaĝac joñe'me Satanás.

Apocalipsis 2:9 Referans Kwoze

Apocalipsis 3:9

Ñaq 'aumeten dam so'otec ne'ena tenataxanaxaicpi maye lalamaxatpi so pa'aguenataxanaxaic. Namayepi 'eetega judiopi, qalaxaye saq 'en. Ỹoqo'oye Aỹem so'otec namayepi da 'am ỹa'atto'oto naua l-llectel, yaqto' ỹaỹaten namayepi da Aỹem ỹataqta 'am sauotec.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Romanos 9:6

Qaq saishet da sheetega da Ñim Lo'onatac 'Enauacna da huo'otaq sa ipaguelec nam ỹachaxanapecotpi nam Israel le'ecpi. Qalaxaye saishet da 'enauac na judiopi da nhuanaua'a nam ỹataqta 'eesa Israel le'ecpi.

2 Corintios 6:10

'Eeta'am da saquicoqtac, qamaq ỹoqta 'eesa da qomi' samaqtapiguiñi. 'Eeta'am da qomi' choxora'q, qalaxaye qalota na sesallaqchetaq. Na'aictaxa da qaica ca ye da shenaqta, qalaxaye qaica ca seuenaqtac.

1 Timoteo 6:18

Qonapega nataqa'en da ỹo'ot ca ỹaỹamaqchiguiñi, yaqto' nachera da lsallaxa dam no'on lo'onataxanaxac. 'Auennataxanaxanec da qaica ca ỹectega da ỹan da detaunaxanot nam hueto'otpi.

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Apocalipsis 2:2

Aỹem saỹaten 'enauac nam 'auo'ottacpi, qataq saỹaten da souaxat da Aỹem 'aualaxaguet, nache qalota na 'avireguet lqalaic. Nataqa'en saỹaten da ỹataqta 'anala'aguet damaye cha'aye huo'o da 'arhualaxavic qataq saishet da 'auaconeguet nam qauemaicpi. Qataq saỹaten da 'am 'avi'igue'n naua 'eetregalo da lamaxa'she So Jesús qalaxaye saq 'en. Qataq 'am 'auachaxa'n naamaye da choche tenataxanaxaiqa.

Lucas 6:20

Nache So Jesús ỹamataigui so lapaxaguenatacpi, nache 'enapeco': «Ñim Lo'onatac 'Enauacna qami' ỹaaleguete da lqouagaxanaqtaic qami' maye qami' choxora'q, cha'aye da lo'onataxanaxac Ñim Lo'onatac 'Enauacna qaralamaxache.

Romanos 12:12

Nagui da ñaq qauacheetaique Ñim Nataxala', nache qauachaxañi da qaramaicỹaxaqui. Qataq da huo'o ca qanque'eenaxaqui souaxat Ñim Nataxala', nache qauauo'oi ca qanhualaxaunaxaqui. Qataq da qanqouagaxauñiitacot Ñim Nataxala', nache qauachaxañi da nache qoquiito'ot da qanqouagaxaunaxaqui.

Romanos 5:3

Qalaxaye nataqa'en huo'o da qantonaxac souaxat da qanque'eenaxac, cha'aye saỹatenaqta da nache 'eetec de'era, nache saỹaanaq da lleuenaxaguet na qanque'eenaxaguesat.

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

1 Ts 3:4

Cha'aye co'ollaq ñaq qami' souaqta'agueta, qalaq qami' sa'axataqtapeguema da saxaigui na qalota qanque'eenaxaguesat. Qaq ipacchigui da seviraxaguet. Qaq de'era mashe qauaỹaañita.

2 Corintios 8:2

Cha'aye na'aictaxa da lqalaic yemayepi souaxat da ñe'eguenataguec, qalaq nache 'ena'am ỹataqta machiguiñi. Qataq na'aictaxa yemayepi da ỹataqta choxoraq, qalaxaye ỹataqta chetaqtaxanaxaicpi, 'eeta'am da sallaxanecpi.

Romanos 8:35

Qaq da inataxanaxac 'eeta': ¿Negue't ca ishet da qomi' nqateeguesopa da lauotaxanaqtaic So Cristo? ¡Qomye qaica! ¿Peta'a na sa ỹaỹamaxañisat qataq nam que'eenaxacpi qataq na lqalaicpi? ¿Peta'a ỹañoxot de'era na nqouaxa, huo'otaq na latomaxa huo'otaq na lchecsat qataq da nleuaxa? ¡'A'i, saishet!

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

Lucas 22:65

Qataq qalota na laỹepi na'aqtac da qaisheueetac Somaye.

Lucas 12:21

Qaq 'era qome da 'eetec cam shiỹaxaua da maiche logosheguem naqa'en da lsallaxa, qalaxaye Ñim Lo'onatac 'Enauacna ỹaỹaten camaye da ỹataqta choxoraq.»

Romanos 2:17

Da qoñiita huo'o na ño'oxoreetapigui da chegaqaigui na judiopi. Qataq nteetacot da hueto'ot na namaxasoxonaxacpi maye chegoqo'ot so Moisés, qataq ño'oxoreetapigui Ñim Lo'onatac 'Enauacna.

Hechos 26:11

Qataq ỹataqta qalota da seuaxaatac namayepi da sauotaique da ỹaxaañi da lpi'iỹaxac. Qaq 'era da so'otec 'enauac anam napaxaguenaxaquipi nam judiopi. Cha'aye aỹem ỹataqta qalota da iquiỹaxa namayepi, ỹoqo'oye ivira'a da secanaxangui nam hueta'alo naua ỹaqa'alo 'aleu'.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Apocalipsis 1:9

Aỹem Juan, maye maiche aỹem qarỹai da sa'amaqtenaqtac So Cristo, cha'aye qami' qataq aỹem huo'o da qarpi'iỹaxac Somaye. Qaq souaxat da ỹataqta huo'o da ipi'iỹaxac Somaye, nache ñeuanaua'a da lo'onataxanaxac Ñim Lo'onatac 'Enauacna 'eeta'am 'enauac da qoñiita: Qataq nataqa'en huo'o da ñeqalanaxac da satata'aguet na lqalaic, sheeta'ama qami'. Qalaxaye nataqa'en huo'o da ỹa'añaxac maye aỹem ỹami' Ñim Lo'onatac 'Enauacna da yaqto' ñala'aguet ne'ena que'eenaxacpi. Qataq souaxat da sa'axattac da la'aqtac Ñimaye qataq da sa'axattac So Jesucristo, nache aỹem qaỹamaxauga ana ỹaqa'ata 'alhua maye le'enaxat Patmos.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Apocalipsis 2:24

Qalaxaye nam hueta'a ye nỹecpi ye Tiatira maye saishet da quegue naua lapaxaguenataxanaxaco aña'añi 'alo, qataq sa ivita da ỹauatton nam qoỹeetega saqcha'a lataxacpi so pa'aguenataxanaxaic, qaq Aỹem sami' de'era 'oonolec iqataxac: