Apocalipsis 2:7 - La'aqtaqa Ñim Lo'onatac 'Enauacna 2013

⁷ Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Nuevo Testamento Toba Sur

⁷ Qaq cam ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, qaq aÿim sanem da chic ana ala ada qo'ipaq mayi chigaqaigui da nca'alaxa mayi netangui na laiñi yi lanaxanqa' ñi Dios.”

Nuevo Testamento Toba Sombrero Negro

⁷ Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Qama'le gaa'me jo'ne yovidedeta da'me noma't joga'me ja no'en, nach'egaua jo'ne janema qomle ga'me yali'j jo'ne jala jaga'me epaq 'me chiyaqayi da'me nec'alaĝa, nach'aga jo'ne neta'ña di'me noqop'adit joñe'me Dios.»

Apocalipsis 2:7 Referans Kwoze

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Mateo 11:15

Da ỹoqta 'eesa da huo'oi naua qartelai lauacolli' ¡qaq no'on da ỹataqta qana'axaỹaxañiichiguiñi!

Apocalipsis 13:9

Qaq cam huo'oi naua ltela lauaco, qaq no'on da ỹataqta na'axaỹaxaachigui de'era.

Mateo 13:43

Qalaxaye nam ỹalaxaguet Ñim Lo'onatac 'Enauacna, namayepi ỹataqta 'eroigui 'ena'am añi nala' qom huetaigui da lo'onataxanaxac Ñim Lo'onatac 'Enauacna. ¡Qami' da 'eesa da huo'oi naua qartelai lauacolli', nache no'on da ỹataqta qana'axaỹaxañi!

Mateo 13:9

¡Qaq qami' da ỹoqta 'eesa da huo'oi naua qartelai lauacolli', nache no'on da qana'axaỹaxañi!»

Proverbios 11:30

Da ỹaỹamaqchiguiñi lataxac chegaqaigui da achaalataxac, qaq da loquiaxac qalaq ilaxachigui da achaalataxac.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Apocalipsis 21:7

Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

Lucas 23:43

Nache So Jesús 'enapeco': –Ỹoqta 'eesa da shenapec, da nagui sogote Aỹem qoueta'aguet da souaqta'a ye lma' na qanca'alaxatecpi da piguem maye qaica ca 'eeta'am da llo'oxoyec.

Génesis 2:9

Ime, nache ñaxaalec naqa'en 'enauac ana ỹotta'a't no'on qo'oipaq, anam huo'o ana ala maye ishet da qanallec. Qaq na laiñi som nanqa' ana nañiguishepi, qalaq ỹanangui aso qo'oipaq maye chegaqaigui da nca'alaxa, qataq aso qo'oipaq maye chegaqaigui da qaỹauatton da no'on qataq da qauem.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Marcos 7:15

'Enauac nam chec ca shiỹaxaua saishet da nshepaxanaqchet da nachaalataxac da datato'ot Ñim Lo'onatac 'Enauacna. Nam ishet da nshepaxanaqchet da nachaalataxac ca shiỹaxaua, nachera da lsheunaxanaxac qataq naua qauema la'aqtaqa maye nasaxare'c.»

Apocalipsis 22:2

Qaq nam laiñi so nqa'aic maye laiñiguishec se'eso nỹecpi, nache nacchiguingui se'eso 'etaxat. Qaq naua loiguiye se'eso tala huo'o ana qo'oipaq maye huo'o ana ala ye 'oonolec ca'agoxoic, qaq damaye 'eeta' doce da huo'o ana ala ye 'oonolec vi'i. Qaq ana ala ỹan da nca'alaxa chochaq tatec, qaq ana laue qalaq natannaxanaqte da nataren na lalolaxapi 'enauac na shiỹaxauapi maye huetalec ana 'alhua.

1 Corintios 2:10

Qaq 'era da qomi' ỹauattonaxanaxaneque Ñim Lo'onatac 'Enauacna, chegoqchigui naqa'en So Saqcha'a La'añaxac, cha'aye Somaye ỹaỹaten 'enauac, qataq ivira'a da ỹaỹaten na saqcha'a 'eetapeguecpi Ñim Lo'onatac 'Enauacna.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Ezequiel 28:13

'Am qoueta'a co'ollaxa ye Edén, yem lanaxanaqa' Ñim Lo'onatac 'Enauacna, 'am llo'oxoraxat co'ollaxa na ỹotta'a't no'on coma'pi, na rubí, crisólito, jade, topacio, cornalina, jaspe, zafiro, granate qataq na esmeralda; ana 'ano'otaqtepi qataq ana 'arshetepi qalaq chegaqaigui na oro, maye qaiqataxaatai' so na'a'q co'ollaq 'am qaỹo'ot.

Proverbios 13:12

Ca aquitaxac maye saipaigui, qalaq daỹalli naqa'en añi nquiyaqte, qaq ca qoỹeetapeguec da ipacchigui qalaq 'eeta'am aca qo'oipaq maye huo'o da lca'alaxa.

2 Corintios 12:4

Nachaqrata da aỹem saỹaten da Somaye qaỹaueegue co'ollaxa da piguem dam lma' na qanca'alaxatec. Qaq co'ollaq hueta'a yemaye, nache hua'axaỹalo soua na'aqtaqa maye sa qaỹa'axaỹapiguilo qataq sa qaishetapec da detaxaiguilo ca choche shiỹaxaua.

Ezequiel 31:8

Qaq ỹataqta aca cedro yem lanaxanaqa' Ñim Lo'onatac 'Enauacna da ishet da qanaloqneguet asomaye, qaca aca pino da ishet da 'eeta'am ana lcouepi asomaye, qataq qaca aca castaño da ỹaguec ana laue da qanaloqneguet asomaye, qataq qaca aca qo'oipaq ye lanaxanaqa' Ñim Lo'onatac 'Enauacna da 'eeta'am da lyac asomaye.

Proverbios 15:4

Naua na'aqtaqa soxoraiqa qalaq 'eeta'ama aca qo'oipaq chegaqaigui da nca'alaxa, qaq naua na'aqtaqa quia'aqaiqa qalaq na'aqchet da nhuennataxac.

Apocalipsis 15:2

Nataqa'en sela'a so 'eeta'am ana auaxai ye lcachiguiñi ỹataqta chauec ỹalecteguet na norec. Qaq asa'aso 'eeta'am aso auaxai nachattalec som nauec co'ollaxa so shiguiỹac leguemaxaic, qataq saishet da nashen da qaỹauo'o ca na'anaxat na lo'oc da qaỹa'anaxana da le'enaxat so shiguiỹac leguemaxaic qataq saishet da natamnot som ne'enaqtac maye lqui'i somaye. Qaq Ñim Lo'onatac 'Enauacna ỹami' aso lviquepi somayepi.

Apocalipsis 14:13

Ime, nache sa'axaỹa so na'aqtac chemqot na piguem, aỹem 'enapega, 'eeta': «'Iyiñi qome de'era: ‹¡Ỹataqta machiguiñi qome nagui ca ileu, da huo'otaq na'attaua'a So Qarataxala' Jesucristo!›» Qaq som Saqcha'a La'añaxac Ñim Lo'onatac 'Enauacna 'eeta': «Aja', nache 'eetec, cha'aye namayepi nmateeguesop 'enauac nam nque'eenaxacpi qataq lqalaiguesat, qaq Ñim Lo'onatac 'Enauacna ỹauo'o ca nsheetenaguec namayepi souaxat nam qalota no'on maye ỹo'ot.»

Proverbios 3:18

Da naỹaanec chegaqaigui da nachaalataxac cam ỹaconeguet, qaq ỹataqta machiguiñi cam ỹaỹamaxattec damaye.

Marcos 4:9

Ime, nache So Jesús 'eeta': «¡Da ỹoqta 'eesa da huo'oi naua qartelai lauacolli', qaq no'on da ỹataqta qana'axaỹaxañiichiguiñi!»

Lucas 8:8

Qaq aso lỹa lañiguishe ala tatelec so no'on 'alhua, nache co'ollaq ñaxat, nache ỹataqta 'onaxaic da lañaxataxac qataq 'onaxaic da alaỹaxac, ỹoqo'oye huo'o ana ivi' cien ana ala añi 'oonole lamo.» Qaq co'ollaq ime, nache So Jesús nlamaxaren, 'eeta': «¡Qami' da ỹataqta 'eesa da huo'oi naua qartelai lauacolli', nache ỹataqta qana'axaỹaxañiichiguiñi!»

1 Juan 2:13

Qaq qami' maye mashe qami' ỹepi, qami' samaxalo ana ỹere, cha'aye qauauattoñiita So Jesús, som nache 'eetai' da huo'o co'ollaq saxanaxa da ỹo'ot ana 'alhua Ñim Lo'onatac 'Enauacna. Qaq qami' maye qami' nsoxoppi, qami' samaxalo ana ỹere nataqa'en, cha'aye qami' 'añaxaicpi qataq qanaviqui so pa'aguenataxanaxaic, qataq huesota da qarataxaqui da qauacoñiiguet da la'aqtac Ñim Lo'onatac 'Enauacna. Qami' samaxalo 'enauac da qoñiita ana ỹere, cha'aye qauauattoñi Ñim Lo'onatac 'Enauacna.

Marcos 7:16

[Qaq cam huo'oi naua ltela lauaco, qaq no'on da na'axaỹaxaachiguiñi.]