Apocalipsis 2:26 - La'aqtaqa Ñim Lo'onatac 'Enauacna 2013

^26-28 Qaq na saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache sami' da la'anaxat da dauegaxan namayepi aca huaqaañi yo'oxoñi lashe. Qaq da nache 'eetai' da Aỹem ỹalaxaguet, nache sami' da la'añaxac da ilo'ogue 'enauac na ỹotta'a't shiỹaxauapi ana 'alhua, 'eeta'am da 'eetec Ñim Ita'a da Aỹem ỹami' de'era na'añaxac. Da ilo'ogue ne'ena ỹotta'a't shiỹaxauapi qalaxaye ỹataqta sa icherapec; ¡ỹataqta ilaxachigui 'eeta'am naqa'en aca no'onata taxaqui maye qaỹachegoxotaigui na 'alhua!

Nuevo Testamento Toba Sur

²⁶ Qaq cam dauegaxan, qataq ividaxatta'a ca loga'tna da i'ottac cam saÿamaxadeeta, qaq camayi sanem da ÿamaqpec na ÿotta'a't shiÿaxauapi,

Nuevo Testamento Toba Sombrero Negro

²⁶ Jogaa'me jo'ne yovidedeta da'me noma't joga'me ja no'en, nataq'aen da'me nach'e eta't quetalo'te daa'me mach'e 'yonataqa chayovida'a ga'me nolo' jo'ne p'ategue, qama'le janema qomle da'me je'n nejaliaĝatelo'te yema jogaa'me noyaqa.

Apocalipsis 2:26 Referans Kwoze

Apocalipsis 3:21

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache camaye ỹo'onataxanaxaua da seloxogue ana 'alhua, 'eeta'am da 'eetec co'ollaxa da sauegaxan, nache nagui ỹo'onataxanaxaua Ñim Ita'a da seloqtague' ana 'alhua.

Daniel 7:27

Qaq da lo'onataxanaxac, la'añaxac qataq da llo'oxoyec 'enauac nam nta'alpi maye netalec ana 'alhua, qoỹanem qome nam nhuo' le'ecpi maye lalamaxat Ñim Nataxala' maye Nataỹaña 'Enauacna. Qaq dam lo'onataxanaxac qalaq chochaq tatec qome, nache 'enauac qome na nhuo' le'ecpi ana 'alhua do'onataxanot qataq ỹalaxaguet.

Apocalipsis 20:4

Qaq can ime, nache sela'a aso so'onaxaquipi. Qaq asomayepi nso'ootangui som qaỹalauatpi co'ollaxa, souaxat da saishet da ỹaxanec da lpi'iỹaxac So Jesús, qataq da la'aqtaxanaxac Ñim Lo'onatac 'Enauacna. Somayepi nacheso so saishet da ỹo'oxoren so shiguiỹac leguemaxaic qataq som ne'enaqtac maye lqui'i somaye, qataq saishet da nasheneguet aso la'anaxanaqte da yaqto' qaỹa'an na latap, qataq na lhuaq. Qataq sela'a somayepi da qaltaq nca'alec, nache Ñim Lo'onatac 'Enauacna ỹami' da lo'onataxanaxaua Ñim Lca'aguishec Ñimaye, choche iviraxattraue'c caua mil vi'iye.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Salmos 2:8

Qaq aỹem 'auỹaxanot qome, nache 'am sanem na ỹotta'a't shiỹaxauapi da yaqto' 'aralamaxatpi, qataq ivira'alo qome naua loga'te ana 'alhua da 'am sanem da 'aralamaxat.

Apocalipsis 22:5

Huaña, nache saishet da huo'o ca pe. Qaq nam netaña yemaye saishet da iuen aca lcoỹaraxanaxaqui qataq añi nala', cha'aye Ñim Lo'onatac 'Enauacna maye Nataxala' icoỹattalec. Qaq namayepi nache chochaq tatec da lo'onataxanaxac.

1 Juan 5:5

Cam ỹa'amaqten So Jesús da llalec Ñim Lo'onatac 'Enauacna, nache camaye nauec na lataxacpi ana 'alhua qataq na qauemsat.

Juan 6:29

Nache So Jesús 'enapeco': –'Oonolec da 'eetapeguec Ñim Lo'onatac 'Enauacna, nshetaique da qami' qaua'amaqchiñi nam namaq Ñimaye.

Mateo 24:13

Qalaxaye Aỹem ñeca'alaxatec 'enauac nam Aỹem quetague' qataq saishet da ỹaxanec da lpi'iỹaxac Aỹem choche ivitta'a ca loga't da nachaalataxac.

Daniel 7:22

choche ivitta'a da nvi' so ỹa'axaiquiolec, nache da do'onataxana da nalochiguiñi lataxac da nmit na nhuo' le'ecpi maye lalamaxat Ñim Nataxala' maye Nataỹaña 'Enauacna, cha'aye mashe ivita so laloqo' da nam nhuo' le'ecpi maye lalamaxat Ñim Lo'onatac 'Enauacna ỹaconeguet da no'onataxanaxac.

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Apocalipsis 3:12

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache Aỹem sami' ca ndaqa' maye ỹataqta ỹo'oxoraq añi lo'onaxanaxaqui Ñim Lo'onatac 'Enauacna, qataq saishet da ca'ai añimaye. Qaq camayepi serelec da le'enaxat Ñim Ita'a maye Lo'onatac 'Enauacna qataq ca le'enaxat ye nỹecpi maye neta'ague da piguem. Qaq yemaye nacheye yem dalaxaic Jerusalén maye anacta. Nataqa'en serelec camayepi ca dalaxaic ỹe'enaxat.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

1 Juan 3:23

Qaq dam lamaxasoxonaxac Ñimaye qomi' 'enapegalo da sa'amaqtenaq So Llalec Jesucristo, qataq ñi 'oonolec da shenaqta ỹataqta ỹauotec ca lỹa, ipagaqchiichigui dam qomi' ỹamaxaleguete So Jesús.

Santiago 2:20

Saishet da qaica ca 'auaỹaanapec. Iuen da 'aua'amaqten da qaica ca naigui da qonetega 'aualaxaguet Ñim Lo'onatac 'Enauacna qataq qonetega 'aua'amaqten Ñimaye da saishet da huo'o ca 'auo'ot ỹaỹamaqchiguiñi.

Romanos 8:37

Qaq na'aictaxa da souaqtangui 'enauac na sa ỹaỹamaxañisat, qalaxaye ỹataqta saỹatenaqta da So Jesucristo som qomi' lauotaqa'ate, Somaye qomi' ỹanema da sauegaxanaq.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Daniel 7:18

Qalaxaye ime qome nache da no'onataxanaxac qoỹanem na nhuo' le'ecpi maye lalamaxat Ñim Nataxala' maye Nataỹaña 'Enauacna, nache chochaq tatec qome da lalamaxat.

Apocalipsis 21:7

Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

Mateo 19:28

Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.

Salmos 49:14

'Eeta'am ana qagueta namayepi da qaỹauecta'a añi huachiqui, qaq de'era nleuaxa nache ỹauecta'a añimaye, huaña nache nlaguiñi da lo'ocỹaxac da huetangui añimaye, nache qaỹoqtalo naua 'onaxaiqa lma'ate lta'al, qaq na no'on da lataxac nache ilo'ogue namayepi da ñaq nte'eta.

Apocalipsis 3:5

Qaq nam saishet da iqallem na lqalaiguesat qataq saishet da ỹaxanec da lpi'iỹaxac Aỹem, nache sanaxanaxanguilo caua alogo lapagaxaiqa, qataq saishet da sapalaxat ca le'enaxat maye nanettalec aca nere maye naneraxalate na qanca'alaxatec. Qataq sa'axatem Ñim Ita'a qataq na lamaxashecpi maye do'onataxaatacot Ñimaye.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

1 Ts 3:5

Ỹoqo'oye aỹem co'ollaq sa yalo'oguet da iuennataxa da qoñiita, nache samaq ñi Timoteo da ichemaxata da huo'otaq ñaq huo'o da qarpi'iỹaxaqui Ñim Lo'onatac 'Enauacna. Cha'aye huo'o da itelaxa da huo'otaq qami' ỹatenache't so pa'aguenataxanaxaic, nache qaica ca naigui naqa'en da qaro'onataxanaxac.

Salmos 2:9

Nache 'aurolec qome aca 'arashelte lcat, da 'anlaxaañi na nta'alpi nache ỹataqta 'aulaxachigui, 'eeta'am 'anqa'en aca naco'oña 'alhua.»

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .