Apocalipsis 2:25 - La'aqtaqa Ñim Lo'onatac 'Enauacna 2013

²⁵ da nache queto'ot da Aỹem ỹa'amaqteetac, choche ivitta'a ca laloqo' da ñe'eguelaq.

Nuevo Testamento Toba Sur

²⁵ Qalaxayi qauaÿamaxachiitec qome dam mashi qami' hueto'oto, chochi ivitta'a ca na'a'q qom ñi'iguelaq.

Nuevo Testamento Toba Sombrero Negro

²⁵ nach'edata da'me 'noota qom aviyamaĝachetac da'me jo'ne joote auañiya, chayovida'a qom yitaĝa ami jec'atalo.

Apocalipsis 2:25 Referans Kwoze

Apocalipsis 3:11

Qaq Aỹem saqaỹaloq da ñanac. Qaq ỹoqo'oye qoqueto'ot da 'aua'amaqteetac Aỹem, yaqto' saishet da huo'o ca ỹacona ca 'ansheetenaxat.

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

Hebreos 10:23

Qolaqto'ot qome da sepi'iỹaqa'a Ñim Lo'onatac 'Enauacna da qomi' nca'alaxatre'c qataq saishet da seqolectaxanaq, cha'aye Ñimaye ipaqueelec nam qomi' ỹachaxanapecoto.

Apocalipsis 22:20

Qaq som ỹa'axattac de'era 'eeta': «Aja', Aỹem ỹoqta 'eesa da saqaỹaloq da ñanac.» ¡Aja', nache 'eetec! ¡Ña 'auanac, 'am Qarataxala' Jesús!

1 Ts 5:21

Qalaxaye qavi'iguiñi 'enauac, qaq cam ỹaỹamaqchiguiñi, nacheca qauaỹamaxache.

Romanos 12:9

Ỹataqta 'eesa qanqa'eñi da qarsoxoyiqui, ñi 'oonolec ỹauotec ca lỹa. Qaumaqỹa'aguet 'enauac na qauem, qataq saishet da qoquiỹa'ai na ỹaỹamaqchiguiñipi.

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Hebreos 4:14

So Jesús, Somaye Llalec Ñim Lo'onatac 'Enauacna, qataq nacheso Som Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, Som 'oonolec maye inoxoneua'a ca hueta'a Ñimaye. Qaq ỹoqo'oye iuen da qolaqto'ot da qanaquitaxac Somaye.

Hebreos 3:6

Qalaxaye So Cristo, som Llalec Ñim Lo'onatac 'Enauacna, Somaye ỹataqta laxaraic qataq itauan nam lalamaxatpi Ñimaye. Qaq qomi' nache qaraỹepi ne'ena lalamaxatpi Ñimaye da qolaqtot da ña'añaxataxac da qarpi'iỹaxac qataq da ñetonaqtapeguec cam nca'alaxa maye saconaxaguet qome.

Juan 14:3

Qaq qom mashe ime da ashec da seqataxanai' ca qarmaye, nache qaltaq ñe'eguelaq da qami' saue'c, yaqto' qami' nache 'eetai' da Aỹem qoviita'aguet que'eca soota'a.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

1 Corintios 11:26

Qaq da ivita da qolliqui ana'ana nauole, qataq qanỹomiigui ana'ana ỹomaxaqui, nache qaua'axacheetac da l-leuaxa So Qarataxala' Jesús, choche ivitta'a ca na'a'q da ñe'eguelaq Somaye.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Hechos 11:28

Qaq huo'o so 'oonolec soomaye, le'enaxat Agabo. Somaye nachaañi co'ollaq huetaigui so nqaỹañecpi, nache So Saqcha'a Na'añaxac Qui'itta ỹa'aqtaxanaxanec somaye da huo'o qome ca lta'araic nqouaxa ana 'alhua. Qaq de'era la'aqtaxanaxac ipacchigui, huetoiguilo soua vi'iye co'ollaq lta'a na nta'alpi ye Roma so le'enaxat Claudio.