Apocalipsis 2:21 - La'aqtaqa Ñim Lo'onatac 'Enauacna 2013

²¹ Qaq Aỹem mashe sami' da ldaqa' añimaye, da yaqto' ỹe'eguelaxa da ỹalaxaguet Ñim Lo'onatac 'Enauacna. Qalaxaye añimaye saishet da ỹalaq da ỹo'ot damaye, qataq saishet da ỹaxaañi da ỹa'amaqteetac na ne'enaqtac nqui'ipi maye saq 'en.

Nuevo Testamento Toba Sur

²¹ Qaq aÿim mashi sami' da ldaqa' añimayi, da yaqto' ÿaxaadeec naua n'onataxaco. Qalaxayi sa ishit da ÿaxaadeec, qataq sa ishit da ÿaxaañi da nquishishaxac.

Nuevo Testamento Toba Sombrero Negro

²¹ Te'me jeuate'ta ta'le 'niyeloqot joñe'me Dios, qalaĝaja jañe'me ja jetaque yaĝañi da'me lequejeguetaĝa.

Apocalipsis 2:21 Referans Kwoze

2 Pedro 3:9

Qaq saishet da Ñim Lo'onatac 'Enauacna da qaỹaloqta da ipaqueelec ca ỹachaxanapec, cha'aye huo'o na lhuennataxac de'era. Chaqrata da Ñimaye huo'o da lhualaxavic da qami' iuatta'alo, cha'aye Ñimaye saishet da ỹaỹamaxaren da huo'o ca ileu da qoñiita, chaqrata da 'enauac da qoñiita qavi'eguelaqaỹa da qaralaxayiqui.

Apocalipsis 16:9

Nache ỹataqta 'enauac da ỹavic na shiỹaxauapi, qalaxaye ñaqaiyeta saishet da ỹe'egueloqot Ñim Lo'onatac 'Enauacna qataq da yaqto' ỹo'oxoren. Nachaqrata da dalemataỹa Ñim Lo'onatac 'Enauacna maye huo'o da la'añaxac da ishet da ỹa'axaneguet se'eso qaica ca 'ena'am da lchec lhuaxanaxanaxac Ñimaye.

2 Pedro 3:15

Qataq qantooñita'ac da So Qarataxala' Jesucristo qomi' iuatta'alo, da yaqto' ishet da ñeca'alaxauec qome. So qanauochaxaua qartaua qarqaỹa Pablo, nataqa'en ỹiyiñi co'ollaxa de'era, cha'aye Ñim Lo'onatac 'Enauacna ỹa'axatem co'ollaxa de'era.

1 Pedro 3:20

Som saqcha'a nca'alaxapi maye sa ỹalaxaguet Ñim Lo'onatac 'Enauacna so na'a'q maye huetaigui co'ollaxa so Noé. Ñim Lo'onatac 'Enauacna ỹataqta huo'o da lhualaxavic da iuatta'a somayepi da naralaxat da lhuennataxac co'ollaq ñaq ỹo'ottac so Noé aso nnotaxaqui maye quiguingui na 'etaxat, qalaxaye somayepi saishet da ỹo'ot damaye. Qaq ỹoqo'oye saq 'amaqtaq so huenotoigui aso notaxaqui da yaqto' nca'aleeguesop so 'etaxat maye ipaxaalec ana 'alhua, qaq nacheso se'eso 'etaxat so ỹauec se'esoua ocho shiỹaxau' da ỹanaña so ỹataqta ỹaỹamaqchiguiñi.

Romanos 9:22

Qaq de'era 'eeta'am da ỹo'ot Ñim Lo'onatac 'Enauacna. Cha'aye Ñimaye huotaique da ỹachaxan da 'eetec da huo'o ca ỹauo'o ca nhuaxanaguec da yaqto' 'enauac ana 'alhua, qaỹaỹaten da Ñimaye ỹataqta huo'o da la'añaxac. Qalaxaye Ñimaye huo'o da lhualaxavic da na'añaxateguet nam taỹa'actaxa da nhuaxanaguec qataq qailaxachigui.