Apocalipsis 2:18 - La'aqtaqa Ñim Lo'onatac 'Enauacna 2013

¹⁸ «Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Tiatira. Qoneta': ‹¡Aỹem maye Aỹem Llalec Ñim Lo'onatac 'Enauacna! Naua ỹa'ai'te 'eeta'ama na le'eraxa na norec, qaq naua ichel qalaq qashelectrapiguiñi 'eeta'am da lqashelgaxa na lcat le'enaxat bronce da ime da nqatelaguec. Ñaq 'ana'axaỹaxana dam 'am sa'axatem:

Nuevo Testamento Toba Sur

¹⁸ Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Tiatira. Qoneta': “'Eeta' da l'aqtac na llalec ñi Dios, nam 'eeta'am na nodec l'edaxa naua l'ai'te, qataq naua lchil 'eeta'ama na nqashilgaqtac lcat l'enaxat bronce, 'eeta':

Nuevo Testamento Toba Sombrero Negro

¹⁸ “Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Tiatira: «Da'me ami jo'ne oñiya'ña di'me Tiatira, ami janema nayi jenjo' 'yaqatac, mach'e jayem Lec'oĝot joñe'me Dios, naqayem jo'ne edetedañgui naa'me 'yae'te, ena'ama ga'me dole' lauaq, qama'le nach'e ena'ama naa'me yapia'te da'me laqaselegaĝa'j ena'am ga'me bronce qom qoyachiyoĝotaue jaga'me nec'atoĝoiqui:

Apocalipsis 2:18 Referans Kwoze

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Romanos 8:32

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Juan 5:25

Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Juan 3:18

Ca ỹa'amaqten na Llalec Ñim Lo'onatac 'Enauacna, nache camaye saishet da huo'o ca nhuaxanaguec. Qalaxaye cam sa ỹa'amaqten Namaye, nache sogote da huetalec da huo'o da nhuaxanaguec qanqa'en, souaxat da saishet da ỹa'amaqten na 'oonolec Llalec Ñim Lo'onatac 'Enauacna.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Apocalipsis 2:1

«'Auamaxa qome aca 'ere ñi namaxashec maye ilotague' na 'amqaanataxanaxaicpi maye netaña ye nỹecpi ye Éfeso. Qoneta': ‹Aỹem maye llasoqta'alo naua siete huaqaañi netaigui na ihuaq aỹoiguishec, qataq sootangui na laiñi naua siete ncoỹaraxanaxaqui' maye chegaqaigui na oro. Ñaq 'ana'axaỹaxana dam 'am sa'aqtaxanem:

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Hechos 8:36

Qaq co'ollaq ivitra som huaña da huo'o na 'etaxat, nache se'eso ỹale maye 'amaqtaqaic 'enapeco': –Ne'ena huo'o na 'etaxat, qaq ¿negue'to' ca iqalaatac da saishet da aỹem 'anachelaxan?

Daniel 10:6

Qaq da lo'ocỹaxac somaye qalaq qashelecteguiñi, 'eeta'am na coma' topacio, qaq na lashec qalaq 'ettapogoigui 'eeta'am na nqashelgaxa, qaq naua la'ai'te qalaq 'eeta'am aca ncoỹaraxanaqte 'ettaigui, qaq naua lhuaxaye qataq naua lapia'ate qashelectrapiguiñi 'eeta'am na bronce, qaq da lavilỹaxac qalaq 'eeta'am ca qalota shiỹaxauapi.

Hechos 16:14

Qaq huo'o aso 'oonole 'alo le'enaxat Lidia, asomaye lma' co'ollaxa ye nỹecpi le'enaxat Tiatira, asomaye imeetac ana ỹataqta no'on npoto, naueralec na ltogaxa, qataq ỹa'amaqteetac Ñim Lo'onatac 'Enauacna. Nache Ñim Qarataxala' ỹami' asomaye da ỹataqta na'axaỹaxaachigui da la'aqtaxanaxac so Pablo.

Apocalipsis 2:24

Qalaxaye nam hueta'a ye nỹecpi ye Tiatira maye saishet da quegue naua lapaxaguenataxanaxaco aña'añi 'alo, qataq sa ivita da ỹauatton nam qoỹeetega saqcha'a lataxacpi so pa'aguenataxanaxaic, qaq Aỹem sami' de'era 'oonolec iqataxac: