Apocalipsis 2:17 - La'aqtaqa Ñim Lo'onatac 'Enauacna 2013

¹⁷ Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Nuevo Testamento Toba Sur

¹⁷ Qaq ÿoqo'oyi ca ÿaÿaten da n'axaÿaxanaxac, qaq no'on da n'axaÿaxana da l'aqtac so Espíritu Santo da 'enapega na 'amqajnataxanaxaicpi, 'eeta': Cam dauegaxan qome, nachi aÿim sanem da chic ca nallic saq cha'a mayi chigoqo'ot ñi Dios, qataq nataq'en sami' ca coma' lapagaxaic. Qaq que'eca coma' nanettalec ca dalaxaic l'enaxat mayi sa ishit da huo'o ca ÿaÿaten, chaqcata cam ÿaconguet mayi ÿaÿaten.”

Nuevo Testamento Toba Sombrero Negro

¹⁷ Qom auaqanachichi ta'le auomachii, ¡'noota qom anaquiaĝañiya joñe'me Dios Lepaqal jo'ne dojapegue'to joga'me Dios lec'oqo'tepi! Jogaa'me jo'ne yovidedeta da'me noma't joga'me ja no'en, nach'egaua jo'ne je'n yali'j qomle jaga'me maná jo'ne ja di'yoq di'me ueta'ña, qama'le nach'e ena'am da'me janema ga'me qa' jo'ne pagaĝaic, da'me jo'ne joote qoyediñe ga'me lenaĝat jo'ne dalaĝaic 'me qaya'te ta'le yateton dite joga'me jo'ne yaconeguet.»

Apocalipsis 2:17 Referans Kwoze

Isaías 62:2

Qaq huaña nache na ỹotta'a't shiỹaxauapi ila'a qome da 'arca'alaxa, qataq 'enauac na nta'alpi ila'a qome da 'ayo'oxoyec. Huaña qome nache dalaxaic ca 'are'enaxat maye maichiñi Ñim Nataxala' 'am ỹanagui qome.

Isaías 65:15

Nam lleca'aguishecpi do'onataxana qome na qare'enaxache da yaqto' ỹasaxalec ca qauem ca lỹa, qataq da ỹasaxale da nleuaxa ca lỹa, qalaxaye nam ỹamaxashecpi ñaralaxat qome ca le'enaxat.

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Apocalipsis 14:3

Qaq som ciento cuarenta y cuatro mil shiỹaxauapi maye nachattaua'a aso so'onaxaqui qataq soua cuatro shiguiỹa'c maye nca'altraue'c qataq soua veinticuatro nqueroxonqa soomaye ỹo'ootac so dalaxaic no'onec maye saishet da huo'o ca na'a'q nache qaỹa'aqtega. Se'eso no'onec qaica ca ishet da ỹaỹaten na leraxat, nachaqsota som shiỹaxauapi maye qanca'alaxatec, chegoqtoigui na laỹepi shiỹaxauapi maye huetalec ana 'alhua.

Apocalipsis 3:22

Da huo'oi naua qartelai lauacolli', qaq no'on da qana'axaỹaxañiỹa da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.

Apocalipsis 3:6

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»

Colosenses 3:3

Cha'aye qami' mashe qarleuaxauai So Cristo, qaq nagui da qanachaalataxaqui hueto'ot Somaye da na'attaua'a Ñim Lo'onatac 'Enauacna.

1 Corintios 2:14

Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.

Mateo 13:11

Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Isaías 65:13

Qaq ỹoqo'oye Ñim Nataxala' nataqa'en, 'eeta' da la'aqtac: Nam ỹamaxashecpi huo'o qome na aloq, qalaxaye qami', qanque'etaxañiigui qome na qarqouaqai, nam ỹamaxashecpi saishet qome da iueetaique ca laquip, qalaxaye qami' qanque'etaxañiigui qome da qarhuenaxanaxai ca qaraquipi, nam ỹamaxashecpi machiguiñi qome, qami' qalaq qami' qane'eetapiguilo qome,

Proverbios 3:32

cha'aye Ñim Nataxala' ỹataqta ỹaỹemec na qauemaicpi, qalaxaye nauochaxaua ca no'on da lataxac.

Salmos 36:8

Qataq ỹataqta machiguiñi namayepi souaxat na chochaq huañi nallec ye 'arma', qataq 'anỹomaxaatapigui namayepi som tala maye ỹataqta ama na le'ec,

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Juan 4:32

Qalaxaye So Jesús 'enapeco': –Aỹem huo'o da anoq maye qami' sa qauaỹaañi.

Isaías 56:4

Cha'aye Ñim Nataxala', 'eeta': Nam qaicaua naua lola da huo'o naq 'enec naqa'en ye na'a'q mataxaqui, qataq da ipacchigui da ỹo'ot ca sheetapeguec, qataq saishet da ca'ai da ñaỹamaxataxac,

Proverbios 14:10

Añi nquiyaqte ỹauatton da maiche lalamaxat nqui'ic, qataq da lamaicỹaxac saishet da ỹaỹaten ca ỹaqa'a shiỹaxaua.

Éxodo 16:33

Nache so Moisés 'enapega so Aarón, 'eeta': «'Auauo'o qome aca 'auacona aca naco'oña 'alhua, ime, qaq 'auachangui ca dos kilos ana maná. Ime, qaq 'auachaña ye lanataqa' Ñim Nataxala', da yaqto' qaỹaỹamaxat da lmeena ca qaỹa'alquipi.»

Isaías 56:5

nache sanem qome da ỹactec da no'on qaq saq 'ena'am da huo'o ca ñalec qataq aca ñale, qataq namayepi sanem qome da nache 'eetai' da nanettañi na le'enaxatpi na pa'auo aca ỹalamaqte atamnaxaqui qataq nam ipaqtaxanaxatpi, nache sanem qome ca ne'enaxat maye chochaq tatec qataq saishet da qaỹapalaxat.

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

Marcos 7:16

[Qaq cam huo'oi naua ltela lauaco, qaq no'on da na'axaỹaxaachiguiñi.]