Apocalipsis 2:16 - La'aqtaqa Ñim Lo'onatac 'Enauacna 2013

¹⁶ Qaq ỹoqo'oye, no'on da 'avi'eguelaxa da 'aualaxaguet Ñim Lo'onatac 'Enauacna, cha'aye da saishet da nache qonetec de'era, nache 'am ñeqo'ona da 'am seroleguete da la'añaxa'c naua ỹa'aqtaqa da sauo'o ca 'anhuaxanaguec qataq nam nicolaitapi qataq nam quetague' namayepi.

Nuevo Testamento Toba Sur

¹⁶ Qaq ÿoqo'oyi 'ai'axaadeec qome naua 'an'onataxaco. Ten, qom saqaÿaloq da 'am ñoqo'ona, nachi selogui' namayipi, sedolec na ÿainec mayi netaigui na aÿap.

Nuevo Testamento Toba Sombrero Negro

¹⁶ Chane'eja a'niyelaqaeyot nayi ñe'me Dios yema da'me ami, qa'a qom ja naq'aeta da'me auauoyi, qama'le paja'a da'me ami jec'atalo qaedi jeloi'ye'to jogaa'me, qa'a 'uo na'me yedaĝanaĝat jo'ne chiyaqaue jena'me ñedegaĝat.

Apocalipsis 2:16 Referans Kwoze

2 Ts 2:8

Huaña qome, nache nachaxan que'eca ỹale qauemaic, nache So Qarataxala' Jesús ilaxachigui camaye, irolec na la'at qom ncosaueegue da iquetetot camaye qom nvi' da nactaigui da llo'oxoyec.

Apocalipsis 1:16

Qaq na lhuaq maye aloic nasoqta'alo soua siete huaqaañi. Qaq na alap chegaqaigui so ỹeelonec ỹataqta shetteguet qataq dos naua ala'api. Qaq na lashec qalaq ỹataqta 'eroigui, 'eeta'am na le'eraxa añi nala' da mashe laiñi ye na'a'q.

Apocalipsis 2:5

Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.

Efesios 6:17

Qataq da qarca'alaqai 'eeta'am qanqa'eñi aca qanaro'oi da yaqto' npaxaalec na qarqaiqui. Qataq qauacoñiỹa da la'aqtac Ñim Lo'onatac 'Enauacna da 'eeta'am qanqa'eñi ca ỹeelonec maye qami' ỹanema So Saqcha'a Na'añaxac Qui'itta.

Apocalipsis 19:21

Ime, nache som netalec so caaỹo lapagaxaic irolec so ỹeelonec maye chegaqaigui na alap da ỹalauat 'enauac so nalleppi so shiguiỹac leguemaxaic. Nache 'enauac nam maỹopi maye chec na lapat ỹataqta lta'araic so lquia'axac da chectac na lapat somayepi.

Apocalipsis 19:15

Qaq na alap Somaye chegaqaigui so ỹeelonec ỹataqta ỹaxaraic, naigui da la'aqtaxanaxac maye huo'o da la'añaxac; qaq nacheso se'eso ỹeelonec da chegoqchigui da nauec na ỹotta'a't shiỹaxauapi. Qataq da yaqto' ilo'ogue namayepi irolec da la'añaxac. Qaq Somaye nlom na lli'i ana uva da ỹo'ot na lataxa, qaq damaye naigui da lta'araic layeloxo Ñim Lo'onatac 'Enauacna maye qaica ca ỹaqalanapec.

Isaías 11:4

Nacherata da do'ogoxona da nalochiguiñi lataxac da nmit na choxoraqpi, qataq iueelec nam qaica ca la'amaqchec maye netalec ana 'alhua. Naua la'aqtaqa qalaq 'eeta'am ca pon 'epaq da iuaxan ca qauemaic, qataq ỹauota'a na la'at maye chegaqaigui na alap da ỹalauat ca qauemaic.

Apocalipsis 2:12

«Nataqa'en 'auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Pérgamo. Qoneta': ‹Aỹem maye sauota'a na ỹainec maye ỹataqta shetteguet qataq dos naua ala'api. Ñaq 'ana'axaỹaxana da 'am sa'axatem:

Isaías 49:2

Nache ỹo'ot da naua ỹa'aqtaqa 'eeta'ama ca ỹeelonec ỹaxaraic, qataq aỹem ỹapolec na lhuaq, nache sheeta'am naqa'en aca checna ỹaxarai qataq aỹem ỹoxotoigui so lchecna laỹe'.

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

Apocalipsis 16:9

Nache ỹataqta 'enauac da ỹavic na shiỹaxauapi, qalaxaye ñaqaiyeta saishet da ỹe'egueloqot Ñim Lo'onatac 'Enauacna qataq da yaqto' ỹo'oxoren. Nachaqrata da dalemataỹa Ñim Lo'onatac 'Enauacna maye huo'o da la'añaxac da ishet da ỹa'axaneguet se'eso qaica ca 'ena'am da lchec lhuaxanaxanaxac Ñimaye.

Apocalipsis 22:20

Qaq som ỹa'axattac de'era 'eeta': «Aja', Aỹem ỹoqta 'eesa da saqaỹaloq da ñanac.» ¡Aja', nache 'eetec! ¡Ña 'auanac, 'am Qarataxala' Jesús!