Apocalipsis 2:14 - La'aqtaqa Ñim Lo'onatac 'Enauacna 2013

¹⁴ Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

Nuevo Testamento Toba Sur

¹⁴ Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

Nuevo Testamento Toba Sombrero Negro

¹⁴ Qalaĝaja uo'oe daa'me jo'ne ja ami 'te ja'amaqateneque: queda'me uo'oe jogaa'me ami uetauelo jo'ne ja jetaque yaĝadiñi da'me lapaĝaguenataĝanaĝac jodi'me Balaam, naqaedi jo'ne yapaĝaguen joca'li ñe'me Balac qaedi yejomaĝana'ape jogaa'me Israel lec'oqo'tepi, da'me jetaque en yali'j ga'me niqui'yaĝat jo'ne lajaqaje'j 'me qoyanoto jogaa'me qop'iyapegalo jo'ne ja ejoda, qama'le nach'e ena'am da'me en tadoue da'me nequejeguetaĝa.

Apocalipsis 2:14 Referans Kwoze

2 Pedro 2:15

Namayepi ỹataqta isomtac, cha'aye maiche ỹaxaañi da ỹalaxaguet Ñim Lo'onatac 'Enauacna qataq quegue da lataxac so Balaam som llalec so Beor, som huotaique co'ollaxa da nauec ana anom da ỹachegoxotaigui da ỹo'ottac na qauem.

Números 31:16

Ye nachana anamayepi ana ỹalaxaguet co'ollaxa da la'aqtac so Balaam, nache ỹo'otec na Israel le'ecpi, da dataỹa'aguet Ñim Nataxala', co'ollaq huaña ye Baal Pegor. Ỹoqo'oye Ñim Nataxala' iuaxanec co'ollaxa so nleuaxa na Israel le'ecpi.

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.

Judas 1:11

Qaq ỹataqta ¡choxoraxaso' namayepi! Cha'aye da lataxac 'eeta'am so Caín, qataq souaxat da lyaxa da nauec aca anom, nache 'eeta'am da lataxac so Balaam. Ỹataqta ỹaguec da qauemaicpi, ỹoqo'oye da l-leuaxa 'eeta'am da l-leuaxa so Coré souaxat da npa'aguenaxac.

Hechos 15:29

Saishet qome da qolliqui na lapat cam mashe qoỹanot na ne'enaqtacpi maye qanatameetacotpi, qataq saishet da qolliqui na ntago'q, nache 'eeta'am na lapat na shiguiỹac maye choche ichegueuo na lqosot, qataq saishet da huo'o ca ncachetague' aca sa lhua. Qaq qom qaupaquiitelec da qauo'oche' ne'enaua, nache ỹo'ot da ỹataqta qauamaichiguiñi. Qauacoñiiguet qome da qarquinaxanaxac.»

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Josué 24:9

Huaña, nache so Balac, som llalec so Sipor, maye nta'a ye Moab, somaye anac co'ollaxa da qami' iloquiaxa'n, qataq somaye damaxasoxona so Balaam, maye llalec so Beor, da yaqto' qami' ỹasaxaleguete ca qauem la'aqtac.

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

Hechos 21:25

Qaq nam saishet da judiopi maye ỹa'amaqten So Jesús, qalaxaye mashe sauoqo'o co'ollaxa aso qorere da shenaqtega, da yaqto' saishet da taỹapegueua'a de'era qarataxac. Nachaqrata da namayepi saishet qome da chec na lapat nam mashe qoỹanot na ne'enaqtacpi maye qanatameetacotpi, qataq saishet da chec na ntago'q qataq na lapat ca choche ichegueuo na lqosot, qataq saishet qome da huo'o ca ncachetague' aca sa lhua.

Números 31:8

Qaq nataqa'en ỹalaua't soua cinco nta'al ye Madián, Evi, Requén, Sur, Jur qataq Reba, qataq nataqa'en ỹalauat so Balaam, som llalec so Beor.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

1 Corintios 7:2

Qaq damaye ỹaỹamaqchiguiñi. Qalaxaye da iuennataxac 'onaxaic da ca ỹale ỹauo'o aca lalamaqte lhua, qataq aca 'alo ỹauo'o ca ỹataqta lalamaxat lhua, yaqto' saishet da nqaañi da quisheguetaxac maye sa qaishetapec.

Mateo 18:7

Qalota na lataxaguesat ana 'alhua da ỹo'oteguet na shiỹaxauapi da saishet da ỹalaxaguet Ñim Lo'onatac 'Enauacna, qataq qaica ca lataxac da huo'otaq qaivita'aguet. Qalaxaye ¡ỹataqta qauem da taỹa'ague cam ỹo'otec ca lỹa da sa ỹalaxaguet Ñim Lo'onatac 'Enauacna!

Ezequiel 3:20

Qaq nataqa'en ishet da huo'otaq huo'o ca ỹale no'on da lataxac da ỹaxaañi da no'on lataxac nache ỹo'ot na qauem, qataq da sa'aqta'a da huañi, qaq 'am da huo'otaq sa 'aua'aqtaxanem camaye, nache camaye ileu. Qaq Aỹem saishet da shectega nam no'on maye ỹo'ot, nache camaye ileu souaxat na lasouaxashetpi, qalaxaye 'am 'aupa'aiguet da 'arasouaxashet da l-leuaxa camaye.

Números 24:14

Qaq nagui, aỹem she'eguelaxa ye ima', qalaxaye hua'auñi da 'am sa'aqtaxanem dam ỹo'otec qome na Israel le'ecpi nam 'arhuo' le'ecpi, que'ecaua natrauo na'axa'te.

Romanos 14:21

Qaq ỹoqo'oye 'onaxaic da saishet da qanallec na lapat qataq saishet da qanỹomgui na lataxa qataq saishet da qaỹo'ot ca camachaqca lỹa cam ishet da huañi naqa'en ca na'amqaanataxanaxaua.

Romanos 14:13

Qaq ỹoqo'oye saishet ca 'oonolec da qoñiita da quetapeguelec ca lỹa. Nachaqrata da saishet da qomi' qanmaxaleguete da huo'o cam 'oonolec nam ca'attague' So Cristo da huo'o ca lasouaxashet, nache deqat da lpi'iỹaxac Ñim Lo'onatac 'Enauacna.

Ezequiel 44:12

Cha'aye namayepi nachena nam huetague' co'ollaxa na Israel le'ecpi, da ỹaatacot da llo'oxonnataxanaxa na nqolacpi, qaq nachena nam ỹo'ot na lasouaxashetpi namayepi. Qaq ỹoqo'oye namayepi isheeten qome dam lasouaxashet. Qaq 'era da ỹa'aqtac Aỹem Nataxala'.

Jeremías 6:21

Qaq ỹoqo'oye Ñim Nataxala' 'enapec: «Aỹem so'otec qome ne'ena nhuo' le'ecpi da depoxolaxaañi qataq huañi. Na nta'alpi, na ñalaqpi, na nhuoreuapi qataq nam auochaxauapi 'enauac qome da ileu.»

Apocalipsis 2:4

Qalaxaye ñaqaiyeta huo'o da sa saỹamaxaren da qoneta, cha'aye mashe saishet da ỹoqta 'eesa da Aỹem 'auauotec, saq 'ena'am dam hua'auchiguiñi 'arauotaxanaqtaic Aỹem can ñaq cheta'ague da 'aua'amqaanataxan.

1 Corintios 1:23

Qalaxaye qomi' sa'axataqtac da na'aqtaguec So Cristo co'ollaq qaiuaxaneuo. Na judiopi da hua'axaỹa de'era na'aqtaxanaxac, nache ỹataqta inogoqchet. Qaq nam saq judiopi da hua'axaỹa, nache 'eeta'am naqa'en da choche 'oopashec.

Romanos 11:9

Nataqa'en setaxaỹaxanaqtac da la'aqtac so David maye 'eeta': «'Onaxaico' qome da naua laponaxaco namayepi qalaq ỹe'eguelaxa da 'eeta'am aca nqoinapi qataq ca naleguecpi, yaqto' Ñim Lo'onatac 'Enauacna qome sa ỹaỹamaxaren, nache ỹauo'o ca nhuaxanaguec.

Romanos 9:32

Qalaq ¿ta'ainco' ye saishet da qaỹaconeguet namayepi? Cha'aye huotaique da Ñim Lo'onatac 'Enauacna ỹaconeguet namayepi souaxat nam ỹo'otpi, qaq saishet da huo'o ca lpi'iỹaxac Ñimaye. Ỹoqo'oye namayepi 'ena'am naqa'en ca coma' So Cristo da qaipogolaxaateguesop.

Isaías 57:14

Qaq huaña nache qaỹa'axaỹa qome ca na'aqtac maye, 'eeta': «Qauaỹamaxachiiñi qome ca nqa'aic maye nalochiguiñi qanqacheeua'a na huetangui na nqa'aic maye nanaxattac na ỹalamaxat nhuo' le'ecpi.»