Apocalipsis 2:12 - La'aqtaqa Ñim Lo'onatac 'Enauacna 2013

¹² «Nataqa'en 'auamaxa qome aca 'ere ñi namaxashec maye ilotague' nam ỹa'amaqten So Jesús maye netaña ye nỹecpi ye Pérgamo. Qoneta': ‹Aỹem maye sauota'a na ỹainec maye ỹataqta shetteguet qataq dos naua ala'api. Ñaq 'ana'axaỹaxana da 'am sa'axatem:

Nuevo Testamento Toba Sur

¹² Nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Pérgamo. Qoneta': “'Eeta' da l'aqtac na huo'o na lainec mayi ÿataqta ÿaxadaic qataq dos naua ala'pi, 'eeta':

Nuevo Testamento Toba Sombrero Negro

¹² “Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Pérgamo: «Da'me ami jo'ne oñiya'ña di'me Pérgamo, ami janema nayi jenjo' 'yaqatac, mach'e jayem jo'ne jauana na'me yedaĝanaĝat jo'ne dos naa'me lia'a:

Apocalipsis 2:12 Referans Kwoze

Apocalipsis 2:16

Qaq ỹoqo'oye, no'on da 'avi'eguelaxa da 'aualaxaguet Ñim Lo'onatac 'Enauacna, cha'aye da saishet da nache qonetec de'era, nache 'am ñeqo'ona da 'am seroleguete da la'añaxa'c naua ỹa'aqtaqa da sauo'o ca 'anhuaxanaguec qataq nam nicolaitapi qataq nam quetague' namayepi.

Apocalipsis 1:16

Qaq na lhuaq maye aloic nasoqta'alo soua siete huaqaañi. Qaq na alap chegaqaigui so ỹeelonec ỹataqta shetteguet qataq dos naua ala'api. Qaq na lashec qalaq ỹataqta 'eroigui, 'eeta'am na le'eraxa añi nala' da mashe laiñi ye na'a'q.

Hebreos 4:12

Da huo'o ye la'aqtac Ñim Lo'onatac 'Enauacna da nasaxauec qalaq ỹataqta huo'o da la'añaxac qaltaq nca'altauec. Da la'aqtac Ñimaye ỹataqta napacalec na llaxa ca ỹeelonec maye dos naua ala'api, ỹoqo'oye ishet da iviraua'a ye ỹataqta pa'auo da nachaalataxac ca shiỹaxaua. Nataqa'en huaña da ishet da imete'n naua qarhuennataxaco qataq da qaryaxayec, nache ỹachaxa'n da huo'otaq 'onaxaiqa huo'otaq qauema.

Apocalipsis 19:21

Ime, nache som netalec so caaỹo lapagaxaic irolec so ỹeelonec maye chegaqaigui na alap da ỹalauat 'enauac so nalleppi so shiguiỹac leguemaxaic. Nache 'enauac nam maỹopi maye chec na lapat ỹataqta lta'araic so lquia'axac da chectac na lapat somayepi.

Apocalipsis 19:15

Qaq na alap Somaye chegaqaigui so ỹeelonec ỹataqta ỹaxaraic, naigui da la'aqtaxanaxac maye huo'o da la'añaxac; qaq nacheso se'eso ỹeelonec da chegoqchigui da nauec na ỹotta'a't shiỹaxauapi. Qataq da yaqto' ilo'ogue namayepi irolec da la'añaxac. Qaq Somaye nlom na lli'i ana uva da ỹo'ot na lataxa, qaq damaye naigui da lta'araic layeloxo Ñim Lo'onatac 'Enauacna maye qaica ca ỹaqalanapec.

Apocalipsis 1:11

Qaq se'eso nvilỹaxac aỹem 'enapega, 'eeta': «'Auauo'o aca 'ere da 'iyiñi nam 'aulota'api, ime, qaq 'auamaxalo naua siete 'aleu' maye hueta'alo nam ỹa'amaqten So Jesús maye huetaigui ye 'alhua Asia, yem nỹecpi ye Éfeso, Esmirna, Pérgamo, Tiatira, Sardis, Filadelfia, qataq ye Laodicea.»

Isaías 11:4

Nacherata da do'ogoxona da nalochiguiñi lataxac da nmit na choxoraqpi, qataq iueelec nam qaica ca la'amaqchec maye netalec ana 'alhua. Naua la'aqtaqa qalaq 'eeta'am ca pon 'epaq da iuaxan ca qauemaic, qataq ỹauota'a na la'at maye chegaqaigui na alap da ỹalauat ca qauemaic.

Apocalipsis 2:1

«'Auamaxa qome aca 'ere ñi namaxashec maye ilotague' na 'amqaanataxanaxaicpi maye netaña ye nỹecpi ye Éfeso. Qoneta': ‹Aỹem maye llasoqta'alo naua siete huaqaañi netaigui na ihuaq aỹoiguishec, qataq sootangui na laiñi naua siete ncoỹaraxanaxaqui' maye chegaqaigui na oro. Ñaq 'ana'axaỹaxana dam 'am sa'aqtaxanem:

Isaías 49:2

Nache ỹo'ot da naua ỹa'aqtaqa 'eeta'ama ca ỹeelonec ỹaxaraic, qataq aỹem ỹapolec na lhuaq, nache sheeta'am naqa'en aca checna ỹaxarai qataq aỹem ỹoxotoigui so lchecna laỹe'.

Jueces 3:16

Qaq so Aod ỹo'ot co'ollaxa so lainec maye dos naua llaqa'ate, maye ivi' medio metro nache ỹauo'o so lasot alaxa da na'achigui ipa'axana'ague da aloic, nache ỹapotelec naqa'en soua alogo.