Apocalipsis 19:7 - La'aqtaqa Ñim Lo'onatac 'Enauacna 2013

⁷ Qaq ỹoqo'oye ỹataqta samaqtapiguiñi qome, qataq qomi' nlaqchiguilo da qantonaxac, qataq sho'oxorenaq Ñimaye, cha'aye mashe ivita ye laloqo' da huaron Ñi Qagueta Llalec. Añi lhua mashe sogote da naỹamaxattai', maye nachena nam 'amqaanataxanaxaicpi;

Nuevo Testamento Toba Sur

⁷ Ÿataqta samaqchiguiñi, ñitonaqtapigui', qataq shi'oxodenaq ñimayi, cha'ayi mashi ivita yi laloqo' da huadon ñi qagueta llalec. Añi lhua mashi sogote da naÿamaxattai',

Nuevo Testamento Toba Sombrero Negro

⁷ Nayi qo'mi made'tapolqa, Da'me e'n qo'mi najaqachiguilo da'me qadamaic Nataq'aen da'me 'ñonaĝataĝaye joñe'me, Qa'a nayi male yovita da'me 'lonáĝac joñe'me 'Naĝanaĝate Lec'oĝot, Qa'a joote niyamaĝateta't jañe'me jo'ne jetaque qoyen loua.

Apocalipsis 19:7 Referans Kwoze

Apocalipsis 21:9

Ime, nache anac so 'oonolec soua siete namaxa'she piguem lashe' maye lasoqta'alo soua siete ỹomaxaqui' maye nlaqchiguilo soua pa'atre'c chaqaiqa napaxaco, nache aỹem 'enapega, 'eeta': «'Aỹala, 'anquigueuo yaqto' 'am sachaxana añim nauonaxaua maye huotaique da lhua Ñim Qagueta Llalec.»

Apocalipsis 21:2

Nataqa'en sela'a so dalaxaic nỹecpi ỹataqta qui'itta, som dalaxaic Jerusalén anacta chegoqo'ot na piguem maye hueta'a Ñim Lo'onatac 'Enauacna, se'eso nỹecpi sogote da 'enauac imeta, 'eeta'am da no'otaxac aca qa'añole da mashe huotaique da huaroneguet ca nauonaxaua.

2 Corintios 11:2

Cha'aye aỹem huo'o da 'eco' ica'alaxanaxac da qoñiita. Qalaxaye de'era ica'alaxanaxac, damaye chegoqtot Ñim Lo'onatac 'Enauacna. Cha'aye aỹem sauotaique da qami' saronaxanaxanegueta So Cristo, qataq sauotaique da qami' sachaxaneua'alo Somaye, da 'eeta'am ñaqa'en aca qa'añole maye saxanaxa da huaron, da huaroneguet ca 'oonolec ỹale.

Mateo 22:2

«De'era lo'onataxanaxac Ñim Lo'onatac 'Enauacna, 'eeta'am ca nta'a da ỹauo'o ca lquia'axac da ỹo'oxoren da laronaxac ca llalec.

Apocalipsis 19:9

Nache som namaxashec piguem le'ec aỹem 'enapega, 'eeta': «'Iyiñi qome de'era 'eeta': Ỹataqta machiguiñi 'enauac qome na qaicoyeguen da ỹalectaua'a ca nquia'axac da huaigui ca laronaxac Ñi Qagueta Llalec.» Nataqa'en aỹem 'enapega 'eeta': «'Era da la'aqtac Ñim Lo'onatac 'Enauacna, qaq Ñimaye saishet da datenataxan.»

Efesios 5:32

Qaq de'era ỹataqta 'eesa qataq ỹataqta lta'araic da naigui maye saqcha'a. Qaq aỹem nachera da seueetac da sa'axattac So Cristo qataq na 'amqaanataxanaxaicpi.

Juan 3:29

Da huo'otaq huo'o ca naronaxac, qaq cam ỹataqta huaroneguet aca auonaxaua, nacheca cam nauonaxaua. Qaq cam nauochaxaua que'eca auonaxaua, camaye ỹataqta machiguiñi da choche hua'aqtega da lvilỹaxac. Qaq nache 'eetec nataqa'en nagui aỹem ỹataqta aỹem nlaqchigui da ñetonaxac, cha'aye ca Lca'aguishec Ñim Lo'onatac 'Enauacna mashe hueta'a ne'ena.

Isaías 62:5

Cha'aye da 'eetec cam nsoqolec da huaroneguet aca nauonaxaua, qaq nache 'eetec qome Ñim Lo'onatac 'Enauacna da 'am ỹaconeua'a da ỹauo'o 'am lhua, qaltaq 'am no'oxoosheguem qome nache Ñimaye ỹataqta machiguiñi qom 'am hueta'aguet, 'eeta'am ca nhua da ỹataqta machiguiñi da hueta'aguet aca lhua.

Efesios 5:23

Cha'aye ca lhua nacheca ca lqaic acamaye, 'eeta'am So Cristo, da Somaye nacheso so lqaic na 'amqaanataxanaxaicpi, qataq nacheso som lca'alaxaqui. So Cristo nacheso so lqaic, qaq na 'amqaanataxanaxaicpi nachena na 'eeta'am da lo'ocỹaxac Somaye.

Isaías 66:10

«'Enauac qami' maye qarauotaxache ye Jerusalén, qantonaxauai qome yemaye, qami' maye huo'o da qaraquicoqoi co'ollaxa souaxat yemaye, qaq nagui qalaq qami' nlaqchiguilo qome da qaramaicỹaxaqui,

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Isaías 52:1

Ñaq 'anlouec 'am Sión, ñaq 'anlouec, ñaq 'auauo'o da 'ara'añaxac, 'am Jerusalén, huaqta'a't nỹecpi maye qui'itta, 'aỹa'aayiñi naua 'ogo maye ỹataqta 'onaxaiqa, cha'aye na shiỹaxauapi maye ỹaqa'a da la'amqaanataxanaxac qataq nshepaxan da lataxac, namayepi saishet qome da ỹe'eguelaxalec da 'am huenoxoneua'a.

Cantares 3:11

Qami' 'alpi maye qarma'ai na Sión, ¡ña qampa'aiuec qome qaualliguet na nta'a Salomón! ¡Ten mashe qoỹanaxanaxangui ana naro'o da nta'a, maye lo'onata aso late'e co'ollaq ivita so na'a'q da huaron, so na'a'q maye ỹataqta machiguiñi da lquiyaqteỹaxac.

Filipenses 3:3

Cha'aye nam ỹoqta na'añeguishecpi qataq ỹataqta 'eesa, qaq nache qomi' maye chegoqchigui So Saqcha'a La'añaxac Ñim Lo'onatac 'Enauacna maye sho'oxonnaqtac, qataq ỹo'ot da qana'amqaanaxac, cha'aye qomi' lalamaqa'ate So Cristo Jesús, qataq nache saishet da ñaquitaqtega ca choche la'añaxac ca shiỹaxaua.

Salmos 9:14

Yaqto' da huaña ñi lasom ye Jerusalén, nache sa'axattac qome da 'año'oxonnataguec, cha'aye samachiguiñi souaxat da aỹem 'anca'alaxatec.

1 Samuel 2:1

Qaq aso Ana ỹo'on da lo'onec maye, 'eeta': «'Am Nataxala', ỹataqta machiguiñi 'anqa'en da iquiyaqteỹaxac, cha'aye aỹem 'aỹa'anem da dalaxaic ỹa'añaxac. Qaq nagui aỹem ishet da sapogui na alap nam aỹem ipa'agueetacpi, cha'aye aỹem 'autauan. ¡Qaq aỹem ỹataqta samachiguiñi!

Proverbios 29:2

Da qaỹatatalec na no'on da lataxac, nache machiguiñi na shiỹaxauapi, qaq da qaỹatatalec na qauem da lataxac, nache na shiỹaxauapi huo'o da nque'eenaxac.

Salmos 107:42

Qaq da ỹauaachigui de'era na no'on da lataxac nache machiguiñi, qaq na qauemaicpi qalaq ỹapoguilo naua ala'api.

Salmos 48:11

Qaq ỹataqta ntootapigui' qome añi qasoxonaxa Sión, qataq parenaxaatac qome da ntonaxac na lma' ye huaqta'a't nỹecpi ye Judá, souaxat naua ỹaỹamaqchiyiñi maye 'auo'o't.

Deuteronómio 32:43

¡Qaq qami' ỹotta'a't shiỹaxauapi qauanaqui qome da qaualliquiiua'a da ntonaxac na nhuo' le'ecpi maye lalamaxat Ñim Nataxala'! ¡Ñimaye ipalaique lvi' da l-leuaxa na lamaxashecpi, nache Ñim Nataxala' qom mashe ỹauo'o lvi' souaxat na mpa'aguenaxauapi, nache ỹapalaxat qome na nasouaxashetpi yi'iye 'alhua qataq na lalamaxatpi nhuo' le'ecpi!

Isaías 66:14

Qaq qami' qom qauloỹa'a de'era, nache ntonapigui' qome da qarquiyaqteỹaxaqui, qataq dam qaro'ocỹaxaqui dasovi qome 'eeta'am aca huoue da dasovi. Ñim Nataxala' ỹachaxan qome da la'añaxac qom ỹalectaigui na lamaxashecpi, qataq ỹachaxan qome da lalemataic qom dataỹa'aguet nam ipa'agueetac Ñimaye.

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.