Apocalipsis 19:4 - La'aqtaqa Ñim Lo'onatac 'Enauacna 2013

⁴ Nache soua veinticuatro nqueroxonqa qataq soua cuatro shiguiỹa'c maye nca'altraue'c, soomaye nqapaxanegueta ana 'alhua. Nache 'eetra' da la'aqta'c: «¡Aja', nache 'eetec! ¡'Enauac qome da qaỹo'oxoren Ñim Lo'onatac 'Enauacna!» Ime, nache ỹo'oxoreeta'ape Ñimaye maye nso'ootangui aso nso'onaxaqui da nta'a.

Nuevo Testamento Toba Sur

⁴ Nachi so veinticuatro nquedoxonecpi qataq soua cuatro shiguiÿac, soomayi nqapaxangueta ana 'alhua. Nachi ÿi'oxode'n ñi Dios mayi nso'ootangui aso nso'onaxaqui da nta'a, 'eeta': –¡Aja', nachi 'eetec! ¡Shi'oxodenaq ñi Dios!

Nuevo Testamento Toba Sombrero Negro

⁴ Qama'le joga'me veinticuatro 'yaĝaicachidi nataq'aen jogaa'me cuatro yejidi jo'ne nec'aletedaye, naqapaĝateguet jena'me aleua, da'me 'nonaĝachigui joñe'me Dios jo'ne neta'ña di'me lejaliaqa', qama'le enapega't: “¡Jaja'a, nach'e naq'aeta! ¡yataqata am qa'nonaĝachigui nayi!”

Apocalipsis 19:4 Referans Kwoze

Apocalipsis 5:14

Qaq soua cuatro shiguiỹa'c maye nca'altraue'c 'eetra': «¡Aja', nache 'eetec!» Qaq soua veinticuatro nqueroxonqa ỹa'alyiñi naua l-llectel, nache ỹo'oxoreetrac som nso'ootangui aso nso'onaxaqui qataq So Qagueta Llalec.

Salmos 106:48

Ỹataqta 'am qaỹo'oxoren qome, 'Am Nataxala', maye 'Am Natamnaxala' na Israel le'ecpi, 'am maye nache 'eetai', qataq chochaq tatec qome da 'am qaỹo'oxoreetac, qaq 'enauac qome na ỹotta'a't nhuo' le'ecpi, 'eeta': «¡Aja', nache 'eetec!» ¡Qaỹo'oxoren qome Ñim Nataxala'!

Nehemías 8:6

Huaña nache so Esdras, ỹanot da llo'oxonnataxanaxac Ñim Lo'onatac 'Enauacna maye Qaica ca Ỹaqalanapec, qaq 'enauac somayepi ỹachaxaashegue'm naua lhuaxaye, ime nache 'enapec: «¡Aja', nache 'eetec, aja' nache, 'eetec!» Ime, nache 'enauac somayepi da ỹa'alyiñi naua l-llecte, nache iviraxata'aguet na latap na 'alhua, nache ỹo'oxoren Ñim Nataxala'.

Apocalipsis 19:1

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, chemqot na piguem, 'eeta': «¡'Enauac qome da qaỹo'oxoren Ñim Nataxala'! Ñim Qarta'a maye Lo'onatac 'Enauacna ỹataqta 'añaxaic, ỹoqo'oye qomi' nca'alaxatre'c. Qaq ỹoqo'oye nacheñi ñi lalamaxat da na'añaxac qataq da ño'oxoyec.

Apocalipsis 15:7

Nache so 'oonolec soua cuatro shiguiỹa'c maye nca'altraue'c ỹami' aso ỹomaxaqui nlaqchigui na lataxa ñi 'oonolec soua namaxa'she piguem lashe'. Qaq se'esoua siete ỹomaxaqui' maye huetagui na lataxa, naigui da layeloxo Ñim Lo'onatac 'Enauacna Ñim nache 'eetai' da nca'altauec.

Jeremías 28:6

«¡Aja', 'onaxaico' da Ñim Nataxala' ỹo'ot de'era! ¡'Onaxaico' da Ñim Nataxala' ipacchigui naqa'en dam 'aua'axattac, da qañe'eguelaxat qome 'enauac so nhuenecpi maye lalamaxat añi atamnaxaqui, qataq da qañe'eguelaxat 'enauac som qaỹaueegue co'ollaxa da Babilonia!

Salmos 89:52

Ỹataqta nache 'eetai' qome da 'am qaỹo'oxoreetac 'Am Nataxala'. ¡Aja', nache 'eetec, aja', nache 'eetec!

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

Salmos 41:13

¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, nagui qataq nache 'eetai' qome! ¡Aja', nache 'eetec!

Nehemías 5:13

Ime, nache aỹem sechego'q soua aỹogo, nache sheeta': Qaq 'era da 'eetec qome Ñim Lo'onatac 'Enauacna da ỹataqta ichegoq, qataq ỹasaxauec ca lma' qataq ca lalamaxatpi ca shiỹaxaua maye saishet da ipaguelec ca ỹan la'aqtac. Qataq Ñim Lo'onatac 'Enauacna nqateeguesop qome camaye ca lalamaxat 'alhua, lma'pi, qataq 'enauac ca logoxoshetpi. Nache 'enauac so lapoota'a't shiỹaxauapi, 'eeta': «Aja', nachera qome da 'eetec». Ime, nache ỹataqta qaỹo'oxoreetac Ñim Nataxala', qataq qaipactelec da qaỹo'ot da qoỹenapec.

1 Crónicas 16:36

¡Qaq ỹataqta qaỹo'oxoren Ñim Nataxala' maye Natamnaxala' na Israel le'ecpi, qataq chochaq tatec da ño'oxonnataguec Ñimaye! Nache 'enauac so nhuo' le'ecpi da, 'eeta': «¡Aja', nache 'eetec!» nache ỹo'oxoren Ñim Nataxala'.

1 Corintios 14:16

Cha'aye 'am da huo'otaq 'aatacot da 'ana'achec Ñim Lo'onatac 'Enauacna, qaq chaqrata da saqcha'a 'arca'alaxa da ntootapigui', qaq da na'axaỹaxaatac ca shiỹaxaua maye ỹaqa'a ca chegaqa'ague, nache saishet da nhuanaua'a ca 'anqouagaxaunaxac da 'aatacot da 'ana'achecỹaxac Ñim Lo'onatac 'Enauacna, cha'aye camaye saishet da ỹaỹate'n naua 'ara'aqtaqa.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Salmos 104:35

Qaq ña imeuo qome na 'etaxaloxoicpi maye netalec ana 'alhua, qataq qaica qome na qauemaicpi. Ayem, semato'ot da ñachaalataxac da sho'oxoren Ñim Nataxala'. ¡Aja', qaỹo'oxoren qome Ñim Nataxala'!

Apocalipsis 19:3

Ime, qaltaq ñe'eguelaxasheguem se'eso sa'aqtega maye ỹataqta alam nvilỹaxac, 'eeta': «¡'Enauac qome da qaỹo'oxoren Ñim Lo'onatac 'Enauacna! Cha'aye na lmala'q nam norec maye ỹavigaxat ayem ỹataqta lta'araic da lquisheguetaxac, chochaq tatec da nchetapiguisheguem.»

Apocalipsis 19:6

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, 'eeta'am da l-lamaxa na lta'araic la'auaxac qataq na lta'araic nalataxa, 'eeta': «¡'Enauac qome da qaỹo'oxoren Ñim Lo'onatac 'Enauacna, Ñim Nataxala' maye qaica ca ỹaqalanapec, cha'aye Ñimaye mashe do'onataxan!