Apocalipsis 19:3 - La'aqtaqa Ñim Lo'onatac 'Enauacna 2013

³ Ime, qaltaq ñe'eguelaxasheguem se'eso sa'aqtega maye ỹataqta alam nvilỹaxac, 'eeta': «¡'Enauac qome da qaỹo'oxoren Ñim Lo'onatac 'Enauacna! Cha'aye na lmala'q nam norec maye ỹavigaxat ayem ỹataqta lta'araic da lquisheguetaxac, chochaq tatec da nchetapiguisheguem.»

Nuevo Testamento Toba Sur

³ Ime, qataq ñi'iguelaxashiguem se'eso nvilÿaxac, 'eeta': –¡Shi'oxodenaq qome ñi Dios! Cha'ayi na lmala'q da navigaqtaguec yi'iyi la ciudad, damayi chochaq tateec da nchitapiguishiguem.

Nuevo Testamento Toba Sombrero Negro

³ Yem da'me dojo' qama'le joga'me jiyaĝadipi jo'ne yauata da'me ne'uaĝanaguec jadi'me yauo male yitaĝa 'nonaĝachidegue joñe'me Dios, enaac: “¡A'nonaĝachiyegui ñe'me Jaliaĝanec! Qa'a jana'me nemala' da'me yavigoue jadi'me yauo Nach'e eta't da'me dichitaue, ja yitaĝa ta'le 'nemaĝañe.”

Apocalipsis 19:3 Referans Kwoze

Isaías 34:10

Nache saishet qome da 'om ye na'a'q qataq ye pe, qataq nache 'eetai' qome da nchetapiguisheguem. Qataq chochaq tatrec naua vi'iye da qaỹalat qome, nache qaica qome ca ỹe'eguelaxa da ỹa'axasoxoolec yemaye.

Apocalipsis 18:18

Qaq co'ollaq ila'a na lmala'q se'eso lta'araic nỹecpi maye ỹavic, nache ỹa'alaq, 'eeta': «¡Saishet da huo'o ca lỹa lta'araic nỹecpi qataq 'añaxaic da 'eeta'am ye Babilonia!»

Apocalipsis 18:9

Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.

Apocalipsis 14:11

Qaq na lmala'q ca norec maye ỹo'ot da nque'eenaxac qalaq nache 'eetai' da ncheteguisheguem, cha'aye nam natameetacot som shiguiỹac leguemaxaic qataq so ne'enaqtac maye lqui'i somaye qataq na qaỹa'an da qaỹa'anaxana da le'enaxat somaye, saishet da vi'iiguet da nque'eenaxac ye na'a'q qataq ye pe.»

Apocalipsis 19:1

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, chemqot na piguem, 'eeta': «¡'Enauac qome da qaỹo'oxoren Ñim Nataxala'! Ñim Qarta'a maye Lo'onatac 'Enauacna ỹataqta 'añaxaic, ỹoqo'oye qomi' nca'alaxatre'c. Qaq ỹoqo'oye nacheñi ñi lalamaxat da na'añaxac qataq da ño'oxoyec.

Génesis 19:28

Nache ỹamata'ague da pa'aigue ye Sodoma qataq ye Gomorra, qataq 'enauac so ca'amegue, nache ila'a da 'enauac se'eso 'alhua nchetapiguisheguem na lmala'q, 'eeta'am aca nqatelaxanaxaqui.

Judas 1:7

Qataq nache 'eeta'am da huaigui co'ollaxa so shiỹaxauapi maye lma' ye Sodoma qataq Gomorra qataq som nỹecpi maye saqaỹapeque yeemaye. Som hueta'a yemaye ỹataqta ỹaguec da lle'etaxaloxo qataq ỹo'ottac na ỹotta'a't lataxac da quisheguetaxac maye sa qaishetapec. Qaq ỹoqo'oye Ñim Lo'onatac 'Enauacna ỹauo'o da nhuaxanaguec, icorelec so norec maye saishet da 'om da yaqto' ỹo'ot da nque'eenaxac somayepi. Qaq damaye nachera da 'enauac qomi' qaivitaqteetegalo.

Salmos 104:35

Qaq ña imeuo qome na 'etaxaloxoicpi maye netalec ana 'alhua, qataq qaica qome na qauemaicpi. Ayem, semato'ot da ñachaalataxac da sho'oxoren Ñim Nataxala'. ¡Aja', qaỹo'oxoren qome Ñim Nataxala'!

Apocalipsis 19:4

Nache soua veinticuatro nqueroxonqa qataq soua cuatro shiguiỹa'c maye nca'altraue'c, soomaye nqapaxanegueta ana 'alhua. Nache 'eetra' da la'aqta'c: «¡Aja', nache 'eetec! ¡'Enauac qome da qaỹo'oxoren Ñim Lo'onatac 'Enauacna!» Ime, nache ỹo'oxoreeta'ape Ñimaye maye nso'ootangui aso nso'onaxaqui da nta'a.