¡Qaq qami' ỹotta'a't shiỹaxauapi qauanaqui qome da qaualliquiiua'a da ntonaxac na nhuo' le'ecpi maye lalamaxat Ñim Nataxala'! ¡Ñimaye ipalaique lvi' da l-leuaxa na lamaxashecpi, nache Ñim Nataxala' qom mashe ỹauo'o lvi' souaxat na mpa'aguenaxauapi, nache ỹapalaxat qome na nasouaxashetpi yi'iye 'alhua qataq na lalamaxatpi nhuo' le'ecpi!
Apocalipsis 19:2 - La'aqtaqa Ñim Lo'onatac 'Enauacna 20132 Cha'aye Ñim Lo'onatac 'Enauacna saishet da depe'enaxan da huo'o ye nmit qataq ipagaqchiichigui da 'eesa lataxac. Ỹauo'o da nhuaxanaguec añi ỹataqta lta'araic da lquisheguetaxac maye ỹapaxaguenec 'enauac na huetalec ana 'alhua, da natamnot nam qanatameetacotpi maye saq 'en. Qataq qaỹo'ot da nhuaxanaguec, souaxat da ỹalauat nam lo'onataxanaxanecpi Ñimaye.» Gade chapit laNuevo Testamento Toba Sur2 Cha'ayi ñimayi ÿataqta n'oiteguelo naua lhuaxanaxanaxaco qataq 'eesoda. Cha'ayi ñimayi ÿauo'o da nhuaxanaguec aso quishiguetaxai mayi n'aqchit 'enauac na huetalec ana 'alhua da nquishishaxac, qataq ishiitenguet asomayi souaxat da nalaataguec nam lamaxashicpi ñimayi. Gade chapit laNuevo Testamento Toba Sombrero Negro2 'Uo da'me chiyaqayi da'me lec'atenaĝanaĝac joñe'me Jo'ne chimaqachiñe, nataq'aen da'me chiyaqayi da'me eja; Qa'a nach'eñe jo'ne ya'uo da'me ne'uaĝanaguec Jañe'me quejeguetaĝai lat'edai, Yajouaĝat da'me lequejeguetaĝa jo'ne 'naĝa't ena'uaque Joga'me jiyaĝadipi jo'ne neteda'ña jena'me aleua. Chane'eja 'yiyelaĝatec jañe'me yauo da'me leleuaqa' jodia'me mach'e lalemaĝaje'te.” Gade chapit la |
Apocalipsis 19:2
16 Referans Kwoze
Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»
¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»
Cha'aye 'enauac nam ỹotta'a't shiỹaxauapi ỹataqta quetegue da lataxac qataq ỹo'oxoreetac nam qanatameetacotpi maye saq 'en. Nataqa'en ỹo'ot damaye nam nta'alpi maye huetalec ana 'alhua. Qataq 'enauac nam nmenaxaicpi maye huetalec ana 'alhua ỹataqta ivira'a da sallaxanecpi, cha'aye nmene' co'ollaxa yemaye da yaqto' ỹo'ot na qalota lqopitaxanaqtaic maye qauem.»
Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.
Piblisite