Apocalipsis 19:19 - La'aqtaqa Ñim Lo'onatac 'Enauacna 2013

¹⁹ Ime, nache sela'a so shiguiỹac leguemaxaic qataq na nta'alpi ana 'alhua nnaictague' na nalleppi. Qaq somayepi lapona't, da yaqto' delogui' som netalec so caaỹo lapagaxaic qataq so nalleppi.

Nuevo Testamento Toba Sur

¹⁹ Nachi sela'a som 'ico' da'ail'oc qataq na nta'alpi mayi huetalec ana 'alhua qataq 'enauac na nallippi. Qaq namayipi lapona't, da yaqto' qailogui' som netalec so caaÿo qataq so nallippi.

Nuevo Testamento Toba Sombrero Negro

¹⁹ Yem qama'le jauana ñe'me jiyac polio' nataq'aen ñaa'me nejaliaĝanaqa jo'ne uetedalegue jena'me aleua choqogaa'me jo'ne mach'e necoicopi 'me nejoĝonaqapi, nach'egaua jo'ne dajo'ta't qaedi male deloi'te' joñe'me netalegue joñe'me pegaq pagaĝaic chayovida'alo gaa'me mach'e nejoĝonaqa joñe'me.

Apocalipsis 19:19 Referans Kwoze

Apocalipsis 16:16

Nache se'esoua saq cha'alo na'añaxaco maye qauemaiqa lapona't na nta'alpi, huaña naqa'en ye 'alhua maye na hebreo la'aqtaqa le'enaxat Armagedón.

Apocalipsis 16:14

Qaq soomaye nachesoua soua saq cha'alo na'añaxaco maye qauemaiqa, maye ỹo'ottac na na'anecpi maye ỹo'ot da na'aalaxa. Qaq soomaye huenoxoore'c, da yaqto' laỹona't 'enauac na nta'alpi maye huetalec ana 'alhua, da yaqto' delogui' Ñim Lo'onatac 'Enauacna maye qaica ca ỹaqalanapec. Qaq damaye ỹo'ot qom ivita que'eca na'a'q da Ñim Lo'onatac 'Enauacna nmit 'enauac na huetalec ana 'alhua.

Apocalipsis 18:9

Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.

Daniel 8:25

Qaq souaxat da sanqalat, nache da latenataxanaxac dauegaxaatai'. Qataq nlaxagui qome da ño'oxonnaxac, nache ique'elaxat qome da ỹalauat ca qalota shiỹaxauapi maye pe'etega camaye. Qataq dataỹa'aguet qome ca lta'a na nta'alpi, qalaxaye camaye qailaxachigui qome.

Apocalipsis 14:9

Ime, qataq ca'attalec so lỹa namaxashec piguem le'ec, nataqa'en ỹataqta na'axannec da la'aqtac, 'eeta': «Da huo'o ca ỹo'oxoreetac ñi shiguiỹac leguemaxaic qataq som lqui'i ñimaye qataq da huo'otaq ỹasheeta da qaỹauo'o ca na'anaxat na latap, huo'otaq na lhuaq,

Apocalipsis 11:7

Qalaxaye que'ecaua dos ỹa'aqtaxanaxanaqa qome da ima't dam ỹa'axattrac dam 'eesa ỹa'aqtaxanaxac, nache so shiguiỹac leguemaxaic maye chegaqaña som laponqa' nam leuaxaicpi, iloquiaxa'n caamaye. Ime, qaq loxonqa, nache ỹalaua't.

Apocalipsis 19:21

Ime, nache som netalec so caaỹo lapagaxaic irolec so ỹeelonec maye chegaqaigui na alap da ỹalauat 'enauac so nalleppi so shiguiỹac leguemaxaic. Nache 'enauac nam maỹopi maye chec na lapat ỹataqta lta'araic so lquia'axac da chectac na lapat somayepi.