Apocalipsis 19:16 - La'aqtaqa Ñim Lo'onatac 'Enauacna 2013

¹⁶ Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

Nuevo Testamento Toba Sur

¹⁶ Qataq somayi so lapo' qataq na ltele'ta nachi nanettalec so l'enaxat, 'eeta': Lta'a na nta'alpi qataq lataxala' na nataxala'pi.

Nuevo Testamento Toba Sombrero Negro

¹⁶ Jojo'me lapoto en uetalegue nataq'aen jena'me loteta jo'ne 'uo ga'me nediijec 'me ualegue 'me lenaĝat laqaya jo'ne eetac: “Lejaliaĝane'j ena'uaque gaa'me nejaliaĝanaqa nataq'aen yataqata yaguegue da'me lañoqotaĝanaĝac.”

Apocalipsis 19:16 Referans Kwoze

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»

1 Timoteo 6:15

qaq ca laloqo' de'era, nache maiche pa'aỹo'ot Ñim Lo'onatac 'Enauacna maye ỹo'oxoraic. Cha'aye Ñimaye nachaqñita 'oonolec da ilotague' 'enauacna; Ñimaye maye lta'a na nta'alpi, qataq lataxala' na nataxala'pi.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Salmos 72:11

Qataq 'enauac na nta'alpi ỹa'aroto naua l-llecte camaye, qataq 'enauac na ỹotta'a't shiỹaxauapi do'onataxanot qome.

Deuteronómio 10:17

Cha'aye Ñim Nataxala' maye Qanatamnaxala'ai, Ñimaye nataỹaña 'enauac na ỹotta'a't atamnaxala'pi, qataq Ñimaye Lataxala' na nataxala'pi. Ñim Lo'onatac 'Enauacna, Ñimaye 'amaqtaqaic, 'añaxaic qataq ncolanaxat, Ñimaye saishet da lca'atagui na shiỹaxauapi qataq saishet da ipactaique da qaisheeten da huo'o ca ỹo'ot.

Salmos 89:27

Qaq Aỹem, sanem qome da 'eeta'am da 'enec ca na'auaxanec ñalec, qataq da nataỹaña na nta'alpi maye netalec ana 'alhua.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Salmos 136:3

Qaỹa'añiỹot da qana'achecỹaxaqui Ñim Lataxala' na nataxala'pi, cha'aye da lauotaxanaqtaic chochaq tatec.