Apocalipsis 19:13 - La'aqtaqa Ñim Lo'onatac 'Enauacna 2013

¹³ Qaq Somaye soua ỹaatrañi alogo ỹataqta huaguilo na ntago'q, qaq da le'enaxat Somaye, 'eeta': «La'aqtac Ñim Lo'onatac 'Enauacna.»

Nuevo Testamento Toba Sur

¹³ Qaq somayi soua ÿaatrañi alogo ÿataqta huaguilo na ntago'q. Qaq da l'enaxat somayi, 'eeta': L'aqtac ñi Dios.

Nuevo Testamento Toba Sombrero Negro

¹³ Naa'me louo jo'ne yatedañe joote necouayelo jana'me netauo', qama'le da'me lenaĝat joñe'me eet'oi: “Jona'me 'Laqatac joñe'me Dios.”

Apocalipsis 19:13 Referans Kwoze

Juan 1:1

Co'ollaq saxanaxa da qaỹo'ot 'enauacna, qaq nale'ena da huo'o So Na'aqtac. Qaq se'eso Na'aqtac hueta'aguet Ñim Lo'onatac 'Enauacna, qaq So Na'aqtac nacheñi Ñim Lo'onatac 'Enauacna.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Salmos 58:10

Qaq ca no'on da lataxac qalaq machiguiñi qom ila'a da huo'o da lvi', qataq qom huaguilo naua lapia'ate, na ltago'q na qauemaicpi.

Apocalipsis 14:20

Qaq asa'aso uva can qanlom na lli'i, qalaq huaña qanqa'en som pa'aueegue da laỹe ye nỹecpi. Nache asa'aso laỹe' da qanlom anamaye, chegaqangui so ỹataqta lta'araic ntago'q, nache ivi' un metro y medio ye ivirasheguema, qaq ye lcachiguiñi se'eso ntago'q ivi' trescientos kilómetros.

1 Juan 1:1

Sauoqo'o ana qorere da qami' samaxasaxalo, da qami' sa'aqtaxanaxama som sauanaqchigui qataq sa'axasoqchigui, som Na'aqtac maye chegaqaigui da nca'alaxa som nale'ena co'ollaxa da huo'o, co'ollaq saxanaxa da ỹo'ot ana 'alhua Ñim Lo'onatac 'Enauacna. So'otaq damaye yaqto' ishet da nalochiguiñi da qantonaxac, qataq da yaqto' nache 'eetai' da qomi' qana'ayeetaua'alo, 'eeta'ama qomi' da qolaqto'ot da ña'araqtaua'a Ñim Lo'onatac 'Enauacna maye Nta'a qataq So Llalec Jesucristo. Se'eso Na'aqtac maye chegaqaigui da nca'alaxa nacheso So Jesucristo, qataq nacheso so ỹan da 'eesa nca'alaxa. Qaq de'era nca'alaxa damaye chochaq tatec. Somaye nache 'eetai' da hueta'aguet Ñim Lo'onatac 'Enauacna maye Lta'a, qalaxaye qomi' naỹalo. Qaq qomi' maye qomi' lapaxaguenataqa sa'axasoqchiguilo naua la'aqtaqa qataq ỹataqta ñeloqta'ai' qataq seviraqa'a da ishet da sepotaxaua'a.

Isaías 9:5

Qaq na pela'pi maye nalaataxaquipi na alleppi, qataq na nogoxot maye huagui na ntago'q, namayepi qaỹavigaxat qome nache nlachiguiñi souaxat ca norec.

1 Juan 5:7

Tres naua hueto'oto na piguem maye ỹa'axa't de'era: [Ñi Qarta'a qataq som le'enaxat Na'aqtac qataq so Saqcha'a Na'añaxac Qui'itta, qaq ne'enaua tres 'eeta'am da 'oonolec.