Apocalipsis 19:12 - La'aqtaqa Ñim Lo'onatac 'Enauacna 2013

¹² Qaq naua la'ai'te 'eeta'ama na le'eraxa na norec; qaq na lqaic netagui ana ỹataqta qalota naro'o na nta'a, qataq nanettalec so ne'enaxat maye chaqsota Somaye da ỹaỹaten.

Nuevo Testamento Toba Sur

¹² Qaq naua l'ai'te ÿataqta 'edoiguilo, 'eeta'ama na nodec l'edaxa. Qaq na lqaic netagui ana ÿataqta qalota nado'o na nta'a. Qaq som l'enaxat mayi nanettañi, chaqsota somayi ÿaÿaten.

Nuevo Testamento Toba Sombrero Negro

¹² Qama'le naa'me 'lae'te yataqata edañguilo, ena'am ta'le dole' lauaq, nataq'aen jena'me laqaic uo'oe jogaa'me qayoĝode' qop'al jo'ne netayelo, nataq'aen 'uo ga'me nediijec 'me uetalegue jo'ne mach'e lenaĝat jo'ne yataqata ja qoyayaten, nach'eñeta joñe'me mach'e yayaten joga'me.

Apocalipsis 19:12 Referans Kwoze

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Apocalipsis 1:14

Qaq na laue somaye qaica ca 'ena'am da lapagaxa, 'eeta'am da lapagaxa na qagueta laue, qataq ivira'a da 'eeta'am da lapagaxa ana aloñi. Qaq naua la'ai'te qalaq 'eeta'am na le'eraxa na norec.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Apocalipsis 3:12

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache Aỹem sami' ca ndaqa' maye ỹataqta ỹo'oxoraq añi lo'onaxanaxaqui Ñim Lo'onatac 'Enauacna, qataq saishet da ca'ai añimaye. Qaq camayepi serelec da le'enaxat Ñim Ita'a maye Lo'onatac 'Enauacna qataq ca le'enaxat ye nỹecpi maye neta'ague da piguem. Qaq yemaye nacheye yem dalaxaic Jerusalén maye anacta. Nataqa'en serelec camayepi ca dalaxaic ỹe'enaxat.

Hebreos 2:9

Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Salmos 8:5

Cha'aye co'ollaq 'auo'ot, qalaq huac da 'eeta'am 'anqa'en na namaxashecpi piguem le'ecpi, nache 'aỹa'anem da la'amaqchec qataq da llo'oxoyec,

Apocalipsis 12:3

Ime, qataq yo'oq so lỹa huo'ot na piguem, lta'araic qataq sa qaỹauanapega: Yo'oq so lta'araic shiguiỹac leguemaxaic togaxaraic da lo'oxoỹaxac, qaq somaye siete naua lqaigo, qataq diez soua lcouel. Qaq ñi 'oonolec soua lqaigo ỹaatañi ana naro'o na nta'a.

Zacarías 9:16

Que'eca na'a'q, Ñim Nataxala' maye natamnaxala' namayepi, nca'alaxatec qome nam lalamaxat nhuo' le'ecpi, 'eeta'am naqa'en aca nlo qaguetapi, huaña nache qashelectapiguiñi na lalamaxatpi da hueta'a ye maiche na'alhua, 'eeta'am aca no'on coma' maye llo'oxoraqte aca aro'o.

Jueces 13:18

Qalaxaye so nale piguem le'ec Ñim Nataxala', 'enapec: ¿Ta'ainco' ye 'auauotaique da 'auaỹaten cam ỹe'enaxat? Ye damaye ỹataqta ỹapogoñi qataq ỹo'oxoraic.

Éxodo 23:21

Qalaxaye saishet qome da qauỹochiiuec somaye, qataq qaualaqaiguet, cha'aye somaye ỹo'ot ca samaxalec, qataq saishet da ichoxonnai' ca qarasouaxashichi.

Génesis 32:29

Qaq huaña nache so Jacob inato' somaye, 'eeta': «Nagui nache aỹem 'aua'aqtaxanem 'eetec ca 'are'enaxat.» Nache se'eso shiỹaxaua 'enapeco': «¿Ta'ainco' da 'aunataxaateguec ca ỹe'enaxat?» Qaq nache huaña yemaye da se'eso shiỹaxaua, ỹasaxalec da lchoxonnataxanaxa so Jacob.

Apocalipsis 6:2

Qaq aỹem samata'a somaye, nache sela'a da nnoxonec so caaỹo lapagaxaic. Qaq so netalec somaye nasoqta'a aso lchecna qataq so lchecnec, nache somaye qoỹami' aso naro'o na nta'a. Cha'aye nauec so npa'aguenaxauapi, qataq cha'aye nache 'eetai' da dauegaxaatai'.

Isaías 62:3

Nache 'am qoneta'am qome aca ỹataqta 'onaxai naro'o ca nta'a, da qouetaigui na lhuaq Ñim Nataxala' maye 'Anatamnaxala'.

Apocalipsis 13:1

Ime, nache sauaachigui da nnoxoosheguem so shiguiỹac leguemaxaic chegaqangui aso auaxai, somaye diez soua lcouel qataq siete soua lqaigo. Qaq añi 'oonole lcoue ỹaatañi ana naro'o na nta'a, qaq ñi 'oonolec naua lqaigo, nanettalec na ne'enaxatpi maye ỹataqta npa'agueneto Ñim Lo'onatac 'Enauacna.

Mateo 21:5

«Qaua'aqtaxañim nam shiỹaxauapi maye hueta'a ye Jerusalén qoñiita': ¡Ñaq qauloỹeeguet, 'ena cha'aguet na qarta'ai! Namaye ỹataqta qaica ca la'amaqchec, anacta netalec na 'ashena, na 'ashena llalec.»

Cantares 3:11

Qami' 'alpi maye qarma'ai na Sión, ¡ña qampa'aiuec qome qaualliguet na nta'a Salomón! ¡Ten mashe qoỹanaxanaxangui ana naro'o da nta'a, maye lo'onata aso late'e co'ollaq ivita so na'a'q da huaron, so na'a'q maye ỹataqta machiguiñi da lquiyaqteỹaxac.

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Daniel 10:6

Qaq da lo'ocỹaxac somaye qalaq qashelecteguiñi, 'eeta'am na coma' topacio, qaq na lashec qalaq 'ettapogoigui 'eeta'am na nqashelgaxa, qaq naua la'ai'te qalaq 'eeta'am aca ncoỹaraxanaqte 'ettaigui, qaq naua lhuaxaye qataq naua lapia'ate qashelectrapiguiñi 'eeta'am na bronce, qaq da lavilỹaxac qalaq 'eeta'am ca qalota shiỹaxauapi.

Juan 17:11

Qaq Aỹem mashe yaqta'a da saishet da soota'a ana 'alhua, cha'aye Aỹem saỹa cam qoueta'a. Qalaxaye naamaye ñaq huetralec ana 'alhua. Qaq ỹoqo'oye 'am seỹaxanot da 'antela'alo, qataq 'anema da 'ara'añaxac dam Aỹem 'aỹa'anem co'ollaxa, da yaqto' naamaye nache 'eetai' da na'atta'a't, 'eeta'am da 'eetec 'Am qataq Aỹem.

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Efesios 1:21

da yaqto' nataỹaña naqa'en 'enauac nam 'añaxaicpi, damaxasoxonapecpi, nta'alpi, nataxala'pi maye hueto'ot na piguem, qataq 'enauac nam ishet da huo'o ca qaỹamata'ac le'enaxat, nagui nam souaqtaiguilo na'axa'te, huo'otaq cam ñaq natauo.