Apocalipsis 19:1 - La'aqtaqa Ñim Lo'onatac 'Enauacna 2013

¹ Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, chemqot na piguem, 'eeta': «¡'Enauac qome da qaỹo'oxoren Ñim Nataxala'! Ñim Qarta'a maye Lo'onatac 'Enauacna ỹataqta 'añaxaic, ỹoqo'oye qomi' nca'alaxatre'c. Qaq ỹoqo'oye nacheñi ñi lalamaxat da na'añaxac qataq da ño'oxoyec.

Nuevo Testamento Toba Sur

¹ Qaq can ime de'eda, nachi sa'axaÿa da lavilÿaxac so ÿataqta saq llalcolec shiÿaxauapi, chimqot na piguem, 'eeta': ¡Shi'oxodenaq ñi qadta'a Dios! Cha'ayi da nca'alaxa, ñi'oxoyic, qataq da n'añaxac lalamaxat ñimayi.

Nuevo Testamento Toba Sombrero Negro

¹ Mane'e ca'li yem da'me dojo', qama'le jomachiya da'me lajamaĝa ga'me jiyaĝadipi let'adaic jo'ne yejam da'me chimaqapije'ma di'me piyem, enaac: “¡A'nonaĝachiyegui ñe'me Jaliaĝanec! ¡Nach'eñe ñe'me Qanedios mach'e Qadec'alaĝaiqui! Yataqata 'uo da'me 'lonaĝa choqoda'me lañoqotaĝanaĝac let'adaic,

Apocalipsis 19:1 Referans Kwoze

Apocalipsis 11:15

Nache so pa'atec soua siete namaxa'she piguem lashe', ỹashiiyigui aso lasheere, nache na piguem chemqot so ỹataqta lamaxaraic nvilỹaxac, 'eeta': «Ñim Qarta'a maye Lo'onatac 'Enauacna qataq Ñi Lca'aguishec, mashe ilo'ogue 'enauac ana 'alhua. Qaq da lo'onataxanaxac, damaye chochaq tatec.»

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Apocalipsis 19:6

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, 'eeta'am da l-lamaxa na lta'araic la'auaxac qataq na lta'araic nalataxa, 'eeta': «¡'Enauac qome da qaỹo'oxoren Ñim Lo'onatac 'Enauacna, Ñim Nataxala' maye qaica ca ỹaqalanapec, cha'aye Ñimaye mashe do'onataxan!

Apocalipsis 12:10

Nache sa'axaỹa so na'aqtac ỹataqta alam, chemqot na piguem, 'eeta': «¡Ñim Qarta'a maye Lo'onatac 'Enauacna nca'alaxatec na lalamaxatpi; qataq ỹachaxan da la'añaxac, qataq nachaqñita da Nta'a! Ñi Lca'aguishec Ñimaye, mashe do'onataxan, ilo'ogue 'enauac na huetalec ana 'alhua. Cha'aye so pa'aguenataxanaxaic mashe qaỹamaqauec na piguem, cha'aye ima'ape naua na'axa'te qataq naua pesa'ache, da nachattaua'a Ñi Qarta'a maye Lo'onatac 'Enauacna da ỹa'axattauo na 'eetega lasouaxashetpi na qarqaỹañicpi.

Salmos 148:1

¡Qaỹo'oxoren qome Ñim Nataxala'! ¡Qavio'oxoyiñi qome Ñim Nataxala', qami' maye qoviito'ot na piguem! ¡Qavio'oxoyiñi qome da qoviita'a na qaỹoqotcheguemec!

Jonás 2:9

Qalaxaye aỹem, nache shecto'ot da 'am sho'oxoreetac, qataq 'am saatacot qome aca ỹachetaqtaxanaqte, qataq sepacchigui qome da so'ot na 'am sachaxanapeguempi. ¡Cha'aye nache 'amta 'Am Nataxala', da 'am chegoqo'ot da nca'alaxa!»

Salmos 150:1

¡Qaỹo'oxoren qome Ñim Nataxala'! Qavio'oxoyiñi Ñim Lo'onatac 'Enauacna, da qoviita'a ca npe'l maye lanataqa' Ñimaye, qavio'oxoyiñi Ñimaye 'enauac qami' maye qoviito'ot na piguem.

Salmos 146:1

¡Qaỹo'oxoren qome Ñim Nataxala'! Aỹem, imauec qome da ñachaalataxac da sho'oxoren Ñim Nataxala'.

Salmos 115:18

Qomi' qalaxaye sho'oxorenaqtac Ñim Nataxala', nagui qataq chochaq tatec qome. ¡Qaỹo'oxoren qome Ñim Nataxala'!

Salmos 106:1

¡Qavio'oxoyiñi qome Ñim Nataxala'! Qavio'oxoyiñi qome Ñim Nataxala', cha'aye Ñimaye ỹataqta soxoraic, qataq chochaq tatec da lauotaxanaqtaic.

Salmos 3:8

'Am Nataxala', nache 'am maye 'auca'alaqtaxan, ñaq 'anamaxa qome ca 'archoxonnataxanaxa na 'aralamaxat nhuo' le'ecpi.

Salmos 149:1

¡Qaỹo'oxoren qome Ñim Nataxala'! Qauo'onaxañeeto'ot qome Ñim Nataxala' qauo'oñi qome ca dalaxaic no'onec, qavio'oxoyiñi qome da qaualequiitaigui na ỹa'amaqteetac Ñimaye.

Salmos 111:1

¡Qaỹo'oxoren qome Ñim Nataxala'! Aỹem semato'ot da iquiyaqteỹaxac da sho'oxoren Ñim Nataxala', da salectaigui ca laponaxac na shiỹaxauapi maye no'on da lataxac.

Salmos 62:11

Huo'o so na'a'q detaqa Ñim Lo'onatac 'Enauacna, qataq dos da sa'aqchigui da 'eeta': «Ñim Lo'onatac 'Enauacna lalamaxat da na'añaxac,

Salmos 104:35

Qaq ña imeuo qome na 'etaxaloxoicpi maye netalec ana 'alhua, qataq qaica qome na qauemaicpi. Ayem, semato'ot da ñachaalataxac da sho'oxoren Ñim Nataxala'. ¡Aja', qaỹo'oxoren qome Ñim Nataxala'!

Jeremías 51:48

Qaq huaña nache na piguem qataq ana 'alhua qataq 'enauac nam huo'o, ntonapigui' qom huañi ye Babilonia, qom chegaqa'ague da sheu' cam ilaxachigui yemaye. Qaq 'era da ỹa'aqtac Aỹem Nataxala'.