Apocalipsis 18:9 - La'aqtaqa Ñim Lo'onatac 'Enauacna 2013

⁹ Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.

Nuevo Testamento Toba Sur

⁹ Qaq nam nta'alpi mayi 'ico' nquishistapegue' yimayi, qataq nhuanau'a nam qalota lqopitaxanaqtaiguesat, namayipi qome ÿataqta noÿiitac, qataq n'alaqtapiguiñi qom ÿauaachigui na lmala'q da navigaqtaguec yimayi.

Nuevo Testamento Toba Sombrero Negro

⁹ Qama'le jogaa'me nejaliaĝanaqa jo'ne e'n lequejeguetaĝaua ca'li jañe'me Babilonia nataq'aen da'me ja yayate'n ga'me yauote ca'li queda'me tadoue da'me ja no'en, qom yauata jaga'me nemala' da'me male qoyigoue jañe'me, qama'le yataqata noye'tape choqoda'me 'yalaqatedapeguem da'me layaliaĝa jañe'me.

Apocalipsis 18:9 Referans Kwoze

Apocalipsis 19:3

Ime, qaltaq ñe'eguelaxasheguem se'eso sa'aqtega maye ỹataqta alam nvilỹaxac, 'eeta': «¡'Enauac qome da qaỹo'oxoren Ñim Lo'onatac 'Enauacna! Cha'aye na lmala'q nam norec maye ỹavigaxat ayem ỹataqta lta'araic da lquisheguetaxac, chochaq tatec da nchetapiguisheguem.»

Apocalipsis 18:3

Cha'aye 'enauac nam ỹotta'a't shiỹaxauapi ỹataqta quetegue da lataxac qataq ỹo'oxoreetac nam qanatameetacotpi maye saq 'en. Nataqa'en ỹo'ot damaye nam nta'alpi maye huetalec ana 'alhua. Qataq 'enauac nam nmenaxaicpi maye huetalec ana 'alhua ỹataqta ivira'a da sallaxanecpi, cha'aye nmene' co'ollaxa yemaye da yaqto' ỹo'ot na qalota lqopitaxanaqtaic maye qauem.»

Apocalipsis 18:18

Qaq co'ollaq ila'a na lmala'q se'eso lta'araic nỹecpi maye ỹavic, nache ỹa'alaq, 'eeta': «¡Saishet da huo'o ca lỹa lta'araic nỹecpi qataq 'añaxaic da 'eeta'am ye Babilonia!»

Apocalipsis 17:2

Qaq na nta'alpi maye ilotague' nam huetalec ana 'alhua, nquishestague' añimaye qataq huaxaiguet da yaqto' ỹo'oxoren nam qanatameetacotpi maye saq 'en, qaq nache 'eetec nataqa'en na laỹepi shiỹaxauapi maye huetalec ana 'alhua.»

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Apocalipsis 14:11

Qaq na lmala'q ca norec maye ỹo'ot da nque'eenaxac qalaq nache 'eetai' da ncheteguisheguem, cha'aye nam natameetacot som shiguiỹac leguemaxaic qataq so ne'enaqtac maye lqui'i somaye qataq na qaỹa'an da qaỹa'anaxana da le'enaxat somaye, saishet da vi'iiguet da nque'eenaxac ye na'a'q qataq ye pe.»

Apocalipsis 18:7

Ayemaye co'ollaxa ỹataqta ỹaguec da ño'oxonnaxac, qataq nqopita da huetaigui da lta'araic lyac da no'otaxac; ¡qaq ỹoqo'oye nagui qauauo'oi qome da nqui'ic!, ¡qaue'enaxachiichigui da 'eetec da ño'oxonnaxac co'ollaxa! Cha'aye da lhuennataxac naxa 'eeta': ‹Aỹem ñeso'ootaña ne'ena, ñeso'ootangui ana ñeso'onaxaqui da aỹem nate'e. Saishet da aỹem pa'ai, qataq saishet da ñauane' da huo'o ca ñeque'eenaxac.›

Jeremías 50:46

Qaq qom nlaguiñi ye Babilonia, nache ỹataqta lta'araic ca l-lamaxa, nache ỹacholaxan qome ana 'alhua, qaq da la'alaxac qalaq ivira'a qome na laỹepi ỹotta'a't shiỹaxauapi.»

Génesis 19:28

Nache ỹamata'ague da pa'aigue ye Sodoma qataq ye Gomorra, qataq 'enauac so ca'amegue, nache ila'a da 'enauac se'eso 'alhua nchetapiguisheguem na lmala'q, 'eeta'am aca nqatelaxanaxaqui.

Jeremías 50:40

Qaq 'eeta'am qome so Sodoma qataq so Gomorra, qataq so lauoreuapi huaqta'a't nỹecpi maye ỹotta'a't naua nañalo co'ollaq qailaxachigui. Nache qaica qome ca ỹe'eguelaxa da nalec yemaye, huo'otaq da choche lanataqa'. Qaq 'era da ỹa'aqtac Aỹem Nataxala'.

Isaías 13:19

Qaq ye Babilonia maye llo'oxonnatac na ỹotta'a't shiỹaxauapi qataq ỹo'ot da llo'oxoyec qataq da ño'oxonnaxac na caldea le'ecpi, yemaye 'eeta'am qome ñaqa'en ye Sodoma qataq ye Gomorra co'ollaq selaxachigui.

Deuteronómio 29:23

Nache ỹauaachigui qome que'eca 'alhua da nda'a't da nlaqtelec na quiquiaxaraic, qataq na toue, qataq ỹataqta ỹavicta, nache saishet da qoỹanaxaalec, cha'aye qaica ca ñaxaalec camaye. Qaq nache 'eeta'am qome som huaqta'a't nỹecpi ye Sodoma, Gomorra, Admá qataq ye Seboim maye ilaxachigui co'ollaxa Ñim Nataxala', irolec da ỹataqta lta'araic layeloxo.

Daniel 4:14

nache somaye na'axannec da detaqa, 'eeta': Qaua'axasoxoñiiñi ara'ara qo'oipaq qauchiquiiuec qome ana lcouepi qataq qanqache ana lauepi, qataq qalagaxache ana alapi. Qataq datauec qanqa'aiñi na shiguiỹacpi maye hueto'ot na lpaqal, qataq na maỹopi maye netaigui ana lcouepi aramaye.

Isaías 30:33

Qaq cha'aye mashe qaỹoqteguelo soua vi'iye da qaiqataxaatai' da taỹa'a qanqa'en ye Asiria qataq ñim nta'a yemaye, yem ỹataqta qaỹoqchiguingui qataq qalochiguiñi nma' maye huetangui ye 'ettangui norec maye qalota na lalonaxat qo'oipaqpi. Ñim Nataxala' qom iquetetec la la'at nache 'eeta'am ca la'auaxac na quiquiaxaraic da 'eroigui nache ỹavigaxat yemaye.

Salmos 58:10

Qaq ca no'on da lataxac qalaq machiguiñi qom ila'a da huo'o da lvi', qataq qom huaguilo naua lapia'ate, na ltago'q na qauemaicpi.

Jeremías 51:8

Qalaxaye ye Babilonia nque'elaxatta da huañi, nache ỹataqta dolachigui. ¡Qanỹeñiilec qome yemaye! ¡Qandoiua'a qome ca lata' da lque'emaxa, shapegueto' ishet da nataren.

Ezequiel 27:35

Qaq 'enauac na ỹotta'a't shiỹaxauapi maye neto'ot na loigue aso auaxai huo'o da lcolanaxa souaxat 'am, na lta'alpi namayepi qalaq ñi'i, na lashec qalaq yo'oqta da lli'iỹaxa.

1 Timoteo 5:11

Qalaxaye saishet da 'ereua'a aca lmalate na ne'enaxat aca pa'ai da saxanaxa da ivi' naua sesenta vi'iye da llaxa. Cha'aye saiuena'a da queueegue da lqopitaxanaqtaic, nache ỹaxaañi da quegue So Cristo, cha'aye nshetaique da qaltaq huaron.

Apocalipsis 2:22

Qaq ỹoqo'oye Aỹem so'otec qome aña'añi 'alo da ỹataqta sa no'on, qataq ileu ñaqa'en nam ỹalaxaguet añimaye naua lapaxaguenataxanaxaco, qataq quetague' da ỹa'amaqteetac na ne'enaqtac nqui'ipi maye saq 'en. Qalaxaye da ntouen qataq ỹe'eguelaxa da ỹalaxaguet Ñim Lo'onatac 'Enauacna, nache saishet da huo'o ca so'otec qauem. Qaq huaña qome nache na 'amqaanataxanaxaicpi ỹaỹaten da Aỹem saỹate'n naua lhuennataxaco qataq lqopitaxanaqtaico na shiỹaxauapi. Qataq ñi 'oonolec namayepi sauo'o ca nhuaxanaguec maye chegaqaigui da qauem ỹo'ottac.