Apocalipsis 18:6 - La'aqtaqa Ñim Lo'onatac 'Enauacna 2013

⁶ Qauo'ochec ayemaye 'enauac nam qauem maye ỹo'otec co'ollaxa nataqa'en na laỹepi shiỹaxauapi; ỹataqta ỹactec qanqa'eñi cam lsheetenaxanaxat ayemaye, da isheeten 'enauac na qauem maye ỹo'ot. Qauo'ochec ayemaye da dos da ỹe'eguelaxalec da talec dam lta'araic nqui'ic maye talec co'ollaxa na laỹepi shiỹaxauapi souaxat ayemaye.

Nuevo Testamento Toba Sur

⁶ Qaq qaushiichiñiÿa'aguet qome yimayi, ÿataqta qau'enaxachiiteguet da 'eetec naq'en nam laÿipi. Qalaxayi ÿataqta ÿacteec qanqashiñi cam qai'añiim yimayi, 'eeta'am da 'eetec da ÿataqta qauallicñiÿa't na ÿotta'a't qui'aq lataxa, da yaqto' qai'añiim.

Nuevo Testamento Toba Sombrero Negro

⁶ Auejeteneque joga'me nach'ega ca'li ami yanema; aueñi dos 'viyelaĝalegue da'me auauoyi lachoĝodec qa'a yajouaĝat da'me nichiyoĝojoĝoc. Nataq'aen aueñi dos 'viyelaĝalegue ga'me laiquip jo'ne jetaque yanema ca'li jogaa'me laqaya'.

Apocalipsis 18:6 Referans Kwoze

Jeremías 50:29

¡Ñaq qauỹaxañiỹa 'enauac na checna lo'opi, da yaqto' iloquiaxan ye Babilonia! ¡Qanauañi' naua loiguiye ye huaqta'a't nỹecpi, yaqto' qaica ca ishet da datauec! ¡Qausheechiñiiguet dam ỹo'ot co'ollaxa yemaye! ¡Qauo'ochec yemaye da ipacchigui qanqa'eñi dam ỹo'ot co'ollaxa! Cha'aye yemaye ỹataqta Aỹem sairen co'ollaxa, Aỹem Nataxala' maye Qui'itta Natamnaxala' na Israel le'ecpi.

Salmos 137:8

¡Qaq 'am Babilonia, maye taỹa'a da 'am qanlaxaañi! ¡Ỹataqta machiguiñi qome ca ỹo'ot ca 'ansheetenaguec, souaxat 'enauac de'era qomi' 'auo'oteque!

Jeremías 50:15

¡Qauconñiisop yemaye nache qaua'alqaitalec da alaataxac, qoñeeta'! ¡Ye Babilonia mashe nañan! ¡Mashe hua'axañi ana lalloxolatepi qataq qalagoxouec na lpaqtaxanaxatpi! ¡Qaq 'era da so'otec da she'eguelaxateguet yemayepi! ¡Ñaq qavi'eguelaxacheeguet qome, nache qaue'enaxachiichigui dam ỹo'ot co'ollaxa namayepi!

Apocalipsis 16:19

Nache se'eso qalagoxoñi 'alhua, somaye tres soua lpoxoỹaqa'ate naqa'en ye lta'araic nỹecpi ye Babilonia, qataq na hueta'a na lta'araic nỹecpi 'enauac ana 'alhua qalaq qalagoxoñi. Ñim Lo'onatac 'Enauacna saishet da icoua'ai ye nỹecpi ye Babilonia, nachaqrata da ỹauo'o so nhuaxanaguec ỹataqta qaica ca 'ena'am da lchec qataq imatalec da layeloxo.

Apocalipsis 14:10

nache Ñim Lo'onatac 'Enauacna ỹataqta dalemataỹa camaye qataq ỹataqta lta'araic ca nque'eenaxac naqa'en. Qaq que'eca nhuaxanaguec saishet da isotta, nachaqrata da nque'etaxangui na norec le'eraxa qataq nam quiquiaxaraic maye ỹavictaigui. Qaq nam qui'itta namaxashecpi piguem le'ecpi qataq Ñi Qagueta Llalec ỹauaachigui da nque'eenaxac camaye.

Jeremías 51:24

Qalaxaye qami', qauauañiichigui qome da sesheeteneguet ye Babilonia, qataq 'enauac ye caldeopi, souaxat dam qauem maye ỹo'otec co'ollaxa ye Sión. Qaq 'era da ỹa'aqtac Aỹem Nataxala'.

Apocalipsis 17:4

Qaq asa'aso 'alo da lo'oxoỹaxac naua alogo, qalaq naueralec da ltogaxa qataq togaxaraic. Qataq na no'otaxatpi ndotec na chegaqaigui na oro qataq na no'on coma' qataq ana perla. Qaq asomaye na lhuaq aloiguishec nasoqta'a aso ỹomaxaqui maye chegaqaigui na oro nlaqchigui na lataxa. Qaq se'eso lataxa naigui na qalota ỹo'ottac qauem qataq da ỹo'oxoreetac nam qanatameetacotpi maye saq 'en.

Zacarías 9:12

¡Qami' ncoñeteguishecpi maye ñaqauo'o da qanaquitaxaqui, qavi'eguelaqaỹa qome ye maiche qarpaqtaxanaxache! Cha'aye nagui qami' sa'axatema da qami' sanema qome ca qana'achecỹaxaqui, napacalec ñaqa'en som qoviỹaigui co'ollaxa qanque'eenaxaqui.

Jeremías 17:18

'Auauo'o qome la'aloxo nam aỹem icaatacpi, qalaxaye saishet da aỹem da 'auauo'o da ỹa'aloxo. Namayepi 'auauo'o qome da lli'iỹaxa qalaxaye saishet da aỹem da 'auo'ot ca ỹi'iỹaxa. Ñaq 'auanacot qome ca naquicoxo da talec 'anqa'en namayepi, nache ỹataqta imauec qome da 'anlaxaañi namayepi.

Jeremías 16:18

Qaq hua'auñi qome da dos ñaqa'en da ỹe'eguelaxalec da isheeten na qauem maye ỹo'otpi, cha'aye nshepaxanaqchet na ña'alhua, souaxat nam nqaigaxat leuaxaicpi natamnaxala'pi, qataq 'enauac nam 'alhua maye sanem co'ollaxa da lalamaxat, huaña naqa'en da ỹo'ot nam ỹataqta seqaiga.»

2 Timoteo 4:14

So lcat lo'o, le'enaxat Alejandro, ỹataqta qalota na aỹem ỹo'otec qauem. Qalaxaye So Qarataxala' isheeteneguet qome 'enauac nam aỹem ỹo'otecpi.

Jeremías 51:49

Aja', ye Babilonia huañi qome souaxat so ỹalauat Israel le'ecpi, qataq souaxat so lalaatacpi 'enauac ana 'alhua.»

Apocalipsis 17:2

Qaq na nta'alpi maye ilotague' nam huetalec ana 'alhua, nquishestague' añimaye qataq huaxaiguet da yaqto' ỹo'oxoren nam qanatameetacotpi maye saq 'en, qaq nache 'eetec nataqa'en na laỹepi shiỹaxauapi maye huetalec ana 'alhua.»

Apocalipsis 13:10

«Cam taalec da taua'a qanqa'en añi ncoñetaxanaxaqui, qalaq nachañi qaỹauegueua'a; qaq cam taalec da qaira'a ca ỹeelonec da qaỹalauat, qaq camaye qaỹauota'a ỹeelonec da qaỹalauat.» Qaq de'era naigui da na lalamaxatpi Ñim Lo'onatac 'Enauacna, iuen da ỹaỹaten da na'añaxateguet da nque'eenaxac, qataq queto'ot da lpi'iỹaxac Ñimaye.

Isaías 40:2

da qaua'aqtaxañim na hueta'a ye Jerusalén qalaq huesotte' naua qara'aqtaqalle', qataq qaua'aqtaxañim da mashe ime da nlataguec, qataq mashe ime da isheeten nam lasouaxashetpi, qataq 'eeso'oya' da mashe ỹapacauec da nhuaxanaguec maye chegoqchigui da lhuaqỹaxac Ñim Nataxala' souaxat nam lasouaxashetpi.»

Isaías 61:7

Qaq cha'aye nam ỹalamaxat nhuo' le'ecpi huo'o co'ollaxa da nque'eenaxac qataq hualec lỹa da ne'enaguec qataq nsheunaguec, ỹoqo'oye qom hueta'a na na'alhua, nache hualec lỹa nam ỹaconeguet qome nsallaxa qataq ntootapeguec dam chochaq tatec lamaicỹaxac.

Salmos 28:4

'Aỹa'anem qome namayepi ca 'itchiguiñi nhuaxanaguec, ipacchigui 'anqa'en na qauem maye ỹo'ottac, qataq 'aỹa'aneguet 'enauac na qauemsat maye ỹo'ottacpi.

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Lamentaciones 3:64

'Am Nataxala', talec 'anqa'en namayepi cam nsheetenaguec na ỹo'ottac.