Apocalipsis 18:5 - La'aqtaqa Ñim Lo'onatac 'Enauacna 2013

⁵ Cha'aye ỹataqta qalota da lle'etaxaloxo, iviro'ot na piguem. ¡Qaq Ñim Lo'onatac 'Enauacna saishet da huo'o ca icoua'ai na lasouaxashetpi namayepi!

Nuevo Testamento Toba Sur

⁵ Cha'ayi na lli'itaxaloxopi yimayi ÿataqta loguishiguem, ivido'ot na piguem. Qaq ñi Dios mashi tachigui lauel nam qauemsat mayi i'ot yimayi.

Nuevo Testamento Toba Sombrero Negro

⁵ qa'a naa'me mach'e loeco ma'ejama'le da'me natedajeguem chayovida'a da'me yedaje'ma di'me piyem, qama'le ñe'me Dios male tachigui lauel jogaa'me mach'e loeco jogaa'me.

Apocalipsis 18:5 Referans Kwoze

Esdras 9:6

nache sheeta': «'Am maye 'Am Ñatamnaxala', aỹem sasaỹaten ca sheetec, qataq ỹataqta huo'o da ña'aloxonaxac da 'am seỹaxanot. Souaxat na qauemsat ỹataqta ỹaguisheguem, choche ivitta'a da qomi' ỹapoleguete, qataq ỹataqta iviro'ot na piguem.

Apocalipsis 16:19

Nache se'eso qalagoxoñi 'alhua, somaye tres soua lpoxoỹaqa'ate naqa'en ye lta'araic nỹecpi ye Babilonia, qataq na hueta'a na lta'araic nỹecpi 'enauac ana 'alhua qalaq qalagoxoñi. Ñim Lo'onatac 'Enauacna saishet da icoua'ai ye nỹecpi ye Babilonia, nachaqrata da ỹauo'o so nhuaxanaguec ỹataqta qaica ca 'ena'am da lchec qataq imatalec da layeloxo.

Jeremías 51:9

Mashe sauoqo'o so lata' ye Babilonia, qalaxaye saishet da no'oita. ¡Ña qauaqaita'a yemaye! Qolaq qolqa'ai ne'ena, ñi 'oonolec ỹe'eguelaxa qome ca maiche lma' cha'aye da nhuaxanaguec ỹataqta iviro'ot na piguem. Da nhuaxanaguec qalaq napacalec na lo'oc na piguem.

Jonás 1:2

«'Aue, 'anqo'ona qome ye 'amaqtaqaic huaqta'a't nỹecpi ye Nínive, nache 'aua'aqtaxanem da ỹataqta aỹem iviro'ot nam qauemsat maye ỹo'ottac yemayepi.»

2 Crónicas 28:9

Qalaxaye huo'o so la'aqtaxanaxanec Ñim Nataxala', le'enaxat Obed, maye ca'ata'aguet so alleppi co'ollaq mashe inoxooteua'a ye Samaria, nache 'enapega, 'eeta': Ñim Nataxala' maye Natamnaxala' so hua'au qarta'ailpi, dalemataỹa na Judá le'ecpi, ỹoqo'oye ỹaneguet namayepi da qarhuaqỹaxaqui, qalaxaye qami' qaualauache, qauroilec da ỹataqta lta'araic qarayeloxoi maye iviro'ot na piguem.