Apocalipsis 18:4 - La'aqtaqa Ñim Lo'onatac 'Enauacna 2013

⁴ Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

Nuevo Testamento Toba Sur

⁴ Qataq sa'axaÿa so lÿa n'aqtac, chimqot na piguem, 'eeta': –Qoquiÿa'ai qome ne'ena la ciudad, qami' mayi qami' ÿalamaxatpi, yaqto' sa ishit da qau'ochi nam lli'itaxaloxopi, qataq yaqto' sa ishit da qami' ividaugalo ca nhuaxanaguec.

Nuevo Testamento Toba Sombrero Negro

⁴ Qama'le yitaĝa jomachiya da'me 'naqatac laqaya jo'ne chiyaqaje'ma di'me piyem jo'ne eetac: “Ami yalaqa, male oquiya'ae na'me noic, qaedi ja nach'e ena'am ami tauelo naa'me mach'e loeco nataq'aen da'me ja ami 'te novidalo'te gaa'me qoyen lapite'nadi jo'ne ne'uaĝanaguec;

Apocalipsis 18:4 Referans Kwoze

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Jeremías 51:6

¡Qoquiỹa'ai ye Babilonia! ¡Qananeltaxañi yaqto' qarca'alleeuec! ¡Saishet qome da qaullivi, souaxat na lasouaxashet yemayepi! Cha'aye mashe ivita ye laloqo' da sauo'o ca ivi', nache sesheeten qome ipacchigui ñaqa'en dam naigui nam ỹo'otpi.

Jeremías 51:45

Qami' ỹalamaxat nhuo' le'ecpi qoquiỹa'ai qome yemaye, ¡ñi 'oonolec maiche nca'alaxaala't qome da 'eteguet dam 'ettaigui ỹayeloxo!

Isaías 52:11

¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!

Jeremías 50:8

¡Qoquiỹa'ai qome na Babilonia, maye lma' na caldeopi! ¡Qaunoxoñeeuec qome qalaq qoñeeta'am ca lca'ataxala' ana qaguetapi!

1 Timoteo 5:22

Saishet da 'aỹalapegue' da huo'o ca 'aneua'a da lo'onataxanaxac Ñim Lo'onatac 'Enauacna, cha'aye saiuena'a da huo'o ca lasouaxashet, nache nataqa'en 'am nshepaxanaqchet. ¡'Antela'agueto' 'enauac na sa ỹaỹamaxañisat!

Isaías 48:20

Qoquiỹa'ai na babilonia qautaiueguesop na caldeopi. Qaua'axachiiuec de'era na'axaỹaxac nache qaua'alqai souaxat da qantonaxaqui, qataq qaviraxacha'a nam hueta'a na pa'atec ana 'alhua, qoñeeta': «¡Ñim Nataxala' isouec so Jacob maye lamaxashec!»

Salmos 50:18

Cha'aye da 'aula'a ca cachaxaic nache 'annaicapegue', qataq 'aralegaxaua na ncachetague' aca sa lhua.

2 Juan 1:11

Cha'aye da qauquiñi camaye, nache 'eeta'am da qanhuañiỹaua'a cam qauem maye ỹo'ottac.

Jeremías 51:50

Qaq qami' maye qami' ỹe't da nalaataxanaxac, qauataiuec qome, nache saishet da huo'o ca vi'iiguet, qaq na'aictaxa qome da qami' qaỹoqtalo qalaq qauennachiỹa'a Ñim Nataxala' qataq qauennachiỹa'a qome ye Jerusalén.

Mateo 23:30

Ime, nache qoñiita': Da souaqtaigui taxa se'eso na'a'q, nache saishet taxa da salegaqaua'a som ỹalauatpi som la'aqtaxanaxanecpi Ñim Lo'onatac 'Enauacna.

Génesis 19:14

Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Jeremías 51:9

Mashe sauoqo'o so lata' ye Babilonia, qalaxaye saishet da no'oita. ¡Ña qauaqaita'a yemaye! Qolaq qolqa'ai ne'ena, ñi 'oonolec ỹe'eguelaxa qome ca maiche lma' cha'aye da nhuaxanaguec ỹataqta iviro'ot na piguem. Da nhuaxanaguec qalaq napacalec na lo'oc na piguem.