Apocalipsis 18:3 - La'aqtaqa Ñim Lo'onatac 'Enauacna 2013

³ Cha'aye 'enauac nam ỹotta'a't shiỹaxauapi ỹataqta quetegue da lataxac qataq ỹo'oxoreetac nam qanatameetacotpi maye saq 'en. Nataqa'en ỹo'ot damaye nam nta'alpi maye huetalec ana 'alhua. Qataq 'enauac nam nmenaxaicpi maye huetalec ana 'alhua ỹataqta ivira'a da sallaxanecpi, cha'aye nmene' co'ollaxa yemaye da yaqto' ỹo'ot na qalota lqopitaxanaqtaic maye qauem.»

Nuevo Testamento Toba Sur

³ Cha'ayi 'enauac nam ÿotta'a't shiÿaxauapi ÿataqta quichigui da nquishishaxac, 'eeta'am da huo'otaq qanÿomaxangui na lataxa. Qataq 'enauac nam nta'alpi mayi ilotague' nam huetalec ana 'alhua ÿataqta nquishistapegue' yimayi, 'eeta'am aca 'alo. Qataq 'enauac nam nmenaxaicpi mayi huetalec ana 'alhua ÿataqta isallaqchit nam qalota lqopitaxanaqtaic yimayi.

Nuevo Testamento Toba Sombrero Negro

³ Qa'a yemeda naa'me noyaqa da'me en taĝaiquipi da'me nequejeguetaĝa, ena'am da'me uotaĝa qoniyomaĝañi ga'me lataĝa. Chane'eja jogaa'me nejaliaĝanaqa jo'ne uetedalegue jena'me aleua nach'e ena'ama da'me e'n lequejeguetaĝaua jañe'me Babilonia, nataq'aen jogaa'me menaĝayaqa jo'ne uetedalegue jena'me aleua male en neuoyaĝadi' da'me mach'e lañoqotaĝanaĝac da'me nequejeguetaĝa.”

Apocalipsis 18:3 Referans Kwoze

Apocalipsis 17:2

Qaq na nta'alpi maye ilotague' nam huetalec ana 'alhua, nquishestague' añimaye qataq huaxaiguet da yaqto' ỹo'oxoren nam qanatameetacotpi maye saq 'en, qaq nache 'eetec nataqa'en na laỹepi shiỹaxauapi maye huetalec ana 'alhua.»

Apocalipsis 14:8

Qaq ca'attaueegue so lỹa namaxashec piguem le'ec nataqa'en detaqtac, 'eeta': «Mashe noxonec ye lta'araic nỹecpi le'enaxat Babilonia, mashe sogote da qailaxachigui yemaye, cha'aye yemaye ỹapaxaguenec 'enauac nam ỹotta'a't shiỹaxauapi da lasouaxashet, qataq da ỹalaxaguet naqa'en nam qanatameetacotpi maye saq 'en.»

Apocalipsis 18:9

Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.

Apocalipsis 18:23

¡Qataq saishet da qaltaq ỹe'eguelaxalec da icoỹarelec 'am na le'eraxa aca ncoỹaraxanaxaqui, qataq saishet da qaỹa'axaỹa ca ntonaxac cam hueta'a ca naronaxac! Cha'aye nam 'armenaxanaxanecpi namayepi co'ollaxa ndotec na 'añaxaicpi da huetalec ana 'alhua, qaq 'am ỹataqta 'auatenachet co'ollaxa da 'arolec da 'aye'eyaqnataxanaxac 'enauac na ỹotta'a't shiỹaxauapi.»

Jeremías 51:7

Ye Babilonia 'eeta'am aca ỹomaxaqui oro co'ollaq huetaigui na ihuaq lauel, nache itaqchet naxa 'enauac na huetalec ana 'alhua. Nam ỹotta'a't shiỹaxauapi nỹomtapigui se'eso lataxa, nache deqat naxa da laỹaanataxanaxac.

Lamentaciones 4:5

Qaq nam sa qoue co'ollaxa da lquia'axac, nagui qalaq ilem na lqouaxa huangui na nqa'aicpi. Qaq nam nacte' da ỹaatañi na no'on nogoxot, nagui qalaq ncocatapigui na lshepaxanaxa.

Jeremías 51:34

Ye Jerusalén maye hueta'a ye Sión, 'eeta': «Ñi nta'a ye Babilonia aỹem chec, qataq aỹem ilaxachigui, nache ỹo'ot da sheeta'am ca nquia'axaqui da qui'itchigui. Qataq 'eeta'am ca shiguiỹac lta'araic 'etaxat le'ec da aỹem iuoxonañi, nache ỹataqta nlaqchigui ñimaye da isallaxa maye aỹem hueto'ot co'ollaxa, qaq so laỹepi maye no'onañi qalaq ỹalat.

Isaías 47:15

Qaq 'era da 'eetec qome nam shiỹaxauapi maye 'iyaxaic lo'opi, nam qalota naxa da 'ana'aqtaxaategue' dam chegoqta'ague da 'anachaalataxac, ñi 'oonolec namayepi maiche ỹo'ot qome ca llecỹaxac, qaq nache qaica qome ca 'am nca'alaxatec.

Lucas 7:25

¿Peta'a 'onaxaiqa naua alogo se'eso ỹale? Qami' qauaỹaañi da na ỹaatrañi naua 'onaxaiqa anogo namayepi hueta'alo naua lma'ate na 'amaqtaqaicpi nta'alpi.

Nahúm 3:4

Qaq yo'oq 'enauac de'era souaxat da lquisheguetaxac, anam quisheguetaxaipi maye ỹataqta huo'o da lyac, qataq ỹaỹaten da dapaxaguenataxanec da ñi'iyaqnataxanaxac, qataq irolec da lquisheguetaxac qataq da lli'iyaqnataxanaxac da ỹatenachet nam ỹotta'a't shiỹaxauapi.

1 Timoteo 5:11

Qalaxaye saishet da 'ereua'a aca lmalate na ne'enaxat aca pa'ai da saxanaxa da ivi' naua sesenta vi'iye da llaxa. Cha'aye saiuena'a da queueegue da lqopitaxanaqtaic, nache ỹaxaañi da quegue So Cristo, cha'aye nshetaique da qaltaq huaron.

Apocalipsis 18:7

Ayemaye co'ollaxa ỹataqta ỹaguec da ño'oxonnaxac, qataq nqopita da huetaigui da lta'araic lyac da no'otaxac; ¡qaq ỹoqo'oye nagui qauauo'oi qome da nqui'ic!, ¡qaue'enaxachiichigui da 'eetec da ño'oxonnaxac co'ollaxa! Cha'aye da lhuennataxac naxa 'eeta': ‹Aỹem ñeso'ootaña ne'ena, ñeso'ootangui ana ñeso'onaxaqui da aỹem nate'e. Saishet da aỹem pa'ai, qataq saishet da ñauane' da huo'o ca ñeque'eenaxac.›

Apocalipsis 18:19

Nataqa'en imeeleguete naua lqaigo na alo da ỹachaxan da laquicoxo, nache nỹeetac, qataq na'alaqtapiguiñi, 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso' 'am maye 'am lta'araic nỹecpi qataq 'am 'añaxaic! Cha'aye da 'arsallaxa nachera da isallaqchet, 'enauac nam nmenaxaicpi maye huo'o ana nnotaxaqui maye quiguingui na 'etaxat. ¡'Eeta'am da 'eetec da nqachegoxoñi ca shiỹaxaua nache 'am qailaxachigui!