Apocalipsis 18:22 - La'aqtaqa Ñim Lo'onatac 'Enauacna 2013

²² ¡Nache saishet da lỹa da qaỹa'axaỹa da huetangui na 'anqa'aicpi ca devicnaxaatac da ỹauota'a aca nvique arpa qataq ana nasheere le'enaxat flauta qataq ana trompeta! ¡Nache saishet da lỹa da qaila'a da huetangui na 'anqa'aicpi na shiỹaxauapi maye ỹotta'a't na ỹaỹaten qataq nataqa'en saishet da qaltaq ỹe'eguelaxalec da qaỹa'axaỹa da l-lamaxa na coma' maye namaicnaxanaxat!

Nuevo Testamento Toba Sur

²² Huaña qome, nachi sa ishit da qai'axaÿapega da huetangui na 'anqa'aicpi aca nvique arpa qataq ana nashiide l'enaxat flauta qataq ana trompeta. Nachi sa ishit da huo'o ca camachaqca 'onataxanaxaic, qataq sa ishit da qai'axaÿapega ca l-lamaxa aca namaicnaxanaqte coma'.

Nuevo Testamento Toba Sombrero Negro

²² Nataq'aen da'me ja yitaĝa ta'le qodomachiya jena'me lajamaĝa jaga'me niviqui uotaĝa jaga'me nejeede jo'ne flauta uotaĝa trompeta. Nataq'aen ja yitaĝa ta'le 'uo ga'me am t'onataĝatapelegue gamachaqaega 'nonataĝanaĝac jo'ne 'uo nale, uotaĝa ta'le qodomachiya joga'me lajamaĝa ga'me qa' jo'ne 'uo nale ga'me yolaĝat.

Apocalipsis 18:22 Referans Kwoze

Ezequiel 26:13

Qaq 'era da 'eetec qom vi'iiguet ñaqa'en da l-lamaxa na 'aro'onecpi, nache saishet qome da qaltaq qaỹa'aqtega da l-lamaxa aca 'ana'arpapi.

Jeremías 25:10

Qataq so'ot qome da namayepi saishet da qaỹa'aqtega ca no'onec da huo'o ca na'ashaxac qataq da namaicỹaxac huo'otaq da qaỹo'onaxaalec ca naronaxac, qataq da l-lamaxa ca coma' maye namaicnaxanaxat, qataq saishet da ỹe'eguelaxa da qaila'a na le'eraxa ana ncoỹaraxanaxaquipi.

Jeremías 16:9

Cha'aye Aỹem Nataxala', maye Qaica ca Seqalanapec qataq Aỹem Natamnaxala' na Israel le'ecpi, sa'axatta da 'eeta': Aỹem so'ot qome da imeuo na no'onecpi da huo'o na na'ashaxac ne'ena 'alhua qataq da namaicỹaxac qataq da qaỹo'onaxaalec ca naronaxac. Qaq de'era nache huaiguilo qome caua maiche lalamaqa'ate na'axa'te, qaq qami' nache qauauañiichigui qome.

Jeremías 7:34

Nache so'ot qome na huaqta'a't nỹecpi ye Judá, qataq na nqa'aicpi ye Jerusalén, da deqat na no'onecpi maye ỹo'ot da namaicỹaxac da huo'o ye naponaxac, qataq na no'onecpi da qaỹo'onaxaalec da naronaxac, qaq 'enauac ne'ena 'alhua ỹe'eguelaxa qome da toolec.»

Eclesiastés 12:4

Qaq qom nvi' que'eca na'a'q, nache qaỹapogui na lasompi na nỹecpi maye dataỹauga na nqa'aicpi, qataq da l-lamaxa ana namaicnaxanaqte coma'pi qalaq nquictañi, qataq nam qoỹopi do'onaxaatac qome, qalaxaye sa qaỹa'axaỹa da lo'onaxanaxac;

Jeremías 33:11

ca no'onec da huo'o ca na'ashaxac, qataq namaicỹaxac, qataq ca no'onec da qaỹo'onaxaaleguete caua auonaxau', qataq qaỹa'aqtega qome dam 'eeta': Qaỹa'añiỹot da qana'achecỹaxaqui Ñim Nataxala' maye Qaica ca Ỹaqalanapec, cha'aye Ñimaye ỹataqta soxoraic, cha'aye da lsoxoyec chochaq tatec. Qataq qandoua'a qome añi atamnaxaqui aca nachetaqtaxanaqte souaxat da tonaxac. Aja', Aỹem ñaralaxat qome da na'achecỹaxac ne'ena 'alhua, yaqto' ỹe'eguelaxa da 'eeta'am som hua'auchiguiñi co'ollaxa lataxac. Qaq 'era da ỹa'aqtac Aỹem Nataxala'.

Isaías 23:12

Qataq 'enapega ye Sidón: «'Am qa'añole maye 'am sa qaiyacnapec, saishet qome da 'avi'eguelaxa da 'auamachiguiñi, na'aictaxa da 'auauotaique da 'avira'a ye Chipre, qalaxaye ñaqaiyeta qaica ca 'anmataxac.»

Mateo 9:23

Qaq So Jesús, nache queta choche ivittaua'a so lma' so lataxala' na judiopi, qaq co'ollaq ỹoqta ivireua'a, nache ila'a som nvique lo'opi da naỹamaxattac da huotaique da devicnaxaalec aso qa'añole da qailareñi, qataq so qalota shiỹaxauapi ỹataqta na'alaqtapiguiñi da nnoinaxac.

Da na'aqtaguec so Job 3:7

¡'Onaxaictoxo' co'ollaxa se'eso pe da ỹataqta qaica ca huaigui, qataq saishet da huo'o ca do'onaxaatai' souaxat da ntonaxac!