Apocalipsis 18:20 - La'aqtaqa Ñim Lo'onatac 'Enauacna 2013

²⁰ ¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Nuevo Testamento Toba Sur

²⁰ Qalaxayi ÿataqta 'antonec qome yi'iyi la ciudad, 'am piguem, qataq qami' lamaxa'shi so Jesús, qataq qami' l'aqtaxanaxanecpi ñi Dios, qataq 'enauac qami' lalamaxatpi ñimayi. Cha'ayi ñi Dios i'ot da nhuaxanaguec yimayi, souaxat da qoñiita.

Nuevo Testamento Toba Sombrero Negro

²⁰ “Male am matac nayi, am piyem, Qa'a yajouaĝat da'me ne'uaĝanaguec jena'me jenjo' noic, nataq'aen male ami made'tape, ami Dios lec'oqo'tepi jo'ne ami ja 'nalo'te, da'me ami Dios lamaĝa's nataq'aen da'me ami 'laqataĝanaĝanaqa joñe'me, qa'a nach'eñe ñe'me Dios jo'ne ye'uaĝan di'me noic let'adaic, qaedi ya'uo da'me en adajo'viyaĝaqui.

Apocalipsis 18:20 Referans Kwoze

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»

Apocalipsis 12:12

¡Qaq ỹoqo'oye iuen da ntonapigui' na piguem, qataq 'enauac nam hueto'ot namaye! Qalaxaye ¡ỹataqta qauem da taỹa'ague nam huetalec ana 'alhua, qataq nam huetangui aso auaxai! Cha'aye so pa'aguenataxanaxaic ỹataqta dalemata; taña na huetalec ana 'alhua da iloquiaxan. ¡Cha'aye somaye ỹaỹateeta da sa qaỹalec ye ldaqa'!»

Isaías 26:21

Cha'aye Ñim Nataxala' mashe yaqta'a da ca'ai ñi lma' lta'araic, da anac da yaqto' ỹauo'o ca nhuaxanaguec na shiỹaxauapi maye netalec ana 'alhua souaxat na lasouaxashetpi, nache ana 'alhua ỹachaxan qome na ntago'q maye laguelec anamaye, qataq saishet da nache queto'ot da ỹoxottapiguiñi na leuaxaicpi maye huetaigui anamaye.

Judas 1:17

Qalaxaye qami' ñauochaxau' ỹaqaỹarolqa, qauennachiỹa'a dam mashe qami' da'aqtaxaateguema co'ollaxa soua lamaxa'she So Qarataxala' Jesucristo.

2 Pedro 3:2

Qauennachiỹa'a da la'aqtaxanaxac som la'aqtaxanaxanecpi Ñim Lo'onatac 'Enauacna maye qomi' ỹanema soua qaỹoqteguelo vi'iye. Qataq saishet da qaucoviỹa'aisalo naua lamaxasoxonaxaco So Qarataxala' qataq Qarca'alaxaqui Jesucristo maye qami' ỹapaxagueneque soua lamaxa'she.

Efesios 4:11

Ime, nache ỹanem ca nme ñi 'oonolec na shiỹaxauapi. Nache huo'o na lamaxashecpi naqa'en Somaye, qataq huo'o na la'aqtaxanaxanecpi qataq huo'o na lataxala'pi naqa'en na 'amqaanataxanaxaicpi, qataq na napaxaguenataxanaqpi.

Efesios 2:20

Qataq qami' 'amqaanataxanaxaicpi qoñiita'am ca nỹec maye qano'oxootapiguisheguem, no'oxootelec qanqoỹen som lapaxañi co'olloxocheye na lamaxashecpi So Jesús qataq so la'aqtaxanaxanecpi Ñim Lo'onatac 'Enauacna. Qaq nacheso So Jesucristo som 'eeta'am ca coma' maye nllañi ca nỹec.

Isaías 49:13

¡'Am piguem, ña 'aua'alaq qome souaxat da 'aramaicỹaxac! ¡'Am 'alhua ña 'am nlaxagui qome da 'antonaxac! ¡Qami' qasoxonaxapi qa'aua'alqaitai' qome souaxat da qauamaichiguiñi! Cha'aye Ñim Nataxala' ỹa'añaqchet nam lalamaxat nhuo' le'ecpi, qataq huo'o da lchoxonnataxanaxa souaxat da lta'araic lhuogoxo.

Proverbios 11:10

Ca no'on da lataxac da ivita da qaica ca iueetac, nache machiguiñi naqa'en ca netaña ca huaqta'a't nỹecpi, qaq ca qauem da lataxac da ileu qalaq qantootapeguec.

Salmos 94:1

'Am Nataxala', maye ishet da 'apalaique ca nvi', 'Am Atamnaxala', ñaq 'anachaxan qome.

Salmos 58:10

Qaq ca no'on da lataxac qalaq machiguiñi qom ila'a da huo'o da lvi', qataq qom huaguilo naua lapia'ate, na ltago'q na qauemaicpi.

Efesios 3:5

De'era maye saqcha'a saishet co'ollaxa da huo'o ca qaỹaỹaanaxanaxanec som hua'au' vi'iye. Qalaxaye nagui Ñim Lo'onatac 'Enauacna ỹachegoxotchigui So Saqcha'a La'añaxac da ỹaỹaanaxanaxanec nam iỹotaugapi maye lamaxashecpi So Jesús qataq na la'aqtaxanaxanecpi.

Isaías 44:23

¡'Am piguem 'aua'alaq qome da 'antonaxac, souaxat dam ỹo'ot Ñim Nataxala'! ¡Qanlamaxareñi da qaua'alqai qami' maye qoviita'a na ỹataqta pa'aguiñi ana 'alhua! ¡Qami' qasoxonaxapi qataq aviaq, qataq 'enauac ana qo'oipaqpi, qaua'alqaitagui qome souaxat da lta'araic qantonaxaqui, cha'aye Ñim Nataxala' ỹachaxan da llo'oxoyec da isouec na Israel, maye chegoxoguet so Jacob!

Salmos 109:28

Ỹoqo'oye na'aictoxo' namayepi da aỹem isheueetac, qalaxaye 'am aỹem 'auchoxoren qome. Namayepi ishet da aỹem iloquiaxan, qalaxaye huo'o qome da la'aloxo, cha'aye ne'ena 'aramaxashec huo'o qome da ntonaxac.

Salmos 107:42

Qaq da ỹauaachigui de'era na no'on da lataxac nache machiguiñi, qaq na qauemaicpi qalaq ỹapoguilo naua ala'api.

Salmos 48:11

Qaq ỹataqta ntootapigui' qome añi qasoxonaxa Sión, qataq parenaxaatac qome da ntonaxac na lma' ye huaqta'a't nỹecpi ye Judá, souaxat naua ỹaỹamaqchiyiñi maye 'auo'o't.

Salmos 18:47

Ñim Lo'onatac 'Enauacna nacheñi ñi aỹem iueelec co'ollaxa, qataq hueto'ot naqa'en aỹem na shiỹaxauapi.

Jueces 5:31

¡Qaq 'era da 'eetec qom 'aulaxachigui 'am Nataxala', 'enauac na 'ampa'aguenaxauapi. Qalaxaye da la'añaxac nam 'am ỹauotec, qalaq 'ena'am na le'eraxa añi nala' da nnoxonec!» Qaq co'ollaq ime de'era, nache se'eso 'alhua huo'o da nlagaxayec inoxootrec soua cuarenta vi'iye.

Deuteronómio 32:42

Aca ichecnapi qalaq huagui qome ñaqa'en na ltago'q ca que'emaxaicpi qataq ca noxonecpi, qataq ca ỹainec nmichiguiñi naqa'en namayepi, ¡qataq ca lataxala'pi na qampa'aguenaxauapi!»

Sofonías 3:15

Cha'aye Ñim Nataxala' mashe ỹa'axaneguet da 'am nmittac, qataq mashe ỹo'orauec so 'ampa'aguenaxauapi. Ñim Nataxala', maye Nta'a na Israel, Ñimaye qami' netanguilo: qaq ỹoqo'oye saishet qome da 'añe'etaique ca camachaqca qauem.

Apocalipsis 18:6

Qauo'ochec ayemaye 'enauac nam qauem maye ỹo'otec co'ollaxa nataqa'en na laỹepi shiỹaxauapi; ỹataqta ỹactec qanqa'eñi cam lsheetenaxanaxat ayemaye, da isheeten 'enauac na qauem maye ỹo'ot. Qauo'ochec ayemaye da dos da ỹe'eguelaxalec da talec dam lta'araic nqui'ic maye talec co'ollaxa na laỹepi shiỹaxauapi souaxat ayemaye.