Apocalipsis 18:16 - La'aqtaqa Ñim Lo'onatac 'Enauacna 2013

¹⁶ «¡'Agai, ỹataqta chaqaic da qouaigui! ¡Ỹataqta 'am choxoraxaso', 'am maye 'am lta'araic nỹecpi, qataq 'añaxaic! Naua 'ogo naxa qalaq ndota't na chegaqaigui na lino, da lo'oxoỹaxac naua 'ogo qalaq naueralec da ltogaxa qataq na togaxaraic, qataq na laỹepi 'ano'otaxatpi qalaq ndota't na chegaqaigui na oro, qataq na no'on coma' qataq ana perla.

Nuevo Testamento Toba Sur

¹⁶ Nachi 'eeta': –¡Ÿataqta 'am choxodaxaso', 'am mayi 'am lta'adaic la ciudad! 'Am mayi qoneta'am aca 'alo mayi n'otaxat na no'on hualoq. Naua alogo tocalguete na lmalaxa qataq na togaxadaic, qataq na n'otaxat chigaqaigui na oro qataq na qashilgaxadaic coma' qataq ana perlas.

Nuevo Testamento Toba Sombrero Negro

¹⁶ Chane'eja nayi male enapega't: “Da'me am jo'ne am noic let'adaic, ¡degueja da'me adachoĝodec nayi! Qa'a auatedañe ca'li naa'me adeuo jo'ne lino 'me pagaĝaic da'me 'loyaĝac, choqoda'me 'loyaĝac laqaya jo'ne tomaqalegue nataq'aen da'me tomaĝadaic, qama'le nach'e ena'ama naa'me adi'yoĝodaqa'te jo'ne oro, nataq'aen perlas choqonaa'me qadi jo'ne onaĝayaqa.

Apocalipsis 18:16 Referans Kwoze

Apocalipsis 17:4

Qaq asa'aso 'alo da lo'oxoỹaxac naua alogo, qalaq naueralec da ltogaxa qataq togaxaraic. Qataq na no'otaxatpi ndotec na chegaqaigui na oro qataq na no'on coma' qataq ana perla. Qaq asomaye na lhuaq aloiguishec nasoqta'a aso ỹomaxaqui maye chegaqaigui na oro nlaqchigui na lataxa. Qaq se'eso lataxa naigui na qalota ỹo'ottac qauem qataq da ỹo'oxoreetac nam qanatameetacotpi maye saq 'en.

Apocalipsis 18:19

Nataqa'en imeeleguete naua lqaigo na alo da ỹachaxan da laquicoxo, nache nỹeetac, qataq na'alaqtapiguiñi, 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso' 'am maye 'am lta'araic nỹecpi qataq 'am 'añaxaic! Cha'aye da 'arsallaxa nachera da isallaqchet, 'enauac nam nmenaxaicpi maye huo'o ana nnotaxaqui maye quiguingui na 'etaxat. ¡'Eeta'am da 'eetec da nqachegoxoñi ca shiỹaxaua nache 'am qailaxachigui!

Ezequiel 28:14

Qataq 'am iuattague' ñaqa'en so huo'oi naua laua't, qataq qoueta'a co'ollaxa añi qui'itta nqasoxonaxa Ñim Lo'onatac 'Enauacna nache 'auqueuotapigui' 'aucoleetapoigui ana huaqaañipi.

Nahúm 2:9

¡Ña qauotaxañec qome na plata qataq na oro! ¡Cha'aye ye Nínive ỹataqta ỹaguec da lsallaxa!

Apocalipsis 17:3

Qaq can ñaq sootaigui se'eso ỹauanaqchec maye aỹem ỹanem So Saqcha'a La'añaxac Ñim Lo'onatac 'Enauacna, nache se'eso namaxashec piguem le'ec aỹem ỹauegueuga so toolec 'alhua. Huaña somaye, nache sela'a aso 'alo netalec so shiguiỹac leguemaxaic togaxaraic da lo'oxoỹaxac. Se'eso shiguiỹac leguemaxaic siete naua lqaigo, qataq diez naua lcouel somaye nanettalec 'enauac na lo'oc na ne'enaxatpi maye ỹataqta npa'aguene' Ñim Lo'onatac 'Enauacna.

Apocalipsis 18:18

Qaq co'ollaq ila'a na lmala'q se'eso lta'araic nỹecpi maye ỹavic, nache ỹa'alaq, 'eeta': «¡Saishet da huo'o ca lỹa lta'araic nỹecpi qataq 'añaxaic da 'eeta'am ye Babilonia!»