Apocalipsis 18:15 - La'aqtaqa Ñim Lo'onatac 'Enauacna 2013

¹⁵ Qaq nam shiỹaxauapi maye lmenec ne'enapi qataq ỹachegoxotchigui da lsallaxa ye Babilonia, namayepi ỹataqta qaỹoqteuga, souaxat da lcolanaxa da nataqa'en qaỹauo'o ca nhuaxanaguec da 'eeta'am yemaye. Nache ỹataqta nỹeetac qataq na'alaqtapiguiñi, nache 'eeta':

Nuevo Testamento Toba Sur

¹⁵ Qaq nam shiÿaxauapi mayi lmenec ne'enapi qataq ÿachigoxotchigui da lsallaxa yi'iyi la ciudad, namayipi ÿataqta qaÿoqteuga, souaxat da ñi'iÿa da nhuaxanaguec yimayi. Nachi ÿataqta noÿiitac qataq n'alaqtapiguiñi.

Nuevo Testamento Toba Sombrero Negro

¹⁵ Chane'eja jogaa'me menaĝayaqa jo'ne yemena'ape naa'me naajo' jo'ne uo'oe qaedi yachiyoĝotedayi da'me leuoyaĝa'j, male qaya'alo ga'me neteda'ña, yajouaĝat da'me t'oita da'me ne'uaĝanaguec jañe'me Babilonia, qama'le yataqata noye'tape nataq'aen 'yalaqatedapeguem da'me lachoĝodec qoyen joga'me noic.

Apocalipsis 18:15 Referans Kwoze

Apocalipsis 18:3

Cha'aye 'enauac nam ỹotta'a't shiỹaxauapi ỹataqta quetegue da lataxac qataq ỹo'oxoreetac nam qanatameetacotpi maye saq 'en. Nataqa'en ỹo'ot damaye nam nta'alpi maye huetalec ana 'alhua. Qataq 'enauac nam nmenaxaicpi maye huetalec ana 'alhua ỹataqta ivira'a da sallaxanecpi, cha'aye nmene' co'ollaxa yemaye da yaqto' ỹo'ot na qalota lqopitaxanaqtaic maye qauem.»

Ezequiel 27:31

Qataq souaxat 'am, nache namarec na lqaic, qataq ỹaayiñi naua lasouaxaqui' alogo, qataq nlaqchigui da laquicoxo nache nỹeetac.

Hechos 16:19

Qalaxaye so na'aco'pi aso qa'añole co'ollaq ila'a da mashe qaica som dauegaxaatapigui no'onataxac asomaye, nache qaỹaconeua'alo so Pablo qataq so Silas, nache qaỹauegueua'alo ca nlagaqa' maye netangui na laiñi so nỹecpi da yaqto' qaỹataxanoto soua nta'al maye ilotague' se'eso nỹecpi.

Marcos 11:17

Huaña, nache dapaxaguenataxaatac, 'eeta': «Naua nanettrañi la'aqtaqa Ñim Lo'onatac 'Enauacna, 'eeta': ‹Ne'ena ima', namaye qaỹa'axatta da qouagaxaunaqa', nqouagaxaunaqa' 'enauac na ỹotta'a't shiỹaxauapi.› Qalaxaye qami' qauo'ochec namaye da nqañoxotaqa' na cachaxaicpi.»

Zacarías 11:5

Nam desheenaxana anamayepi da ỹalauat, qalaq saq noma da huo'o ca lasouaxashet, qataq na imen anamayepi qalaq, 'eeta': ‹¡Sanot da ña'achec Ñim Nataxala', cha'aye mashe aỹem sallaxanec!› Qaq ivira'a na maiche nhuataxauapi anamayepi, da saishet da ichoxoreetac.

Apocalipsis 18:12

da ndotai' na lmenec oro, plata, qataq ana 'otaqte, qataq na coma' maye le'enaxat perla; qataq na no'on nogoxot maye chegaqaigui na lino, qataq na nogoxot maye qashelgaxaraic naueralec da ltogaxa, qataq na togaxaraic; nataqa'en 'enauac na ỹotta'a't qo'oipaq ama na laita, qataq nam no'onatac maye chegaqaigui na marfil, qataq na le'enaxat bronce, qataq na lcat, qataq na coma' le'enaxat mármol;

Apocalipsis 18:13

qataq nam laỹe lla'ac chegaqaigui na canela, qataq nam ỹotta'a't ama na laita 'amnaxat, qataq na aceite maye ama na laita; qataq na lataxa, aceite, 'ayiiña lsoche, qataq na trigo; nataqa'en na shiguiỹacpi maye nlo, qaguetapi, caipi, qataq ana naigonapi, qataq na nlatacpi qataq ncoñeteguishecpi maye qaỹachegoxotaigui ca alaataxac.

Apocalipsis 18:14

Qaq da qaitaxaỹa qome ye Babilonia, qalaq qoỹeeta': «Mashe qaica ca 'arsallaxa maye nachaqrata 'arqopitaxat, mashe imauec da deqat 'enauac da 'aryacỹaxac qataq na 'ano'otaxatpi.»

Apocalipsis 18:19

Nataqa'en imeeleguete naua lqaigo na alo da ỹachaxan da laquicoxo, nache nỹeetac, qataq na'alaqtapiguiñi, 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso' 'am maye 'am lta'araic nỹecpi qataq 'am 'añaxaic! Cha'aye da 'arsallaxa nachera da isallaqchet, 'enauac nam nmenaxaicpi maye huo'o ana nnotaxaqui maye quiguingui na 'etaxat. ¡'Eeta'am da 'eetec da nqachegoxoñi ca shiỹaxaua nache 'am qailaxachigui!