Apocalipsis 18:13 - La'aqtaqa Ñim Lo'onatac 'Enauacna 2013

¹³ qataq nam laỹe lla'ac chegaqaigui na canela, qataq nam ỹotta'a't ama na laita 'amnaxat, qataq na aceite maye ama na laita; qataq na lataxa, aceite, 'ayiiña lsoche, qataq na trigo; nataqa'en na shiguiỹacpi maye nlo, qaguetapi, caipi, qataq ana naigonapi, qataq na nlatacpi qataq ncoñeteguishecpi maye qaỹachegoxotaigui ca alaataxac.

Nuevo Testamento Toba Sur

¹³ qataq nam laÿi lli'ac canela, qataq nam ÿotta'a't ama na laita, nchinaxanaxat, qataq na qo'ipaq lcha'q l'enaxat mirra, qataq na codaxat, lataxa, aceite, 'ayiiña, qataq na trigo; nataq'en na shiguiÿacpi mayi nauegaxanaxala', qaguetapi, caipi, naigonapi, qataq na nlatacpi mayi yi'oqchigui shiÿaxauapi.

Nuevo Testamento Toba Sombrero Negro

¹³ qama'le nach'e ena'ama jogaa'me li'yaco laqaya' jo'ne canela choqogaa'me lale'gue laqaya' jo'ne yodapecache jena'me laetayaĝa'j jo'ne jama; nataq'aen jana'me licha' 'me 'uo da'me laeta jo'ne jama, choqona'me yoĝoqui jo'ne davioĝon jo'ne nach'e ena'am chiyaqayi jana'me licha'; choqona'me uva li'i, cheta 'me aceite, aliina jo'ne no'en, nataq'aen jena'me trigo; choqoga'me yejidi jo'ne nelodi 'me uacapi nataq'aen gaa'me 'naĝanaĝatel choqogaa'me pegaĝadipi nataq'aen jogaa'me cadeetal, chayovida'alo jogaa'me jiyaĝa'u jo'ne nelataqa.

Apocalipsis 18:13 Referans Kwoze

Ezequiel 27:13

Qaq nataqa'en ye Grecia, Tubal qataq ye Mesec, 'am nmeetague' co'ollaxa, nache nmeneguet naqa'en na 'armenecpi na l-latacpi qataq na nhuenecpi maye bronce.

Amós 2:6

Qaq Ñim Nataxala', 'eeta': Na Israel le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye imen co'ollaxa nam no'on da lataxac nache ỹataqta saq 'amaqtaq ana lasheue plata, qataq da imen na choxoraqpi, qalaq 'eeta'am da lashiichiỹaxac ca pela'.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

Nehemías 5:8

Huaña, nache shenapega somayepi, sheeta': «Qomi' ỹataqta huo'o da qarhuogoxo da yaqto' ishet da ñe'eguelaxataxala't na maiche qarhuo' le'ecpi, maye qaimenoigui co'ollaxa so ỹotta'a't shiỹaxauapi da ỹauo'o l-latacpi. Qaq nagui qaltaq maiche qami' da qaumiñiitac na qaralamaxache qarqaỹaipi, maye mashe ñe'eguelaxataxala't co'ollaxa.» Nache 'enauac somayepi ỹataqta ỹe'emaqtom, cha'aye saỹaỹaten ca 'eetec ca lasataxac.

Isaías 50:1

Ñim Nataxala', 'eeta': «¡Saishet qome da qaupicheetega da salat na Israel maye 'eeta'am aca qarachi'i, da sheeta'am ca ỹale da ỹalat aca lhua, huo'otaq da qami' seme'n co'ollaxa da yaqto' qami' nlataqa souaxat da huo'o ca hueto'ot aca ỹavigaxaiste! Maye qami' qaime'n co'ollaxa cha'aye huo'o da qarasouaxashichi, na Israel maye 'eeta'am aca qarachi'i qaỹalat co'ollaxa, cha'aye qami' sa qaualaqai.

Deuteronómio 24:7

Qaq da huo'o ca qaỹauanalec Israel le'ec da decachiỹa ca maiche lauo' le'ec da ỹauo'o l-latac, huo'otaq imen, nache que'eca cachaxaic qaỹalauat. Qaq 'era da 'eetec da ỹataqta qanqachiiua'a qome 'enauac ca qauem maye qami' huetanguilo.

Éxodo 21:16

Qaq da huo'o ca decachiỹa ca lỹa shiỹaxaua, qataq imen, qalaxaye da qailalec da ñaq neto'ot camaye, nache que'eca decache qaỹalauat.

1 Timoteo 1:10

Qataq ca ỹale da ncachetague' aca sa lhua, huo'otaq ca maiche lỹa 'eeta'am ỹale, nataqa'en ca decachiỹa ca lỹa da imen, nataqa'en ca tenataxanaxaic, qataq ca ỹa'axat ca 'eetega lataxac, qalaxaye choche datenataxan. Qaq da ỹoqta 'eetapeguec ne'ena namaxasoxonaxacpi nshetaique da ỹaỹamaxaañi nam dataỹa'aguet dam ỹataqta ỹaỹamaqchiguiñi napaxaguenataxanaxac

Amós 8:6

Nache huetaiya' ñaqa'enaq qome na choxoraqpi, nache ivitta'a da maiche nmeela't da nlatac da yaqto' isheeten ana lavigaxaiste, qaq nam huo'o da lhuenaxanaxa qalaq 'eeta'am ñaqa'enaq aca lasheue ca pela', qataq semenaq nam lvi na trigo».

Amós 6:6

Qataq da qanỹomiigui na lataxa qalaq ỹataqta late'el naua qanỹomaxaquilli', qataq qancoyeetapigui na coraxat maye ỹataqta no'on da laitaỹaxac, qaq nache qaica ca qarhuogoqoi da nlaguiñi ne'ena 'alhua.

Cantares 5:5

Huaña, nache soosheguem da sauateguet se'eso ỹauotaxat. Qaq naua ihuaxaye qataq naua ỹaxaata ñettrañi na mirra, nache ana llo'oxo taleguete so lvinaxat so lasom.

Proverbios 7:17

qataq mashe secorelec so coraxat ama da laitaỹaxac, chegaqaigui na qo'oipaq lcha'q, qataq ana áloe qataq na lỹa coraxat.

2 Crónicas 9:9

Ime, nache asomaye ỹami' so nta'a aso tres mil novecientos kilos na oro, qataq so qalota coraxatpi, qataq so ỹataqta no'on coma'pi. Qaq ye Israel ỹataqta sa ỹauanapega da qaira'a ca 'eeta'am ye lcata se'eso coraxatpi maye aso nate'e ye Sabá, ỹanem so Salomón.

1 Reyes 10:25

qaq 'enauaque naua vi'iye da 'enauac so shiỹaxauapi, irotega na lachetaqtaxanaxat, nogoxoshetpi plata, oro, nogoxotpi, no'ogoxonaxatpi, qataq na ama da laitaỹaxac, qataq so caipi, qataq so molapi.

1 Reyes 10:15

qaq saishet da qanaloqteneuo añi lsheetenaxanaqte so ỹotta'a't menaxanaxaicpi, qataq 'enauac so nta'alpi ye Arabia, qataq so ilotagueto naua 'aleu' yi'iye 'alhua.

1 Reyes 10:10

Ime, nache asomaye ỹanem so nta'a aso tres mil novecientos sesenta kilos so oro, qataq so ỹataqta qalota coraxat, qataq so ỹataqta no'on coma'. Qaq saishet da qaỹauanapega ca 'eeta'am de'era, da qanda'a ye Israel ca ỹataqta qalota coraxat, da 'eeta'am se'eso lachetaqtaxanaxat asa'aso nate'e ye Sabá, da ỹachet so nta'a Salomón.

Deuteronómio 28:68

Qaq na'aictaxa Ñim Nataxala' da 'am ỹachaxanapecot co'ollaxa da saishet da qaltaq 'avi'eguelaqtegue so nqa'aic da 'aigue da Egipto, qalaxaye Ñimaye 'am ỹe'eguelaxategue qome damaye, qonetangui naqa'en aca notaxaqui maye quiguingui na 'etaxat, qaq huaña qome yemaye nache 'am imenot ca 'ampa'aguenaxauapi, qalaxaye qaica qome ca 'am desheenaxana.

Cantares 1:3

Ỹataqta ama da laitaỹaxac na 'ancoraxat, qataq da qanasaxauec da 'are'enaxat nache 'eeta'am na coraxat da huaỹoxon na ama laitaỹaxac. ¡Ỹoqo'oye ỹataqta 'am nqopita na qa'ampiolec!

1 Crónicas 5:21

Huaña nache ỹacona so na'atetpi som npa'aguenaxauapi, maye ivi' cincuenta mil aso cameellopi, doscientos cincuenta mil aso qaguetapi, qataq so dos mil 'ashenapi, qataq cien mil so loxonec shiỹaxauapi.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Apocalipsis 18:14

Qaq da qaitaxaỹa qome ye Babilonia, qalaq qoỹeeta': «Mashe qaica ca 'arsallaxa maye nachaqrata 'arqopitaxat, mashe imauec da deqat 'enauac da 'aryacỹaxac qataq na 'ano'otaxatpi.»

Apocalipsis 18:15

Qaq nam shiỹaxauapi maye lmenec ne'enapi qataq ỹachegoxotchigui da lsallaxa ye Babilonia, namayepi ỹataqta qaỹoqteuga, souaxat da lcolanaxa da nataqa'en qaỹauo'o ca nhuaxanaguec da 'eeta'am yemaye. Nache ỹataqta nỹeetac qataq na'alaqtapiguiñi, nache 'eeta':