Apocalipsis 18:11 - La'aqtaqa Ñim Lo'onatac 'Enauacna 2013

¹¹ Nataqa'en na nmenaxaicpi maye huetalec ana 'alhua ỹataqta na'alaqtapiguiñi qataq nỹeetac, cha'aye mashe qaica ca desheenaxana nam lmenec. Cha'aye nachaqyeta naxa ye Babilonia da nmeetague'

Nuevo Testamento Toba Sur

¹¹ Qataq nam nmenaxaicpi mayi huetalec ana 'alhua nataq'en ÿataqta noÿiitac, qataq n'alaqtapiguiñi souaxat yi'iyi la ciudad. Cha'ayi nachi qaica ca ishit da deshijnaxana nam lmenec mayi ndotai'.

Nuevo Testamento Toba Sombrero Negro

¹¹ Qama'le nach'e ena'ama jogaa'me menaĝayaqa noye'tape choqoda'me 'yalaqa'tape, qa'a yajouaĝat da'me lachoĝodec joga'me noic choqoda'me male ja yitaĝa ta'le 'uo ga'me ecot ga'me lemene'j,

Apocalipsis 18:11 Referans Kwoze

Apocalipsis 18:3

Cha'aye 'enauac nam ỹotta'a't shiỹaxauapi ỹataqta quetegue da lataxac qataq ỹo'oxoreetac nam qanatameetacotpi maye saq 'en. Nataqa'en ỹo'ot damaye nam nta'alpi maye huetalec ana 'alhua. Qataq 'enauac nam nmenaxaicpi maye huetalec ana 'alhua ỹataqta ivira'a da sallaxanecpi, cha'aye nmene' co'ollaxa yemaye da yaqto' ỹo'ot na qalota lqopitaxanaqtaic maye qauem.»

Apocalipsis 18:23

¡Qataq saishet da qaltaq ỹe'eguelaxalec da icoỹarelec 'am na le'eraxa aca ncoỹaraxanaxaqui, qataq saishet da qaỹa'axaỹa ca ntonaxac cam hueta'a ca naronaxac! Cha'aye nam 'armenaxanaxanecpi namayepi co'ollaxa ndotec na 'añaxaicpi da huetalec ana 'alhua, qaq 'am ỹataqta 'auatenachet co'ollaxa da 'arolec da 'aye'eyaqnataxanaxac 'enauac na ỹotta'a't shiỹaxauapi.»

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Apocalipsis 18:15

Qaq nam shiỹaxauapi maye lmenec ne'enapi qataq ỹachegoxotchigui da lsallaxa ye Babilonia, namayepi ỹataqta qaỹoqteuga, souaxat da lcolanaxa da nataqa'en qaỹauo'o ca nhuaxanaguec da 'eeta'am yemaye. Nache ỹataqta nỹeetac qataq na'alaqtapiguiñi, nache 'eeta':

Sofonías 1:11

¡Qaua'alaqai qome, qami' maye qarmaye na nỹecpi maye le'enaxat Na'araxanaxaqui, cha'aye ileu qome 'enauac na nmenaxaicpi qataq 'enauac nam ỹoxottañi, da nmenaxac ana anom plata, namayepi taỹa'a da qailaxachigui!

Apocalipsis 18:9

Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Isaías 47:15

Qaq 'era da 'eetec qome nam shiỹaxauapi maye 'iyaxaic lo'opi, nam qalota naxa da 'ana'aqtaxaategue' dam chegoqta'ague da 'anachaalataxac, ñi 'oonolec namayepi maiche ỹo'ot qome ca llecỹaxac, qaq nache qaica qome ca 'am nca'alaxatec.

Mateo 22:5

Qalaxaye som ncoyeguenatacpi saishet da ỹalaq. Nachaqrata da ñi 'oonolec ỹaqa'a na ỹo'ot. Huo'o so nqo'oneuga ca na'alhua, qataq huo'o so nqo'ona ca nmenaqa',

Juan 2:16

Nache 'enapega na imeetac na qoto'pi, 'eeta': –¡Qanqacheeuec 'enauac ne'enapi! ¡Saishet da qauo'ochec na lma' Ñim Ita'a da menaqa'!

Proverbios 3:14

cha'aye damaye napacalec da lashiichiỹaxac aca lcat plata, qataq napacalec da lashiichiỹaxac ca oro.

Isaías 13:19

Qaq ye Babilonia maye llo'oxonnatac na ỹotta'a't shiỹaxauapi qataq ỹo'ot da llo'oxoyec qataq da ño'oxonnaxac na caldea le'ecpi, yemaye 'eeta'am qome ñaqa'en ye Sodoma qataq ye Gomorra co'ollaq selaxachigui.

Ezequiel 27:9

Qaq so ỹa'axaiquipi maye lma' ye Gebal qalaq ỹaỹamaxaañi naxa da huo'o ye sa ỹaỹamaxañi da qoneta, cha'aye nacheso som ỹaanaxanaxaicpi. Qaq som shiỹaxauapi maye ỹaỹaten da quiguingui na 'etaxat, qalaq imeetac naxa na 'armenecpi.