Apocalipsis 18:10 - La'aqtaqa Ñim Lo'onatac 'Enauacna 2013

¹⁰ Qalaxaye souaxat da lcolanaxa da qaỹauo'o ca nhuaxanaguec da 'eeta'am yemaye, nache ỹataqta qaỹoqteuga qome namayepi, nache 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso', 'am maye ỹataqta 'am lta'araic Babilonia, 'am maye 'am 'añaxaic! ¡'Eeta'am da 'eetec da nqachegoxoñi ca shiỹaxaua da Ñim Lo'onatac 'Enauacna lhuennataxac da ỹauo'o da 'anque'eenaxac!»

Nuevo Testamento Toba Sur

¹⁰ Qaq ÿataqta qaÿoqteuga qome namayipi, souaxat da ñi'iÿa da nhuaxanaguec yimayi. Nachi namayipi 'eeta': –¡'Agai! ¡Ÿataqta 'am choxodaxaso', 'am mayi ÿataqta 'am lta'adaic Babilonia, 'am mayi qaica ca 'auqalanapec! Cha'ayi ÿataqta qaica ca queuoigui da 'anhuaxanaguec.

Nuevo Testamento Toba Sombrero Negro

¹⁰ Chane'eja male qaya'alo joga'me ueteda'a, yajouaĝat da'me t'oita da'me ne'uaĝanaguec jañe'me Babilonia, qama'le enapega't: “Am Babilonia jo'ne am p'ajaye da'me am noic let'adaic, ¡Degueja da'me adachoĝodec nayi! Qa'a pelaqatela't da'me novi' ga'me ane'uaĝanaguec.”

Apocalipsis 18:10 Referans Kwoze

Apocalipsis 18:19

Nataqa'en imeeleguete naua lqaigo na alo da ỹachaxan da laquicoxo, nache nỹeetac, qataq na'alaqtapiguiñi, 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso' 'am maye 'am lta'araic nỹecpi qataq 'am 'añaxaic! Cha'aye da 'arsallaxa nachera da isallaqchet, 'enauac nam nmenaxaicpi maye huo'o ana nnotaxaqui maye quiguingui na 'etaxat. ¡'Eeta'am da 'eetec da nqachegoxoñi ca shiỹaxaua nache 'am qailaxachigui!

Apocalipsis 18:8

Qaq ỹoqo'oye 'oonolec na'a'q ca imaigui da ỹaconeguet 'enauac na nhuaxanaguecpi: lqouaxa, nque'eenaxac qataq da l-leuaxa. ¡Qataq qairolec ca norec da qaỹavigaxat, cha'aye Ñim Nataxala', Ñim Lo'onatac 'Enauacna maye qaica ca ỹaqalanapec, maiche lhuennataxac da ỹauo'o ca nhuaxanaguec!»

Apocalipsis 14:8

Qaq ca'attaueegue so lỹa namaxashec piguem le'ec nataqa'en detaqtac, 'eeta': «Mashe noxonec ye lta'araic nỹecpi le'enaxat Babilonia, mashe sogote da qailaxachigui yemaye, cha'aye yemaye ỹapaxaguenec 'enauac nam ỹotta'a't shiỹaxauapi da lasouaxashet, qataq da ỹalaxaguet naqa'en nam qanatameetacotpi maye saq 'en.»

Amós 5:16

Qaq ỹoqo'oye da la'aqtac Ñim Nataxala', maye Lo'onatac 'Enauacna, maye Qaica ca Ỹaqalanapec, 'eeta': «Ỹataqta 'enauac qome na naponqa'pi da huo'o da noinaxac, qataq 'enauac na nqa'aicpi da qaỹa'aqtega da na'alaxac souaxat da qui'ic, qataq nam danaxaateguelec na 'alhuapi qaiỹaxanegue da yaqto' nỹen, qataq nam noinaxaicpi da yaqto' nỹen.

Joel 1:15

¡'Agai que'eca na'a'q! ¡Cha'aye mashe nayeetai' ca na'a'q maye lviraxaqui Ñim Nataxala'! ¡Que'eca na'a'q ỹataqta chaqaic, cha'aye Ñim Qaica ca Ỹaqalanapec nlaxaañi qome 'enauacna!

Apocalipsis 17:12

Qaq se'esoua diez lcoue maye 'auauaachiguilo, naiguilo caua diez nta'al maye saxanaxa da do'onataxa'n; qalaxaye qom do'onataxa'n, nache ivi' una hora da huo'o da la'añaxa'c, qataq ntauneto so shiguiỹac leguemaxaic da do'onataxa'n, 'eeta'am na nta'alpi.

Jeremías 30:7

¡Mashe nayeetai' ca na'a'q maye chaqaic, na'a'q maye qaica ca lỹa na'a'q da 'eeta'am! Que'eca na'a'q nache huaigui qome ca lta'araic laquicoxo nam chegoxoguetpi so Jacob, qalaxaye Aỹem ñeca'alaxatec qome namayepi.

Isaías 21:9

Qaq aỹem sela'aguet na shiỹaxaua netangui ana naigona maye lauegaxala'ate naua caaỹo. Qaq da la'aqtac namaye, 'eeta': «¡Mashe qailaxachigui, mashe qailaxachigui ye Babilonia! Qaq 'enauac na lqui'ipi nam natamnaxala'pi huetaiya', ỹataqta 'enauac dolachigui.»

Números 16:34

Qaq co'ollaq qaỹa'axaỹa de'era la'alaxac somayepi, nache so Israel le'ecpi maye hueta'a so saqaỹapeque somayepi datauec, nache 'eeta': «¡Qolaq sataxauec! ¡Ten qom nataqa'en qomi' ihuoxoorañi ana 'alhua!»

Isaías 47:9

Qalaxaye nque'elaxatta da huaigui ca 'oonolec na'a'q da 'am nvita qome ca qauem, nache 'am pa'ai qome qataq qaica ca 'aỹa'alaqpi, na'aictaxa nam qalota 'araconaxanaxacpi qataq nam saqaivi da qanaloqten 'aye'eyaqnataxanaxacpi.

Ezequiel 32:9

Qaq de'era 'anlaqtaguec qom la'axaỹaxac nam hueta'a na 'alhuapi maye saishet da 'auauana, nache so'ot da daquico na qalota nhuo' le'ecpi.

Apocalipsis 11:8

Nache da lo'ocỹaxa'c caamaye qaỹachetrangui na laiñi so nqa'aic lta'araic ye nỹecpi maye huaña co'ollaq qaỹalauat So Qarataxala' qaiuaxaneguet so npe'enaxaqui. Qaq na shiỹaxauapi ỹamata'ac yi'iye nỹecpi da naigui naqa'en da Sodoma qataq Egipto.

Apocalipsis 16:19

Nache se'eso qalagoxoñi 'alhua, somaye tres soua lpoxoỹaqa'ate naqa'en ye lta'araic nỹecpi ye Babilonia, qataq na hueta'a na lta'araic nỹecpi 'enauac ana 'alhua qalaq qalagoxoñi. Ñim Lo'onatac 'Enauacna saishet da icoua'ai ye nỹecpi ye Babilonia, nachaqrata da ỹauo'o so nhuaxanaguec ỹataqta qaica ca 'ena'am da lchec qataq imatalec da layeloxo.

Apocalipsis 18:18

Qaq co'ollaq ila'a na lmala'q se'eso lta'araic nỹecpi maye ỹavic, nache ỹa'alaq, 'eeta': «¡Saishet da huo'o ca lỹa lta'araic nỹecpi qataq 'añaxaic da 'eeta'am ye Babilonia!»

Apocalipsis 18:21

Ime, nache so 'oonolec namaxashec piguem le'ec maye ỹataqta qaica ca 'ena'am da la'añaxac, somaye ỹacoosop so coma' lta'araic maye 'eeta'am na namaicnaxanaxat, nache ỹasaxangui aso auaxai, nache 'eeta': «'Am Babilonia, 'am ỹataqta lta'araic da 'ara'añaxac, ¡'Era qome da 'eetec da 'am qailaxachigui, nache saishet qome da qaltaq 'am qaila'a!