Apocalipsis 18:1 - La'aqtaqa Ñim Lo'onatac 'Enauacna 2013

¹ Qaq can ime de'era, nache qaltaq sela'aguet so lỹa namaxashec piguem le'ec, chegoqtot na piguem. Qaq somaye ỹataqta lta'araic da la'añaxac, qataq 'enauac ana 'alhua ỹataqta yo'oqtelec naqa'en na le'eraxa.

Nuevo Testamento Toba Sur

¹ Qaq can ime de'eda, nachi qaltaq sela'a so lÿa namaxashic piguem l'ec, chigoqtot na piguem. Qaq somayi ÿataqta lta'adaic da l'añaxac. Nachi 'enauac ana 'alhua ÿataqta yi'oqtelec naq'en na l'edaxa.

Nuevo Testamento Toba Sombrero Negro

¹ Mane'e ca'li yem da'me dojo', qama'le jauana jo'me piyem le'ec laqaya jo'ne nenochiñe, chiyaqaje'ma di'me piyem, jo'me jo'ne 'uo da'me lañoqotaĝanaĝac let'adaic, qama'le jena'me mach'e lauaq yecoyadelegue ca'li jena'me aleua.

Apocalipsis 18:1 Referans Kwoze

Ezequiel 43:2

nache sauaateguet da llo'oxoyec Ñim Natamnaxala' na Israel le'ecpi chegoqtegue da nala' lliguisheguem. Qaq da l-lamaxa ỹataqta alam, 'eeta'am da l-lamaxa ca tala da ỹa'auat, qaq ana 'alhua nache nlaqaalec na le'eraxa.

Lucas 17:24

Cha'aye Aỹem Shiỹaxaua Llalec qom ñe'eguelaq, nache 'enauac da Aỹem qaila'a, 'eeta'am na nqashelgaxa da nqashilliguiñi, nache imata 'enauac na piguem.

Apocalipsis 21:23

Qataq se'eso nỹecpi, somaye saishet da iuen añi nala' qataq ñi ca'agoxoic da huo'otaq icoỹarelec. Cha'aye na le'eraxa Ñim Lo'onatac 'Enauacna qataq Ñim Qagueta Llalec nache icoỹattalec.

Apocalipsis 17:1

Nache so 'oonolec soua siete namaxa'she piguem lashe' maye lasoqta'alo soua siete ỹomaxaqui', somaye anac. Nache aỹem 'enapega, 'eeta': «'Aỹala, ñaq 'am sachaxana da nhuaxanaguec maye iuatta'aguet añim 'alo maye ỹataqta lta'araic da lquisheguetaxac maye nso'ooto'ot na loigue na qalota 'etaxat.

Apocalipsis 10:1

Ime, nache sela'a so lỹa namaxashec piguem le'ec ỹataqta 'añaxaic, chegoqo'ot na piguem, huetaigui so lo'oc. Qaq huo'o so 'eeta'am da lo'oxoỹaxac na quemoxonalo coleesop na lqaic somaye. Qaq na lashec qalaq 'eeta'am na le'eraxa añi nala'. Qaq naua lchel 'eeta'am na le'eraxa na norec da nachatchiguiñi.

2 Ts 2:8

Huaña qome, nache nachaxan que'eca ỹale qauemaic, nache So Qarataxala' Jesús ilaxachigui camaye, irolec na la'at qom ncosaueegue da iquetetot camaye qom nvi' da nactaigui da llo'oxoyec.

Apocalipsis 17:7

Qalaxaye so namaxashec piguem le'ec aỹem 'enapega, 'eeta': «¿Ta'ainco' ye ỹataqta huo'o da 'are'elaxa? Aỹem nagui 'am sa'axatem dam naigui maye saqcha'a de'era 'arauanaqchec. 'Am sa'aqtaxanem da naigui asa'aso 'alo qataq so shiguiỹac leguemaxaic maye siete naua lqaigo qataq diez naua lcouel maye netalec asomaye.