Apocalipsis 17:4 - La'aqtaqa Ñim Lo'onatac 'Enauacna 2013

⁴ Qaq asa'aso 'alo da lo'oxoỹaxac naua alogo, qalaq naueralec da ltogaxa qataq togaxaraic. Qataq na no'otaxatpi ndotec na chegaqaigui na oro qataq na no'on coma' qataq ana perla. Qaq asomaye na lhuaq aloiguishec nasoqta'a aso ỹomaxaqui maye chegaqaigui na oro nlaqchigui na lataxa. Qaq se'eso lataxa naigui na qalota ỹo'ottac qauem qataq da ỹo'oxoreetac nam qanatameetacotpi maye saq 'en.

Nuevo Testamento Toba Sur

⁴ Qaq asa'aso 'alo da l'oguiaxac naua alogo, qalaq tocalec na lmalaqa' qataq na togaxadaic. Qataq na n'otaxatpi ndoteec na chigaqaigui na oro qataq na qashilgaxadaic coma' qataq ana perla. Qaq asomayi lasoqta'a aso ÿomaxaqui mayi chigaqaigui na oro. Qaq asa'aso ÿomaxaqui ÿataqta nlaqchigui nam i'ot da nqaigaxa qataq nam 'ico' lshipaxanaxa dam nquishishaxac.

Nuevo Testamento Toba Sombrero Negro

⁴ Jañe'me yauo yatedañe ca'li jogaa'me 'netaqa'te jo'ne 'uo ga'me malaĝadaic da'me 'loyaĝa'j choqoga'me tomaĝadaic. Nataq'aen uo'oe jogaa'me li'yodaqa'te laqaya' jo'ne oro choqogaa'me qadi jo'ne onaĝayaqa choqogaa'me perlas. Nataq'aen lajoqot'a jaga'me yomaĝaiqui jo'ne oro 'me jaqachigui q'aen da'me ja no'en jo'ne ye'et, 'me yalequetenat da'me lequejeguetaĝa jo'ne paĝachigui.

Apocalipsis 17:4 Referans Kwoze

Apocalipsis 18:16

«¡'Agai, ỹataqta chaqaic da qouaigui! ¡Ỹataqta 'am choxoraxaso', 'am maye 'am lta'araic nỹecpi, qataq 'añaxaic! Naua 'ogo naxa qalaq ndota't na chegaqaigui na lino, da lo'oxoỹaxac naua 'ogo qalaq naueralec da ltogaxa qataq na togaxaraic, qataq na laỹepi 'ano'otaxatpi qalaq ndota't na chegaqaigui na oro, qataq na no'on coma' qataq ana perla.

Jeremías 51:7

Ye Babilonia 'eeta'am aca ỹomaxaqui oro co'ollaq huetaigui na ihuaq lauel, nache itaqchet naxa 'enauac na huetalec ana 'alhua. Nam ỹotta'a't shiỹaxauapi nỹomtapigui se'eso lataxa, nache deqat naxa da laỹaanataxanaxac.

Apocalipsis 19:2

Cha'aye Ñim Lo'onatac 'Enauacna saishet da depe'enaxan da huo'o ye nmit qataq ipagaqchiichigui da 'eesa lataxac. Ỹauo'o da nhuaxanaguec añi ỹataqta lta'araic da lquisheguetaxac maye ỹapaxaguenec 'enauac na huetalec ana 'alhua, da natamnot nam qanatameetacotpi maye saq 'en. Qataq qaỹo'ot da nhuaxanaguec, souaxat da ỹalauat nam lo'onataxanaxanecpi Ñimaye.»

Apocalipsis 18:12

da ndotai' na lmenec oro, plata, qataq ana 'otaqte, qataq na coma' maye le'enaxat perla; qataq na no'on nogoxot maye chegaqaigui na lino, qataq na nogoxot maye qashelgaxaraic naueralec da ltogaxa, qataq na togaxaraic; nataqa'en 'enauac na ỹotta'a't qo'oipaq ama na laita, qataq nam no'onatac maye chegaqaigui na marfil, qataq na le'enaxat bronce, qataq na lcat, qataq na coma' le'enaxat mármol;

Lamentaciones 1:9

Naua alogo qalaq nlaqchiguilo na qauem, qaq saishet da iuennatega co'ollaxa dam taỹa'aguet. Qaq ỹataqta nque'elaxatta co'ollaxa da huañi, nache qaica ca ỹa'añaqchet. ¡'Am Nataxala', ñaq 'aulogui nagui da ỹaquicoxo, qataq 'aumeten da na'amqaanaxac nam aỹem ipa'agueetacpi.

Apocalipsis 14:8

Qaq ca'attaueegue so lỹa namaxashec piguem le'ec nataqa'en detaqtac, 'eeta': «Mashe noxonec ye lta'araic nỹecpi le'enaxat Babilonia, mashe sogote da qailaxachigui yemaye, cha'aye yemaye ỹapaxaguenec 'enauac nam ỹotta'a't shiỹaxauapi da lasouaxashet, qataq da ỹalaxaguet naqa'en nam qanatameetacotpi maye saq 'en.»

Daniel 11:38

Qalaxaye ỹo'oxoren qome cam atamnaxala' maye lalamaxat ca nỹecpi maye qanpaxattaua'a, ỹo'oxoreetac qome que'eca atamnaxala' maye som hua'au lta'alpi saishet co'ollaxa da ỹo'oxoreetac, nache ỹaatacot qome na oro, plata, qataq na no'on coma'pi, qataq 'enauac na nogoxoshet maye ỹataqta no'on.

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Ezequiel 24:11

qaq ime nache 'aỹa'anangui ca norec aca taxaqui qui'itchigui, nache ivitta'a 'anqa'en da chauec na le'eraxa yaqto' ñeuec na lcochaxa; ¡qaq 'era da 'eetec qome da yaqto' ñeuec na lcochaxa!

1 Reyes 14:24

Qataq so shiỹaxauapi se'eso 'alhua nquisheshigui de'era la'amqaanataxanaxac, nache ỹe'enaxat dam ỹataqta qaiqaiga lataxac nam ỹotta'a't shiỹaxauapi, maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi.

Oseas 9:10

Qaq da la'aqtac Ñim Nataxala', 'eeta': «Co'ollaq selalec na Israel le'ecpi, nache ỹataqta samachiguiñi, sheeta'am ca shiỹaxaua da ilalec aca uva da huaña ca toolec 'alhua. Qataq co'ollaq sela'a so hua'au qarta'ailpi, nache 'eeta'am da sela'a aca la'auaxana ala ana hiigo. Qalaxaye co'ollaq ivita so netaña so Baal Pegor, nache ỹataqta nañaneguet da natameetacot na saq 'en atamnaxala'pi, nache ivira'a da ỹataqta qaiqaiga, 'eeta'am da nqaigaxa nam lauotaxat natamnaxala'pi.

Esdras 9:11

maye qomi' 'aỹa'anema 'auachegoxotchigui so 'ara'aqtaxanaxanecpi maye 'aramaxashecpi, da qomi' 'auqattegalo co'ollaxa, da ne'ena 'alhua maye ñenoxonaxaua'a da sonaqalec, namaye ỹataqta imattalec na qauem, souaxat naua qauema no'onataxaco na shiỹaxauapi maye netalec namaye, nache nlaqchigui na qauem 'onataxacpi maye qaiqaiga.

Ezequiel 20:30

Qaq qonapega qome na nhuo' Israel le'ecpi, qoneta': Da la'aqtac Ñim Nataxala', 'eeta': ¿Ta'ainco' qami' da qauoitaique da nshepaxan qanqa'eñi da qarataxaqui, da qoñeeta'am som hua'au qarta'ailpi? ¿Ta'ainco' da Aỹem sa qaualaqaiguet, nache qavio'oxoyiñiitac nam nqolacpi maye nqaigaxat?

2 Reyes 21:2

Qalaxaye somaye ỹo'ot co'ollaxa nam ỹataqta saỹaỹamaxaren Ñim Nataxala', cha'aye ỹe'enaxat da qauem lataxac som ỹotta'a't shiỹaxauapi maye Ñim Nataxala' ỹo'orauec co'ollaxa, ỹauaachigui naqa'en so Israel le'ecpi,

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Deuteronómio 29:17

qataq da 'eetec da qauauañiichigui da nqaigaxa yemayepi, nataqa'en ye natamnaxala'pi maye chegaqaigui na qo'oipaq, coma', lcat plata qataq na oro.

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Ezequiel 28:13

'Am qoueta'a co'ollaxa ye Edén, yem lanaxanaqa' Ñim Lo'onatac 'Enauacna, 'am llo'oxoraxat co'ollaxa na ỹotta'a't no'on coma'pi, na rubí, crisólito, jade, topacio, cornalina, jaspe, zafiro, granate qataq na esmeralda; ana 'ano'otaqtepi qataq ana 'arshetepi qalaq chegaqaigui na oro, maye qaiqataxaatai' so na'a'q co'ollaq 'am qaỹo'ot.

Apocalipsis 9:21

Nataqa'en ne'ena shiỹaxauapi saishet da ỹaxaañi da lalaataxanaxac, qataq saishet da ỹaxaañi da ldanaxanaxac; nataqa'en saishet da ỹaxaañi da lcachaxac, qataq da ncachetague' aca sa lhua.

Apocalipsis 21:21

Qaq soua doce laso'omi, qalaq chegaqaigui ana perla. Qaq ñi 'oonolec lasom, qalaq ndotelec ana 'oonole perla da qaỹo'ot. Qaq so nqa'aic ye nỹecpi maye laiñiguishec, qalaq ndotec na oro, ỹataqta chauec, 'eeta'am na 'etaxat da ỹataqta qui'itta.