Apocalipsis 17:10 - La'aqtaqa Ñim Lo'onatac 'Enauacna 2013

¹⁰ Qaq mashe cinco se'esoua nta'al maye mashe ileu, qaq 'oonolec nagui ñi ñaq do'onataxaatac. Qaq ñi lỹa qalaq saxanaxa da do'onataxan nagui, qalaxaye qom ivita da do'onataxan qalaq saqaỹaloq qome da ivirec da lo'onataxanaxac.

Nuevo Testamento Toba Sur

¹⁰ Qataq nataq'en ne'enaua nqaigo, naamayi nachi naiguilo naua siete nta'al. Qaq cinco soua mashi qaicaua ne'ena nta'alpi. Qaq 'oonolec nagui ñi ña do'onataxaatac. Qaq que'eca lÿa, qalaq ñaq natai'. Qaq qom nvi' cam pa'ateec, qalaq saqaÿaloq qome da imeuo.

Nuevo Testamento Toba Sombrero Negro

¹⁰ Qama'le gaa'me cinco jaliaĝanaqa joote qayaua, male 'uo ñe'me onolec jo'ne maliaĝa 'uo da'me lejaliaĝa, qama'le ga'me laqaya jo'ne p'ategue cha'li maliaĝa ja naequena. Qalaĝaja qom novi' qama'le ja cop'a da'me 'uo qom'te.

Apocalipsis 17:10 Referans Kwoze

Apocalipsis 10:11

Ime, nache aỹem qoỹenapega, qoỹeeta': «'Am iuen da 'aua'aqtaxanem na ỹotta'a't shiỹaxauapi ana 'alhua maye nataqa'en ỹotta'a't na la'aqtacpi qataq da lo'oxoỹaxac, nataqa'en na qalota nta'alpi ana 'alhua dam 'eetapeguec Ñim Lo'onatac 'Enauacna.»

Apocalipsis 17:11

Qaq se'eso shiguiỹac maye nca'altauec co'ollaxa, qalaxaye mashe saqca, somaye nacheso som 'oonolec se'esoua siete nta'al. Somaye ñe'eguelaq qome da yaqto' ỹe'eguelaxalec da do'onataxan, nache ivi' ocho na nta'alpi, qalaxaye nache huaña da imauec da qailaxachigui somaye.

Isaías 23:15

Qaq que'eca na'a'q, nache ye Tiro ivittrec qome caua setenta vi'iye da qaicoua'ai, vi'iye maye ishet da ivi' da nachaalataxac ca nta'a. Qaq qom inoxoorec que'ecaua setenta vi'iye, nache nvita ye Tiro dam ỹa'axatta'a co'ollaxa som lo'onec aso quisheguetaxai.

Apocalipsis 13:3

Qaq so 'oonolec soua lqaigo se'eso shiguiỹac maye chegaqangui aso auaxai 'eeta'am da huo'o so lta'araic lque'emaxa maye ishet da ilem. Qalaxaye se'eso lque'emaxa no'oita; nache ỹo'otec da 'enauac nam huetalec ana 'alhua ỹataqta huo'o da la'aalaxa, qataq huaña, nache ỹa'amaqten se'eso shiguiỹac.

Apocalipsis 13:12

qaq somaye ỹaconeguet co'ollaxa da la'añaxac ỹachegoxoto'ot som hua'auchiguiñi shiguiỹac leguemaxaic, qataq nache do'onataxaatacot somaye. Qaq somaye ỹamaxalec na shiỹaxauapi maye huetalec ana 'alhua da ỹo'oxoren se'eso hua'auchiguiñi shiguiỹac leguemaxaic, maye no'oita co'ollaxa so lta'araic lque'emaxa maye ishettaxa da ilem.

Apocalipsis 17:16

Qaq se'esoua diez lcouel maye 'auauaachiguilo se'eso shiguiỹac, qataq so shiguiỹac leguemaxaic ỹataqta nquiỹa qome aña'añi quisheguetaxai, nache añimaye qaỹacona qome 'enauac na hueto'otpi. Nache ỹataqta huetauec qanqa'en, qataq qanallec na lapat, ime nache qaỹasaxangui ca norec da qaỹavigaxat.