Apocalipsis 16:5 - La'aqtaqa Ñim Lo'onatac 'Enauacna 2013

⁵ Ime, qaq sa'axaỹa som namaxashec piguem le'ec maye hueto'ot da na'añaxac da ilotague' na 'etaxat, 'eeta': «'Am maye 'Aro'onatac 'Enauacna, 'Am maye ỹataqta 'am qui'itta, qataq chochaq tatec da 'anca'altauec qataq ỹaỹamaqchiguiñi da huo'o ye 'arhuaxanaxanaxac.

Nuevo Testamento Toba Sur

⁵ Ime, qaq sa'axaÿa som namaxashic mayi ilotague' na 'etaxat, 'eeta': –Ÿataqta ÿaÿamaqchiguiñi de'eda 'au'ot 'adhuaxanaxanaxac, 'am qadataxala' Dios mayi 'am qui'itta, 'am mayi 'au'onataxaatac nagui qataq nachi'am l'atchiguiñi.

Nuevo Testamento Toba Sombrero Negro

⁵ Da'me yem qama'le jomachiya ñe'me piyem le'ec laqaya jo'ne nouatoqo't jena'me noĝop 'me eetac: “Am Jaliaĝanec jo'ne ja am 'te 'nalegue, Naqa'am jo'ne jalchi'ena am 'uo nataq'aen nach'e eta't da'me qo'mi oue'tajopa, Yataqata yiyamaqachiñe da'me aua'uo tachigui nayi Da'me auec'ateneque naa'me naajo' jo'ne at'onataqa,

Apocalipsis 16:5 Referans Kwoze

Apocalipsis 11:17

'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec; 'am maye 'anca'altauec, qataq nache 'eetai' da 'am huo'o. Qana'achec, cha'aye 'auachaxan da lta'araic 'ara'añaxac, qataq mashe 'auo'onataxan da 'alo'ogue 'enauac ana 'alhua.

Apocalipsis 1:8

Ñim Nataxala' maye qaica ca 'ena'am da la'añaxac, Ñim nache 'eetai' da huo'o qataq Ñim do'onataxaatac nagui qataq Ñim mashe nayeetai', 'eeta' da la'aqtac: [«Aỹem maye Nachaỹem la'atchiguiñi, qataq Nachaỹem pa'atec.»]

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

Salmos 145:17

Ñim Nataxala' nalochiguiñi da nqa'aicỹaxac, da lchoxonnataxanaxa huetalec 'enauac na lo'onatacpi.

Apocalipsis 4:8

Qaq ñi 'oonolec se'esoua cuatro shiguiỹa'c qalaq ivi' seis ana laua't ñi 'oonolec, qataq nlaxagui ana la'aitepi qataq saishet da ỹa'axaneguet da lo'onaxanaxa'c ye na'a'q qataq ye pe da 'eetra': «¡Ỹataqta qui'itta, ỹataqta qui'itta, ỹataqta qui'itta Ñim Nataxala', Ñim Lo'onatac 'Enauacna maye qaica ca ỹaqalanapec, maye nache 'eetai' da huo'o, Ñim nca'altauec qataq mashe nayeetai'!»

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Salmos 129:4

Qalaxaye Ñim Nataxala' maye nalochiguiñi da lataxac, aỹem isoueeguesop so lcoñetaxanaxat na qauemaicpi.

Génesis 18:25

¡'Am saishet da 'auo'ot de'era da 'aualauat cam qaica ca ỹasouaxat, da cañe' 'anqa'en cam huo'o ca lasouaxashet, da 'eco' 'eeta'a't caua dos da huo'o ca lasouaxashe't! ¡Saishet qome da 'auo'ot de'era! cha'aye 'Am maye 'am 'amaqtaqaic da 'anmit 'enauac ana 'alhua, ¿qaq peta'a saishet da 'auo'ot cam nalochiguiñi lataxac?»

Apocalipsis 16:7

Nataqa'en sa'axaỹa so nvilỹaxac chemaqteua'a aso nca'atoxonaxalate, 'eeta': «Aja', 'am Ỹataxala' maye 'Aro'onatac 'Enauacna, qataq qaica ca 'auqalanapec, ne'ena 'arhuaxanaxanaxacpi ỹataqta ỹaỹamaqchiguiñi qataq 'eesa.»

Romanos 3:5

'Enauac nam qauem maye so'otaqtac ỹachaxan da Ñim Lo'onatac 'Enauacna ỹataqta 'eesa naxa da dalemata qataq ỹauo'o ye qanhuaxanaguec. Qalaxaye saishet da shenaqtega da Ñim Lo'onatac 'Enauacna da sa iqatchigui cam ỹo'ot (de'era itaxaỹaxac, ltaxaỹaxac ca choche shiỹaxaua).

Daniel 9:14

Qaq ỹoqo'oye 'Am Nataxala', 'auqataxanai' co'ollaxa de'era qauem, nache qomi' 'anamaxalo da qomi' taleguete, cha'aye 'am Nataxala' maye 'am Qanatamnaxala', ỹataqta nalochiguiñi 'enauac nam 'auo'otpi, qalaxaye qomi' saishet co'ollaxa da 'am ña'axaỹaxanaxa.

Lamentaciones 1:18

Qaq Ñim Nataxala', ỹaỹamaqchiguiñi dam ỹo'ot, cha'aye aỹem sataỹa'agueta naua lamaxasoxonaxaco. ¡Ñaq qana'axaỹaxañi nagui 'enauac qami' nhuo' le'ecpi, qataq qaumichiñi da ñequi'ic! ¡Som ỹalamaxat nsoxoppi, qataq som qa'ampi qaỹauega yem ỹaqa'a 'alhua!

Apocalipsis 19:2

Cha'aye Ñim Lo'onatac 'Enauacna saishet da depe'enaxan da huo'o ye nmit qataq ipagaqchiichigui da 'eesa lataxac. Ỹauo'o da nhuaxanaguec añi ỹataqta lta'araic da lquisheguetaxac maye ỹapaxaguenec 'enauac na huetalec ana 'alhua, da natamnot nam qanatameetacotpi maye saq 'en. Qataq qaỹo'ot da nhuaxanaguec, souaxat da ỹalauat nam lo'onataxanaxanecpi Ñimaye.»

Apocalipsis 16:4

Qataq jec so lỹa namaxashec piguem le'ec da icorelec so huetagui aso ỹomaxaqui anam talapi qataq anam npaxaatasheguem na le'ec, nache na 'etaxat nañigui nataqa'en na ntago'q.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Apocalipsis 6:10

Nache somayepi ỹataqta na'axannec da la'aqtac, 'eeta': «'Am maye 'Aro'onatac 'Enauacna, qataq qaica ca 'auqalanapec qataq ỹataqta 'am qui'itta qataq nache 'eetai' da 'am 'eesa. ¿Chaq lagui da 'auauo'o ca 'arvi' da 'avi'enaxata'aguet nam qomi' ỹalaua't co'ollaxa? Qataq ¿Chaq lagui da 'auo'ot ca nhuaxanaguec namayepi?»