Apocalipsis 16:3 - La'aqtaqa Ñim Lo'onatac 'Enauacna 2013

³ Qataq jec so lỹa namaxashec da icorelec aso auaxai so huetagui aso ỹomaxaqui, nache nam le'ec 'etaxat asomaye nañigui na ntago'q, 'eeta'am na ltago'q na nalaatac shiỹaxaua. Huaña, nache ileu 'enauac nam huo'o da lca'alaxa maye huetangui aso auaxai.

Nuevo Testamento Toba Sur

³ Qataq jec so lÿa namaxashic da icodelec aso auaxai. Nachi nam l'ec 'etaxat aso auaxai, nachi nañigui na 'eeta'am na ltago'q na leuaxaic. Nachi ileu 'enauac nam huo'o da lca'alaxa mayi huetaigui na 'etaxat.

Nuevo Testamento Toba Sombrero Negro

³ Qama'le joñe'me piyem le'ec jo'ne dajoyalegue joñe'me jo'ne 'uaechiñe male yecodiñgui ga'me le'ec jaga'me yomaĝaiqui jo'ne mach'e loqote, qama'le jaga'me qa'em lat'edai male naleguemaĝata jaga'me netauo' joga'me noĝop jo'ne le'ec, qama'le ena'am ta'le naqaega ga'me jiyaĝaua qom dalataĝanac, qama'le yele'u ena'uaque jogaa'me jo'ne noĝop laje'.

Apocalipsis 16:3 Referans Kwoze

Apocalipsis 11:6

Caamaye huo'o da la'añaxa'c, da saishet naqa'en da auot iviraxattre'c caua tres vi'iye qataq ca laiñi ca lỹa vi'i maye huetoigui da da'aqtaxaata'ape. Qataq nataqa'en huo'o da la'añaxa'c da ishet da nañigui naqa'en da ntago'q na 'etaxat, qataq da ỹo'otec 'enauac na shiỹaxauapi maye huetalec ana 'alhua na ỹotta'a't qauemsat. Qataq ỹataqta maiche ỹoiqueeta'ape da ỹe'eguelaqtaleguete cam ỹo'otec namayepi.

Salmos 105:29

Qataq nañigui naqa'en na ntago'q so 'etaxat, nache ỹalauat so nỹaqpi.

Salmos 78:44

Qataq co'ollaq nañigui naqa'en na ntago'q na 'etaxat maye huetangui na talapi, nache na Egipto le'ecpi saishet da nỹomigui se'eso 'etaxat.

Apocalipsis 10:2

Qaq na lhuaq qalaq nasoqta'a aso nerole ỹauattagui. Qaq so namaxashec piguem le'ec can vi'iiguet, nache na lapia' maye aloic petalec naqa'en aso auaxai, qaq na ne'emaq qalaq petalec naqa'en na 'alhua.

Ezequiel 16:38

Aỹem 'am ñemit qome souaxat da 'arquisheguetaxac, qataq da 'aralaataxanaxac, qaq souaxat da inogoxonaxac qataq da ica'alaxanaxac nache 'am saneguet da nleuaxa.

Génesis 7:22

Qaq ileu co'ollaxa 'enauac so huetalec ana 'alhua som huo'o da lca'alaxa, qataq som huo'oi naua la'a'che.

Apocalipsis 13:1

Ime, nache sauaachigui da nnoxoosheguem so shiguiỹac leguemaxaic chegaqangui aso auaxai, somaye diez soua lcouel qataq siete soua lqaigo. Qaq añi 'oonole lcoue ỹaatañi ana naro'o na nta'a, qaq ñi 'oonolec naua lqaigo, nanettalec na ne'enaxatpi maye ỹataqta npa'agueneto Ñim Lo'onatac 'Enauacna.

Hechos 2:41

Huaña, nache nam ỹalaxaguet da la'aqtaxanaxac so Pedro, nache qanachelaxan. Nache se'eso na'a'q nquiguec nam ỹa'amaqten So Jesús, qaq ivi' ye tres mil so shiỹaxauapi maye ỹa'amaqten da la'aqtaxanaxac somaye.