Nache ỹataqta 'enauac da ỹavic na shiỹaxauapi, qalaxaye ñaqaiyeta saishet da ỹe'egueloqot Ñim Lo'onatac 'Enauacna qataq da yaqto' ỹo'oxoren. Nachaqrata da dalemataỹa Ñim Lo'onatac 'Enauacna maye huo'o da la'añaxac da ishet da ỹa'axaneguet se'eso qaica ca 'ena'am da lchec lhuaxanaxanaxac Ñimaye.
Nache so hua'auchiguiñi namaxashec piguem le'ec can ỹashiiyigui aso lasheere, nache anac aso lache qataq so norec ỹalecteguet na ntago'q. Nache ỹavic so 'oonolec naua tres lpa'axaco ana 'alhua, nataqa'en ana qo'oipaq, qataq nataqa'en 'enauac na 'auaqpi.
Qaq se'eso amorreopi co'ollaq mashe quetangui so ca'amegue ye Bet Jorón souaxat da 'ettapeguem so Israel le'ecpi, nache Ñim Nataxala' anacot co'ollaxa aso lache maye ỹataqta late'el, nache ỹataqta qalota so ỹalauat. Nache ỹataqta qalota so lalaatac asa'aso lache, napacalec so lalaatac so Israel le'ecpi.
Qaq ỹoqo'oye qonapega qome nam da'amnaxaatega na na'amnaxanaxat lapagaxaic da ỹa'ameetac na lque na nỹec, da namaye hua'axauec qome. Cha'aye anac qome ca lta'araic auot, qataq aca lache maye 'eeta'am na coma', qataq anac qome ca la'ana't la'at,
Na shiỹaxauapi qalaq tateguelo qome, qaica ca nyacnataguec qataq ỹaguec na lqouaxa, qaq souaxat na lqouaxa nache qaica ca iren qataq ỹasaxalec ca qauem la'aqtac ca lta'a qataq ca natamnaxala'pi, nache ilo'ot na piguem,
Qaq Ñim Nataxala' ỹo'ot qome da qaỹa'axaỹa dam ỹo'oxoraq lavilỹaxac, qataq ỹachaxan da la'añaxac qom do'ogoxona dam chaqaic layeloxo, qataq nactaigui na le'eraxa ca norec maye ỹavigaxat 'enauacna, qataq ca nqashelgaxa, auot qataq aca lache.
Nache Ñim Nataxala' 'enapega so Moisés, 'eeta': «'Auachaxaasheguemec na 'arhuaq na piguem, yaqto' 'enauac na Egipto talec aca lache, qataq na shiỹaxauapi qataq na shiguiỹacpi, qataq ana nañiguishecpi maye huetaleguete naua lanaxanaqa'ate na Egipto le'ecpi».